滙豐One理財戶口+出糧戶口優惠:迎新賺高達$1,800 | HKCashRebate 現金回贈信用卡攻略

滙豐One理財戶口+出糧戶口優惠:迎新賺高達$1,800

#滙豐One理財戶口優惠 #滙豐出糧戶口優惠 #滙豐手機開戶 #HSBC ONE戶口迎新 #滙豐戶口迎新 #滙豐Advance #滙豐運籌理財

新客經本網申請渣打Smart卡,毋須簽賬額外賺$1,200,連同迎新簽$4,000合共賺$2,400!

新客經本網申請恒生MMPOWER卡,額外送$1,500/AirPods/Switch!就算係舊客都有額外$700!

新舊客經本網申請AE Explorer卡,額外賺$1,000!迎新再賺高達$4,260/71,000里!

新舊客經本網申請信銀Motion卡,額外賺$1,000!連同迎新賺高達$2,000!

新客經本網申請sim Credit,迎新賺高達$1,500!

新客經本網申請AEON WAKUWAKU,迎新賺高達$1,400!

有無諗過連開銀行戶口都可以賺迎新?即睇銀行開戶迎新大全

想轉出糧戶口賺迎新?玩SI自製出糧?即睇出糧戶口全攻略

(最後更新:2021年11月)

優惠已完結

滙豐舊年推出嘅綜合理財戶口「滙豐One」,取代咗原本嘅「運籌理財」同「明智理財」2個等級,呢排仲搵埋姜濤賣廣告嚟吸引後生仔開戶!全新滙豐客戶只要用手機App開戶,再做簡單任務就有現金回贈!另外經佢出糧亦有現金回贈賺呀!

滙豐One理財戶口回贈詳情

滙豐One

1. 手機開戶

完成3項任務: $300
18至25歲:額外$100

2. 出糧

≥2萬: $500

≥1萬: $200

3. 信用卡

新客$800迎新

舊客$300迎舊

4. FlexInvest

$100

總共

高達$1,800

開戶步驟

滙豐依家已經支援手機App開戶,只要以手機進入指定連結㩒「立即申請」,就可以直接down返滙豐個App;入App之後揀手機開戶,然後填資料、影身份證同自拍就搞掂。

不過佢個手機開戶好樣嘢好麻煩,如果你本身已經有滙豐信用卡係用唔到,要走返落分行去開戶,變相就食唔到個迎新。

滙豐開戶:立即申請

1. 手機開戶

今期優惠做到2022年1月31日,適用於現時並未於滙豐持有任何綜合理財戶口或滙豐信用卡/附屬卡,年齡18歲至64歲及居住於香港嘅客戶。合資格客戶透過手機開立One理財戶口,喺適用期完成下表嘅其中3項任務,就可以賺到$300現金獎賞!如果係年齡在介乎18至25歲仲再有$100現金獎賞!有關現金回贈將會喺2022年7月31日或之前入賬。

開戶日期 2021年11月3至30日 2021年12月1至31日 2022年1月1至31日
適用期 2022年2月28日或之前 2022年3月31日或之前 2022年4月30日或之前

雖然個表睇落就好似好複雜咁,但其實a、b、h、i、l呢5項都係勁易做,所以揀3項做係好簡單,幾分鐘時間已經可以搞掂晒袋走$300。值得一提嘅係,係i項張滙豐扣賬卡只要喺App入面㩒兩個制就可以開到,直頭連資料都唔使填。

2. 出糧戶口

今期優惠做到2022年1月31日,適用於優惠期內 (i) 新開立滙豐One戶口(而之前9個曆月無滙豐戶口) 或 (ii) 轉換現有滙豐運籌理財戶口為滙豐One戶口嘅客戶,而且喺登記前6個曆月内喺滙豐無任何出糧紀錄嘅客戶。客戶要通知公司HR更改出糧戶口,並於開立/轉換戶口月份後第二個曆月或之前首次存入薪金,並維持至開立/轉換戶口月份後第四個曆月,方可獲得回贈。

留意返,滙豐呢個出糧promo只會計算由僱主公司戶口以自動轉賬方式直接存入嘅薪金,其他SI、支票、轉賬、存款、現金等出糧方式全部唔計。所以呢part係你份糧已經fix死咗你賺到幾多回贈,如果出糧方式唔啱仲要係無份食。有關現金回贈會喺2022年7月31日或之前入賬。

開立戶口日期 2021年11月3至30日 2021年12月1至31日 2022年1月1至31日
首次存入薪金日期 2022年1月31日或之前 2022年2月28日或之前 2022年3月31日或之前
維持存入薪金日期 2022年2月及3月 2022年3月及4月 2022年4月及5月
出糧金額

現金獎賞

$20,000或以上

$500

$10,000 – $19,999

$200

3. 信用卡

其實信用卡呢part係同個One戶口無關係,可以分開食。全新滙豐信用卡客戶今期成功申請滙豐Red卡/Visa Signature卡/白金卡,可享$800迎新。現有滙豐信用卡客戶今期成功申請滙豐Visa Signature卡/白金卡,亦都有$300迎新。詳情可以參考返滙豐Red卡攻略滙豐Visa Signature攻略滙豐白金卡攻略

4. FlexInvest

今期優惠做到2021年12月31日,客戶於推廣內首次透過FlexInvest靈活智投完成(i)下達單次認購金額港幣5,000元或以上的交易或(ii)一個每月投資計劃供款港幣5,000元或以上投資交易,可享$100現金獎賞。有關現金回贈將於2022年6月30日或之前入賬。

滙豐開戶:立即申請

受條款及細則約束:手機開戶優惠T&C出糧戶口優惠T&CFlexInvest優惠T&C

借定唔借?還得到先好借!

唔想錯過信用卡回贈優惠?即刻Follow我哋FB PageIG!最緊要加入埋WhatsApp Channel!仲可以訂閱電子報呀!

本網站所載資料只供參考,有關產品詳情請以金融機構所提供的資訊及/或有關連結內的內容為準。

分享

18 則留言

  1. 我想問,昨早上星期六在分行開滙豐戶口,然後在hsbc app登記網上銀行,但電話理財同密碼已經搞掂沒有問題,但唯獨啟動流動編碼手機驗証第二步,收唔到信息無反應,我想問師兄知唔知點解會唔得?周六新開

  2. 請問如果我原本已有one ac但過往冇任何出糧記錄,請問仲可唔可以食個出糧回贈?
    係咪唔洗申請,直接請HR出糧到我個ONE戶口就可以?

  3. 我今日去左分行開户,分行職員 都係用我部手機開app
    原來佢地已經有指示,除左唔識用智能手機GE老人家,其他人都一定要用手機app開户

    而大家個張身份證,除非係近1~2年發出,否則都會好似我咁樣,彈提示 認證失敗,叫你去分行開戶
    原因係「系統覺得你唔似身份證上GE人」,呢一方面 系統好嚴格,分行職員同我講「8成會失敗,除非你岩岩換左身份證」

    開户過程大致相同,有一part,app會問你 係唔係分行,選「是」,app會出QR code,再比銀行職員掃一掃,就100%認證成功啦

    手機開户GE迎新 係 一樣食到,唔駛擔心

    我係即時拎提款卡+密碼,但提款卡係冇你GE英文名,可以另外申請,會免費郵寄去你屋企

    我去 公司HR 申請轉移出糧户口時,發現 除左提款卡、提款卡密碼紙,我咩文件都冇,聽日要再去銀行問下
    因為户口新開,ebanking冇月結單比我下載,而 公司HR 需要一份 有我名、有户口number、有銀行名 GE銀行文件

    要做出糧户口GE人,可以注意一下,以免好似我咁,又要走多轉

    最後,我係OK店 GE PPS機開户失敗,應該係户口太新吧,過幾日我再去開PPS。。。。。。

留言(你的電郵不會被公開)

發佈留言必須填寫的電子郵件地址不會公開。 必填欄位標示為 *