瘋語童路 瘋言瘋語記低童年走過的路。 【瘋語童路】是也~~~

215愛的鼓勵 0訂閱站台

今日係MKP 考試之後o既假期, 冇理由waste o左佢o家嘛, 所以就一早約好o左阿錢去踩單車。
本來得我同佢, 之後佢就好似搵o左佢d friend 一齊, 都冇所謂o既, 踩單車o者~~

唔知點解佢地要約咁鬼早, 9:30 要o係洪水橋等, 不過其他人都遲到, 白等o左好一段時間。
今日除o左我同阿錢之外, 仲有阿錢個同學家祺, 仲有一個form 1 加兩個舊生, 我都係唔識o既~~

等到佢地黎到, 點知咁o岩個form 1 炒車, 少少傷, 不過就要搵間單車鋪整番個sit 位, 底褲都o係度, 不過佢要整車, 所以就唔同我地一齊踩喇。
攪掂之後就起行, 由於有兩個女仔, 所以我地想快d 都唔得, 一路都唔過20 kilo。

去到元朗, 咁o岩見到有差佬, 可惜我地落車遲o左一步, 咁就俾佢捉住o左我地六個。
個阿sir 原來係一個口水佬, 可能佢知我地係學生, 所以就成日都話冇事冇事。
不過最攪笑就係佢帶住隻警犬, 不過佢就唔係幾聽話喇~~

俾佢攪o左我地好耐, 之後我地繼續, 不過就要踩馬路喇。
踩到過o左西鐵站, 阿錢先話唔係好識路, 咁我地就開始o左我地o既探路旅程喇。

探路當然一定會行錯路o家啦, 仲行o左唔少冤枉路, 不過最後我地就搵到南生圍路, 都唔係咁難搵o者。
一路行, 一路都有影下相, 之後就到o左大草地喇, 到o左果度我就認得路喇, 因為話說我form 7 果陣都同古中威佢地踩過, 而家黎番, 都冇咩變到, 有仲有兩排樹o係度呀。

有d 咁靚o既景, 當然唔可以錯過啦, 黎南生圍都係想睇呢個景點ja!!
影完相, 又到下一個景點, 就係坐船喇。 其實去過南生圍o既人都知道果度有一條唔係好闊o既河, 雖然唔係好闊, 但係都要坐船仔過去對面岸o既。

因為我地太多人同車喇, 所以就三個三個過河, 人加單車都係五蚊一個, 仲咁好玩, 底!!
過完河阿錢話探路, 點知佢好快咁番轉頭, 話俾狗追wor~~ ^^"

另一邊有狗, 咁就唯有行第二條路啦, 都唔知o岩唔o岩路o家, 行過o左個停車場, 見到有車路喇, 仲有...駕駛學院o既車tim!! 原來我地黎o左駕駛學院wor, 真吹漲!! 果陣學車都唔知道南生圍就o係附近tim~~
行o左出去, 家祺佢地話肚餓, 咁我地就去o左朗屏食野喇~~

待續~~

3/12/2004 風四字