《全民造星》姜濤(姜B)成功咗，適逢ViuTV再來《全民造星 2》，令到全香港一眾有明星夢嘅少男都再次重燃星夢希望！不過大家覺唔覺呢99位參賽者入面，有啲好似熟口熟面？原來有一啲係拍開Youtube、有啲本身已經有過唔少幕前經驗、有啲更係讀緊書嗰陣已經參加各類選季比賽！最估唔到係，99位參賽者入面，最睇得上眼嘅4位，全部都選過大專校草，有啲仲係冠軍級人馬嚟！既然四位都有顏值又有才華，會唔會全部都成功晉身《全民造星 2》入圍名單呢？
登入 瀏覽本網站，可獲取積分換領專屬優惠
點擊查看專屬優惠
1.《全民造星2》最靚仔Phoebus吳啟洋 曾被譽「翻版金秀賢」
Phoebus係香港手球隊成員，身高180cm，2014年參加Ustar嘅時候，被冠以「翻版金秀賢」 美譽！
▲Pheobus係香港手球代表隊，係港隊嚟，經常代表香港出賽！
當年參選時Phoebus只得18歲，相當嫩口，但因為天生一副高顏值加上標準身型，話咁易就當選冠軍！
嗰陣贏咗就有機會去華納試音，不過見佢冇入到行做歌手，就知佢當年試音應該係衰咗。
其後更簽了Model公司做Model，不過因為要專心讀書的關係，job都不算太多。
不過Phoebus有天生一副食呢行飯嘅package，相信就算喺《全民造星2》落敗，都會得到好多廣告商垂青。
唔好以為Phoebus靚靚仔仔就係花弗type，其實佢非常專一，同女朋友仔愛得高調，仲行咗幾年㗎喇！
2.《全民造星2》最大隻Zelos黃凱逸 運動讀書唱歌瓣瓣得
Zelos黃凱逸係2015年參加校草選舉，當年夾著「中大新樂王」個朵，即係「新傳系」音樂王，成功獲得冠軍！
當年Zelos已經有一副好body，好歌喉，絕對係有哂食呢行飯嘅條件，唔知今次《全民造星2》佢可唔可以再嘗拎冠軍嘅滋味？
Zelos相當活躍於歌唱事業，曾經去過自由約表演，有粉絲喺ViuTV post留言話喺自由約聽過Zelos唱歌而好鍾意佢㗎
曾經跟文青氣質女神Gladys Li李靖筠合作組合Geez，走文青band隊路線，歌喉好冇？大家自己睇喇
Zelos大學時已經係龍舟隊，身型當然有返咁上下，而家仲做埋健身教練幫人Keep fit，自己副偈當然要Keep得好！所以佢喺ig, fb都從來唔吝嗇佢嘅鮮肉身材！
3.《全民造星2》Enson劉頌鵬星途最掂 任金像獎紅地毯司儀
Enson當年參加校草嘅時候只有20歲，仲讀緊廣告設計Year 2，雖然最後10強不入，但其後星途算係好好。
當時一臉稚氣嘅Enson已經好有明星臉，上鏡夠哂Kawaii，同姜濤一樣都係走「小鮮肉」路線。
曾經拍過慈善電影《青春戰記之來得及再愛妳》做男主角！
還曾經去過金像獎，是大會特別安排了32位新一代演員擔任司儀的其中之一，行過紅地毯，相當威水！
▲大家有沒有看到Enson喺邊？就係喺大導演爾冬陞後面！
近年更越來越深得廣告商喜愛，廣告一個接一個，絕對有潛質做姜濤2號！
一時幫飲品拍廣告，一時又幫美國年青服裝品牌拍廣告，相當有前途！
4. 《全民造星 2》Alfred胡學軒唱歌最得 商場駐場歌手
2016年12強，當時只得21歲的Alfred仲讀緊HKDI數碼音樂及媒體高級文憑Yr.1。
佢參賽嗰陣唱歌嘅歌喉已經震驚評判，估唔到21歲仔唱歌都咁好聽，原來本身已經係商場駐場歌手，難怪！
可惜最終都只係入到12強，雖然冇贏到校草，但歌唱事業無因而放棄，仲繼續喺唔同平台唱歌，仲同Jason一齊做過show。
Alfred都算係星途最堅定嘅一個，淨係專心唱好歌，任何演唱機會佢都有好好把握，上年都有喺Clockenflap表演過！