7
16
14
付款方式
座位數目
171
其他資料
電話訂座
唉...好後悔食之前冇睇呢度個食評, 原來真係咁差~ 蒜蓉牛柳粒: 好咸 牛柳粒煮到過晒火, 食牛肉乾咁. 鰻魚炒飯: 預先炒定, 所以凍之餘帶點硬! 牛油帶子: 熱辣辣上檯, 好香牛油味. 玉子壽司: 一般. 冇話好食定唔好食.腐皮壽司: 壽司飯加了薑, 麻麻~服務一般, 要叫先加茶
繼續閱讀
一個人的晚上，想食壽司遊遊盪盪就入左去元綠。見佢有promote火鍋，睇落好似又唔係貴，又貪得意試下﹗$25一個小鍋湯底加一碟蔬菜，湯底是昆布湯，就咁試一啖很鹹，蔬菜籃有粟米、金菇、冬菇同埋菜等。叫了兩碟火鍋料，一碟係海鮮拼盤，而另外一碟則是特級牛仔肉。海鮮拼盤有蝦、帶子、象拔蚌同埋八爪魚棒，每樣有四粒總共成十六件，講真應該是二人份量來的，不過海鮮有得食又點會嫌多呢，蝦是新鮮刺身蝦﹔象拔蚌輕灼後爽甜，新鮮﹔八爪魚棒亦煙韌彈牙。牛肉有十五蚊的美國肥牛同埋呢隻三十蚊的牛仔肉，自己一個食當然食好點，肥瘦勻稱，牛味亦濃郁，食牛貴野總有原因，我相信一定好過那些半肥瘦的美國肥牛。吃完肥牛再加多碟手打烏冬，$15碟一人份量，烏冬彈牙而有嚼勁，不是噹噹貨色，吸左0的湯底精華，好味﹗再加多碟三文魚壽司同埋蟹柳卷，埋單百六蚊，呢餐真係貴喇，出去打邊爐都係差唔多呢0的價錢，估不到反而在元綠食，貴係貴0的不過味道是不錯的，想打邊爐又想食壽司，這裡是個好去處。
繼續閱讀
10月11日唔知係咪因為落雨所以好多人叫壽司外賣速遞呀! 我 7:20 pm 打去落 order 佢叫我留低電話號碼轉頭回覆我, 但係等左成十幾分鐘都無打返黎咁咪再打去囉! 打第二次去佢先幫我落 order, 落完 order 又要再等佢打來回覆價錢, 又再等左十五分鐘都係無打黎回覆價錢, 我就怕佢漏 order 所以自己又打去追問下, 個落單員回覆我張單未入到要下張先入, 要再等一陣先覆到金額呀! 等...................... 都唔知係咪真係咁多 order 呀! 等到就黎八點都未打黎回覆金額, 真係唔知張單要入幾耐呀! 等到好心急又忍唔住再打去問, 隔左十幾分鐘打去點知得來的答案都係未入單, 我就好同佢講 "係咪要取消 order 呀! 落左成 40分鐘都未落到單, 你地仲話要等個半鐘先送到黎, 咁我咪要等到 十點先有得食囉! " 佢聽到我話要取消 order 佢就立即話五分鐘內會回覆價錢, 佢仲話送貨時間需要個半鐘係包括半小時落單, 另外一小時係送貨呀! 責罵完之後佢就向五分鐘內回覆價錢啦! 終於落到 order 啦! 睇下個鐘已經 8:10 pm 這時又要等.........送貨! 等到 9:30pm 都未送到壽司黎呀! 唉...又要我再做衰人打去追, 追完無耐個速遞打來話向我屋企樓下但係無 lift 搭, 因為電力問題消防員關哂全部 lift ! 速遞員話送左第二戶先再返來睇下 lift 開返未, 不過好唔好彩再返來都係無 lift 搭呀! 個時我地都諗無得食啦! 要取消 order 因為我地係住向 28樓架無 lift 搭邊個會送上來呀! 今日係咩日子呀! 做咩咁黑仔架! 今日係咪不宜叫壽司呢? 點解咁多阻滯!奇蹟竟然出面呀! 過左唔係十分鐘個速遞真係行樓梯送個百幾蚊咁 CHEAP 的壽司上來呀! 佢好勁呀行左 28層樓, 我地見到佢好辛苦, 立即俾多D貼士佢同請佢飲罐汽水, 好多謝依位速遞員呀! 佢好直得讚賞表揚呀! 一份咁平咁少的 order 佢都肯行樓黎送貨! < 希望元綠壽司公司有睇依個網頁啦! 跟以下資料查回個位員工, 加佢人工或者獎金呀! > ORDER DATE : 11 OCT 2009 (20:03 PM)INVOICE : 920929CASHIER : 14368
繼續閱讀
我都唔係第一次去食佢啦,不過真係好好味架,大家不妨去食下!首先要介紹三文魚手卷,我次次來都食,入面d三文魚正過壽司架!接下來係一個叫皇帝蟹壽司,佢做緊特價,$8一件,蟹肉好鮮甜架,要食就要快,因為做完特價就可能無!另外有一款必食既特價野,係三文魚腩剌身,$42四件.厚厚的,肥美的,好似食緊肥豬肉,但又不肥!吉列炸蝦卷又係好好味的,呢個壽司既配搭真係一流,外面係蟹籽既壽司飯,入面有塊祡菜再包住脆脆既吉列蝦,好味!呢間元綠壽司係超好味,食佐成八年都keep住來食,贈句俾佢:keep住水準!
繼續閱讀
商場有三個鐘免費泊車, 大小公子又放流感假, 就帶他們出嚟行吓! 大公子一望水牌, 就話要食壽司, 我連忙說: 元綠? 唔好食架喎! 但我也想不到吃什麽好, 只好行去看看, 見到做緊獅子咭有八折, 好吧, 姑且一試!我們三人座下一會, 點了些壽司, 手卷等, 我又從迴轉帶上拿了三文魚壽司, 食落覺得比元氣好, 都幾肥美, 件魚都唔係好薄, 唔錯! 其他壽司卷物都不過不失, 當然比不上那些長籠壽司店, 但氹吓小朋友又幾ok喎! 埋單八折咗都要二佰幾, 其實都唔平架!
繼續閱讀