元宵佳節互訴心聲 黃貫中「爭吵哲學」冧爆朱茵 - 20210227 - 娛樂 - 每日明報 - 明報新聞網

娛樂

元宵佳節互訴心聲 黃貫中「爭吵哲學」冧爆朱茵

【明報專訊】黃貫中與太太朱茵於元宵佳節挑戰「愛情五秒定律」,除互數對方身體「最大」之處,又借遊戲分享相處之道,寄語有情人時刻常存感恩、珍惜緣分。

黃貫中被問老婆激嬲他的3個原因時,即「機關槍式」笑說:「天氣凍著唔夠衫、肚餓又唔食嘢、亂放雜物、唔願起身、遲到……咦,原來可以講到咁多。」朱茵笑言要罰他頂痰罐。黃貫中又笑稱老婆身上3個最大地方「眼大、嘴大和志氣大」,𧨾得朱茵笑不停。

朱茵談到老公婚前婚後不同之處,趁機投訴說:「以前出街一定拖實我,𠵱家就拖阿囡(黄鶯);仲有,以前唔會窒我,結婚後就係咁窒。」不過她讚黃貫中具備3個好老公條件:「大力,任我差遣,會煮飯畀我食。」黃貫中聞言反擊:「講緊好老公條件,唔係揀工人喎。」黃貫中有一套「爭吵哲學」,他說:「吵架輸了,固然是輸;贏了你都有排捱!既然輸贏都處於輸家狀態,奉勸各位男士最好不要同另一半嘈,係咪都認錯先。」

娛樂組

相關字詞﹕朱茵 黃貫中

上 / 下一篇新聞