搞生意send email比客仲用@gmail.com或者@hotmail.com？原來想專業啲用公司域名開一個電郵賬戶都唔係咁難。以下係一系列免費及收費嘅自訂Email服務，簡單整理各服務嘅優點缺點同價錢，助你輕鬆開一個公司email account。
要有一個自訂域名Email，最基本一定要申請一個域名（Domain name），即係aaaaaa.com / bbbbbbb.hk。申請一個域名最少要一年起計，.com每年約$9.13USD，.hk/.com.hk每年約$250HKD。建議自己直要申請，因為域名都算係代表你公司嘅重要一環，自己申請每年續期同域名「擁有權」都係自己到，特別係申請.com.hk/.hk域名時雖要提供個人身份或公司身份認證文件。註冊.com/.net/.org域名推介使用Porkbun，註冊.hk/.com.hk域名推介使用Hosting Speed。
有一個域名後就可以申請一個自訂電郵服務，當中要透過修改域名DNS記錄去設定公司Email服務，詳情可以根據相關服務供應相教學去一步一步設定。
Zoho Mail (免費)
Zoho Mail提供嘅電郵服務有包括免費嘅plan，如果想最低成本開公司Email一定係不二之選，不過當中限制左你使用第三方嘅電郵軟件，無法透過SMTP收發電郵。
優點：免費
缺點：免費計劃不支援SMTP，只可以使用Zoho Mail App/網站存取Email
價錢：免費
設定教學：https://www.zoho.com/mail/help/adminconsole/email-hosting-setup.html
Cloudflare Email Routing (免費)
Cloudflare最近推出咁測試中嘅Email Routing服務，可以將發送到你域名嘅Email轉發到其他Email到，變相可以當係一個只收不發嘅公司Email服務，人哋可以send去你嘅自訂電郵，但你無法用自訂電郵去send email。
優點：免費
缺點：無法用自訂電郵去send email
價錢：免費
設定教學：https://blog.cloudflare.com/migrating-to-cloudflare-email-routing/
Google Workspace (收費)
Google Workspace係Google提供嘅商用服務，當中包括自訂電郵服務，雖然係收費服務，但最大優勢就係佢基於Gmail嘅服務，係電郵收發同電話Gmail App整個上都有更好嘅體驗。
優點：服務質素及體驗較好
缺點：Spam filter自訂性較低
價錢：最平每個用戶需要HK$47/月
設定教學：https://support.google.com/a/answer/140034?hl=zh-Hant
Microsoft 365 (收費)
Microsoft 365係Mircosoft提供嘅一站式商用服務，除咗Office web app服務，都有自訂電郵服務。而Mircosoft本有都有Outlook/Hotmail email服務，所以都一個唔錯嘅選擇。
優點：基本計劃包括網頁版和行動裝置版 Office 應用程式
缺點：Spam filter自訂性較低
價錢：最平每個用戶需要HK$47/月
設定教學：https://docs.microsoft.com/en-us/microsoft-365/admin/setup/add-domain?view=o365-worldwide
Web hosting 電郵服務 (收費)
一般使用cPanel/DirectAdmin嘅網頁寄存都會有提供埋自訂電郵服務，但係一般都唔建議客戶使用內置嘅網頁寄存電郵服務。因為通常web hosting都會有好多嘅客戶使用同一個IP去發送電郵，當中如果有人違規導至該IP被blacklist，就會影響電郵發送。而一般網頁寄存服務供應商都係主力提供網頁寄存服務，通常未必會優化電郵發送能力，以致Send出去嘅Email好容易去左Spam Folder。
優點：價錢低，因為包含喺網頁寄存價錢
缺點：Spam filter自訂性較低
價錢：取決於網頁寄存價錢
設定教學：-