你以為過埋Final IN就可以安心等住收Offer返Intern？其實大部分公司係出Offer前都會做Background Check，確保你之前交咗（或無交）嘅資料同經驗喺咪真實！之前甚至有已經收到Offer嘅同學因為過唔到Employment Background Check而慘失Offer！如果你想知道點先可以順利過到Background Check，令到手嘅Offer唔會被收返，咁就快啲Like同Save低呢個Post！

.

就職資歷查核做啲咩？

近年就職資歷查核嘅程序愈來愈複雜同規範化，好多投行同公司甚至會外判出去俾專業嘅Background Check Agency去做，大啲出名啲嘅有RISQ Group、 Hireright同CBI等。但無論係邊間Agency都好，Background Check針對嘅重點不外乎：

.

學術紀錄（Academic Records）

犯罪紀錄（Criminal Records）

就職紀錄（Employment Records）

環聯信貸報告紀錄（TransUnion Report）

.

學術紀錄好少同學出事，畢竟好少同學會傻豬到謊稱自己係某間大學讀緊某一科，但就職記錄或信貸報告記錄就不時都出事！

.

就職紀錄中伏例子一：

例如試過有內地同學俾錢買「遠程實習項目證書」，即係有個人同你講佢係做GS、JPM或Big4嘅經理，然後話你坐係屋企度，佢俾個項目你幫佢做，完左後俾張證書話你做左實習，但其實呢啲所謂嘅實習係個間公司根本就無就職紀錄，結果個同學係拎到其他投行或大公司嘅Offer同做Background Check時就出左事，被人收返個Summer Analyst 或 MT Offer。

.

就職紀錄中伏例子二：

履歷表上面個Job Title同就職紀錄唔同：如有同學試過俾公司問點解係CV上面寫嘅Job Title 係Summer Intern，但係公司紀錄就寫左Summer Assistant。雖然呢類情況通常只要寫返個email向公司解釋返都會無事，但係都無謂承擔呢個風險，唔係嚇都嚇死

.

�環聯信貸報告係啲咩？

環聯信貸報告紀錄左個人嘅信貸活動，其中包括提供左信貸或貸款俾你嘅機構嘅名稱、信貸限額同貸款額，以及你嘅還款紀錄咁。如果你有拖欠債項、破產與追討債務相關嘅法律行動等紀錄，佢地亦會出現係你嘅信貸報告中。

.

環聯信貸報告點影響你個Offer？

信貸報告有個評級，一般大公司（特別係金融機構），會對個評級有最低要求，以往呢一部份都好少出事，但近年唔知係咪因為環聯信貸報告評級要求收緊左，定因為大學生消費模式唔同左，用多左信用卡而有時又唔小心無還到錢，令到近兩年都有啲同學過唔個信貸報告記錄評核

.

俾個提示大家信貸報告記錄一定要好好，大部份銀行入職要求要有C以上，所以你借銀行錢同申請信用卡時一定要小心諗清楚，同一定要準時還款！特別係如果你報左某間Bank MT或intern，你就千祈唔好欠個間銀行任何卡數，唔係個Offer真係凍過水

.

咁緊要嘅Background Check資訊一定要廣傳出去，share俾一齊搵緊工嘅同學，一齊袋穩個Offer！