29
12
14
電話號碼
24919832
營業時間
今日營業
11:00 - 00:00
星期一至日
11:00 - 00:00
以上資料只供參考, 請與餐廳確認詳情
食家推介
態度差到冇人有，垃圾餐廳請啲垃圾人我4 20分鐘之前打電話去訂快餐上海粗炒加一杯凍咖啡去到叫我等等咗成20分鐘都未有即係加埋成40分鐘啦我個Number 24號後邊嗰個男人遲我15分鐘嚟到應該係熟客26 Number都有得攞我就等咗八個字跟住佢同我講唔等得唔好要啊笨退返錢咩態度呀？以後發誓有人話去呢間餐廳即刻抵制仲要鬧衰佢，全個深井唔係得你一間餐廳有食
繼續閱讀
今日跟家人特意入深井食燒鵝。我們選擇了傅記飯店食午飯，到達時間2點幾，不用等位。我們叫了8人餐，有粟米魚肚羮、咕嚕肉、豉油王炒鵝腸、半隻燒鵝等等。菜式份量十足，燒鵝皮脆肉嫩，非常美味。
繼續閱讀
晚上好友9人相聚突然話去深井食晚餐，好友推薦 傅記，我們同行四人元朗打的士 三人另一架的士 ，兩人 程西鐵在轉的士 ，元朗來大概30分車程$150馬上去到 深井，在陳記門口落車 行過來 傅記 5分鐘，晚市熱鬧 大排檔氣氛，來到即可 有位，安排九人座門口，整體 環境算OK，只不過 酒杯 有啲覺得唔乾淨，服務都算熱情⋯叫左 6-8人$788晚市 小菜套餐 （唔包飯，唔包酒）半隻燒鵝皇 $275燒鵝皮脆肉嫩 ，多汁四顆星生炒骨$82都唔錯份量再多啲仲好腐竹時菜$72粟米魚肚羹 $80龍𧄌球炒西芹168鵝腸（綠豆芽墊底）108脆脆 肥鵝腸～單叫 total $785 套餐 788貴3元 ～建議單叫 可以叫自己鍾意的 菜品，唔洗 困係套餐中～ 另外加一個 小炒皇～兩隻啤酒～7碗飯～ 9人總消費$1180
繼續閱讀
我們今天約5:30食晚飯，唸住少人可以食好少少，叫左燒鵝例牌，薑蔥魚雲，沙茶什菜，兩支啤酒：燒鵝-佢無比即燒脆香我，唔熱好一般魚云 -點果陣阿叔話有貨，等到6點同我講話無，我話左兩句點解唔早啲講，佢話佢點L知廚房，我無言嬲都極點炒什菜-等左半小時到，原來等埋三枱一次炒，出品水準差無心機坐，埋單，同應該係主持人嘅女仕講左句咁嘅服務質素食老本，佢大聲同班職員講話有客唔満意喎，然後送客永不錄用！貼＄買氣受
繼續閱讀
重陽節登高日，當然要應節，同屋企人由荃灣行山到深井😎難得入到深井就緊係要食燒鵝啦!!😏 最出名就係裕記、陳記，但印象好耐年前食過，感覺麻麻😔所以睇左好多食評、短片後，今次我揀左少人評論嘅傅記🙊。本身自己打算入到深井應該點半鐘，可以食到傅記抵食嘅下午茶燒鵝瀨，點知行得比想像中快，嚟到都未夠1點😯。我地係衝著燒鵝而嚟，加上大家都好餓，所以最終柯打左半隻鵝、1個炒飯同1個炒粉。傅記全日無加一，不過入座會上一小碟 $12蕎頭；爽脆又夠酸。燒鵝半隻 $289燒鵝油滋滋、色澤均勻🤤。識食一定食鵝髀，肉質偏淋、唔係彈性口感、但有肉香。全隻鵝皮都好香好脆，不過半隻最好4人share，因為真係幾漏😅整體隻鵝唔係好肥、屬於偏瘦，但啱我口味😏楊州炒飯 $47 (午市價)我自己一直都唔中意食楊州炒飯，因為總覺得無鑊氣、無調味、入口似撈飯😥。不過，呢度個炒飯出乎地好味😯，完全無我擔心嘅問題，而且粒粒分明，又唔會太油，所以好快比我地清哂。🙉星洲炒米 $51 (午市價)呢個炒米由落單起計等左40分鐘，同個炒飯相差30分鐘先上枱，你無睇錯，真係等左咁耐😵。原因其實唔難估，全因當時全間餐廳得我地一枱人點星洲炒米😔，所以到上枱果陣廚房一野出3碟(我地坐近廚房)。咁味道唔駛多講啦，一個鑊炒3碟份量，熱度、調味、鑊氣等都一定比逐個炒有好大出入😐。毫無懸念，呢個炒米熱度、調味都唔均勻。本身食完個炒飯，對呢度嘅炒野充滿期待，可惜。整體大家都幾滿意呢度嘅食物質素，4人共食左$399，食飽飽又可以起程行番去荃灣。
繼續閱讀
您可能會有興趣的...