火紅Deep V熱身 34C傅嘉莉預告全裸上陣 - YouTube

Loading...

#火辣女神 #傅嘉莉

火紅Deep V熱身 34C傅嘉莉預告全裸上陣

255 views

Loading...

Loading...

Rating is available when the video has been rented.
This feature is not available right now. Please try again later.
Published on Feb 20, 2020

#火辣女神#傅嘉莉 (Kelly)之前喺TVB旅遊節目《識玩旅行團2》中着上純白色三點式,於鏡頭前「Big波」蕩漾浸溫泉,大晒34C脹爆「胸器」,就連73歲「家英哥」羅家英都睇到心心眼,忍唔住喺社交網上轉貼。好嘢梗係唔好畀佢停,喺全民繃緊抗疫下,身在柬埔寨拍《3日2夜》壓軸篇的傅嘉莉換上一件頭火紅色hot爆泳衣,喺藍天白雲下繼續「派糖」等大家醒吓神,Kelly仲預告在節目中會做spa,到時肯定連泳衣都唔使着祼背出鏡,挑戰終極性感!嘩!引死人咩!

由張志明監製嘅《3日2夜》同埋《識玩旅行團》系列離不開靚人、靚景,絕冇冷場。而《3日2夜》柬埔寨壓軸篇由索爆傅嘉莉夥拍大隻型男楊潮凱上陣。本周二(18日)外景時,Kelly率先派福利畀《頭條》讀者,身穿火紅色噴血泳衣的Kelly置身柬埔寨一個Infinity pool大晒C cup身材,同當地天氣一樣,好hot!剛去完日本旅行嘅Kelly就因為食好多嘢,心廣體胖,仲有埋「曱甴肚」添!咁好肉地,上圍梗係比前豐滿咗啦!所以她坦言好有壓力,「今次帶咗兩、三套戰衣,會因應故事情節嚟show身材,不過,應該會比《識玩2》更加激,因為有做spa場口,連泳衣都唔使着,要背部全裸,只係揞住重要部位,我又唔介意晒身材,最重要係靚。」在旁的潮凱贊同道:「佢天生一副好身材,喺男人視角,我梗係想佢着多啲泳衣;作為好友,只要佢靚就得喇!」

防疫full gear登機

  Kelly坦言對此行有期待,「之前因為大懵,原來護照有效期唔夠半年飛唔到檳城,好彩監製再畀機會,就算出發前要打三支防疫針,打完左手打右手,打到針口位好痛都抵。不過,因為新型冠狀病毒疫情嚴重,團隊都一度擔心飛唔到,當時真係好驚同《3日2夜》冇緣。第一次喺咁嚴峻嘅環境下飛,周圍氣氛好緊張,反而我哋放輕鬆,只要做足衞生、增強抵抗力就得喇,如果我擔心,媽咪就會更擔心,咁狀況,媽咪梗係唔想我出外拍嘢啦!都讚吓Fans好有心,佢知我要坐飛機,送咗兩件粉紅色雨衣畀我上機着。」潮凱提示她雨衣着完要即棄,他肉緊說:「梗係唔好再着啦,傻嘅,保護衣嚟嘛!」此刻,傻更更的Kelly才恍然大悟,最初她打算用酒精抹過再着,唔想咁唔環保。

迷人泳衣攝影師有功

  提到上次喺《識玩2》中,Kelly身穿白色泳衣,迷人的曲線一覽無遺成焦點所在,她就讚係攝影師功勞,「因為上次介紹好多溫泉酒店,主要係攝影技巧拍得靚,其實潮凱都幫我影咗好多靚相,但我影佢就outfo,呢個都係我嘅壓力呀!」

Loading...

When autoplay is enabled, a suggested video will automatically play next.

Up next


to add this to Watch Later

Add to

Loading playlists...