香港有好多平價米芝蓮，今日經過灣仔見唔洗排隊，馬上入去過下口癮先😋 🛎 $74 燒鵝拼燒味飯 燒鵝既皮好脆！ 真係要忘記減肥先，唔食對唔住自己😭 燒鵝唔會好膩，大大件而且肥瘦適中 有少少油流落啲飯到勁香口🤤 平時加餸都係揀白切雞，今次雙拼就試下油雞😏 啲雞都幾滑，唔會鞋口 正常發揮👍🏻 🌐 環境/服務 燒味店...黎講，呢到好乾淨企理🫡 座位闊落～更多

以前屋企人成日買鏞記燒鵝外賣返屋企食，次次食都會好開心好滋味😄 呢間甘牌燒鵝嘅創辦人係甘崇轅，而甘崇轅嘅爺爺就係香港名鋪鏞記創辦人甘穗煇。 記得疫情前，甘牌燒鵝門外都會有一條長長嘅人龍，畢竟連續六年都到拎米芝蓮一星，唔少客人都會慕名前來。加上門外掛住各種燒味，真係好吸引人去食。我見今日依家無咩人排隊，即刻入去食！ 店舖都唔...算好大，但可以坐到三十幾位客人。店內裝飾都有些少中國風，天花掛咗一個個鳥籠，喺店內亦會看到一幅畫，幅畫意思係代表四代同堂大家開心地享受美食。另外有一幅「鵝」字字畫，係甘崇轅父親所寫，代表住餐廳對鵝或燒味嘅熱忱。 好多客人都會叫一隻或半隻甘牌燒鵝，而今次我就同朋友叫堂食套餐，有主食、小食&餐飲；套餐一樣可以試到燒鵝，抵食好多！ ♥ 燒鵝拼燒味瀨粉 - 燒鵝+燒腩 燒味份量比想像中少🤔 燒腩合格，皮脆、肉無豬膻味，但未至於令我相當驚喜。 燒鵝用咗黑鬃鵝，皮下脂肪較少。燒鵝皮咬落去都有些少油香，但唔算好脆，一上枱隻燒鵝係凍咗。我個人覺得肉質無我預期中咁嫰，偏乾有少少鞋口，無令我有米芝蓮嘅驚豔感覺，但都唔差嘅😏瀨粉用咗燒味熬製嘅湯底，好有味，瀨粉有咬口。 好食度：⭐️⭐️⭐️(3/5) ♥ 燒鵝拼燒味飯 - 燒鵝+叉燒 叉燒微甜，口感實在，肉質唔會太柴，肥瘦亦適中。外層無乜焦香，燒耐少少可能更好。 好食度：⭐️⭐️⭐️(3/5) ♥ 套餐小食 - 手拍青瓜&滷水豆腐 青瓜調味足夠唔算好辣，口感偏腍，唔係脆口嗰種。滷水豆腐都滷得幾入味，咬落去質感似發脹海綿，好多水份。 好食度：⭐️⭐️(2/5) 食物質素並無令我好驚喜，食唔返以前鏞記燒鵝隻味道，但的確係有個神韻喺度。假如你未食過以前嘅鏞記燒鵝，咁甘牌燒鵝都值得你一試，佢的而且確比坊間食到嘅燒鵝水準更好。更多