影片
開飯介紹
晚市放題供應多款食物，如刺身、壽司及炸物等。特別提供一般放題少見的朱古力噴泉、爆谷機及棉花糖機。食客更可任飲清酒、梅酒及啤酒。
繼續閱讀
營業時間
今日營業
12:00 - 15:00
17:00 - 23:00
星期一至日
12:00 - 15:00
17:00 - 23:00
公眾假期
12:00 - 15:00
17:00 - 23:00
公眾假期前夕
12:00 - 15:00
17:00 - 23:00
以上資料只供參考, 請與餐廳確認詳情
有關獎賞計劃
相關文章
榴槤季節又來啦，我朋友知道我好鍾意食榴槤，特登帶咗我食依間日式刺身放題店，事關佢推出咗個期間限定的馬來西亞榴槤放題，唔使$300就可以任食多款魚生和馬拉榴槤、Häagen-Dazs雪糕甜品無限續杯，真心推介刺身拼盤（角螺刺身、希靈魚、油甘魚、挪威三文魚、劍魚腩、帶子和阿根廷赤蝦）我自己最鐘意油甘魚，劍魚腩同阿根廷赤蝦，劍魚腩肉質肥美，油甘魚鮮甜嫩滑，手掌咁大隻的阿根廷赤蝦，爆高嘅蝦頭爽滑嘅蝦肉，令人欲罷不能😂榴槤要知道全世界最出名食榴槤嘅地方就係馬來西亞，而佢地有種食法就係會將個榴槤燒烤，經過燒烤既榴槤味道會更香甜，口感更順滑，兩款我哋都有食，我自己比較鍾意就咁食（即不烤）入口嫩滑細膩啖啖肉，口感奶滑肉質偏腍，當然比起你食D24就冇咁多肉，但係你而家去超市買榴槤都成舊水仲要得兩粒仔，呢個價錢食到喱個質素的榴槤放題已經回哂本和風牛柳粒牛柳粒加入咗黑椒同醬汁去炒，肉質柔軟嫩滑，好食！竹笙瑤柱蟹肉羹其實即係碗仔翅，味道偏淡，我幫大家試咗可以唔使嗌🥹蒲燒鰻魚必點，鰻魚入口Q彈，肥嫩嫩好好食蒜蓉燒生蠔蒜味香濃，蠔肉都幾大粒，夠爽甜，推介燒有機菠蘿味道偏酸，正常野～海膽手卷必點，雖然海膽味偏淡，但係呢個價錢都食到海膽都真係相當抵食，而且佢一啲都唔腥，好食！台式地瓜球外層酥脆，入面係芋頭蓉，幾好！貓山王榴槤炸彈必點，炸榴槤皮薄餡靚，一啖入口榴槤溶晒口中，讚讚雪花牛鍋(2-3人份）牛肉份量都好大份，湯底味道有少少似日式壽喜燒，帶少少甜味同豉油香，肥牛肉味香濃，甜而不膩，好食芝麻雞翼外皮炸到脆卜卜，好香口吉列炸蠔外層炸到金黃香脆，蠔肉肥美，蠔味十足！鹽燒牛舌牛舌比較薄身，入口軟嫩爽口，配啤酒一絕！御品鮑汁燴花膠鮑汁香濃，花膠好大塊，口感彈滑嫩口，回本必點！
繼續閱讀
御滿屋日本料理旺角彌敦道655號胡社生行1樓今日去左朗豪坊行街，行到餓諗住想搵野食下，一行出商場，好多遮遮（姐姐)派傳單，見到胡社生行1樓既御滿屋日本料理既單張，有138款料理咁吸引，就決定去試下。我地清楚收費後，已急不及待就座，餐廳採用QＲ落單，上菜好快，琳瑯滿目的食物，樣樣都想試，好彩佢可以１件１件既點，先至可以試多幾款，至於要全部試下，真係要黎多幾次先得。手卷好精緻，細細件，紫菜好脆好好食，刺身好新鮮，帶子同赤蝦，十分鮮甜，燒物火喉剛剛好，燒生蠔燒羊架燒牛舌燒雞亦牛柳粒，全部即叫即燒，外脆內裡肉汁滿滿。熟食既鮑汁花菇炆花膠，薑蔥炒花蟹，牛肉鍋用料上乘，用心制作。天婦羅包括秋葵, 虎蝦, 南瓜, 整體外層炸得脆身香口，印象深刻既仲有冷鮑魚搭配泰式調味料，好惹味。甜品都有好多自家制作款式，奶凍糕點水果任取，雪糕款式都有十多款，真是好滿意同高質既一餐。
繼續閱讀
到左榴槤季節，御滿屋既放題又有得任叫榴槤食la😋仲有兩種揀添😍不烤榴槤同馬來西亞烤榴槤，兩隻都超好食，好creamy既感覺🤤仲有好多種類既食物天婦羅、油甘魚刺身、龍蝦膏赤蝦壽司、鐵板牛、西京比目魚、美國薄燒牛肉、鹽燒海蝦、薑蔥炒花蟹、和風牛柳粒等都係我既至愛🤤仲有清酒任飲，飲飽食醉🤣Food list🍽️經典三重新鮮刺身江洋盛宴(77品) $288/位(星期一至四自選兩小時，其他日子時段有正價戓優惠收費)
繼續閱讀
旺角美食雲集，自然係覓食嘅好去處啦～ 今次去嘅係滿屋，試下佢個放題點先！咧段時間叫任何餐都自動升級，可以無限叫榴槤🤤 佢啲榴槤又幾唔錯，甜得嚟都幾香榴槤味~另外仲有好多嘢可以叫，淨係壽司款式都好多✳️榴槤加州卷真係一大勺榴槤喺面噶🤤配住壽司食竟然一啲都唔怪✳️芝士鰻魚卷除咗上面嗰塊炙燒過嘅芝士，入面仲有忌廉芝士，食落好幼滑，加埋鰻魚同燒汁味道好豐富✳️各款刺身都好新鮮，而且每一塊都好厚肉，肉質鮮嫩彈牙，中意食刺身嘅不妨叫多啲~✳️另外好推薦佢個日式蠔鍋，蠔肉多之餘，個湯好鮮，配住菜同埋少少粉絲食真係好正🤤如果唔係食放題真係叫多幾碗✳️仲有佢熟食嘅滷水牛脷都好正，每塊都好厚，而且炆得好腍。雖然鹽燒牛舌都唔錯，但個人中意佢咧款多過鹽燒～另外仲有好多菜式可以叫，同埋出面都有好多冷盤、甜品可以攞，真係太多講唔曬。我哋叫咗燒蠔、花膠、西冷牛扒、蒲燒鰻魚等等，整體味道都唔錯飲品都有好多款，有熱清酒任斟，咖啡機、熱茶、紙包飲品同罐裝飲品，基本上平時接觸開嘅飲品通通都有🤣特別一提，佢雪糕雪條有好多唔同款，有我嘅童年回憶孖條同旺寶❗️❗️仲有Movenpick同Häagen-Dazs~~ 感覺200幾蚊可以食到，飲到咁多唔同款嘅嘢，而且質素唔差，cp值真係算高～
繼續閱讀
星期二閒日中午12點20分嚟到，可以食到三點正， 服務員提示兩點半截單。我哋被安排坐較入位置，現場大約有五成座位有人坐，服務員好有禮貌，我哋揀咗最平嘅任飲任食餐，兩個人埋單523蚊，cp值都算高。用qr code點，menu 有刺身、壽司、手捲、 炸物、串燒 等等 ，仲有 近門口位置 自助bar: 好多飲品 甜品揀， 雪糕都有十幾款，最驚喜😋有 häagen-dazs同埋movenpick雪糕 任食， 仲有炸物、冷盤、熱食可以喺出面自助bar攞，居然爆谷都有。個人覺得最好食係 😍燒羊鞍 燒銀雪魚， 其他就 一般， 水準冇乜驚喜，算是為了滿足咗食放題嘅慾望😝。
繼續閱讀