ERROR自肥企画｜ 「反省中」保錡成功洗底！ 網民開綠燈放生提議3大懲罰方案 ERROR直播繼續寸無綫

文：東方新地 部分原文：新Monday｜圖：《ERROR自肥企画》截圖、保錡IG

成功洗底！保錡自肥三步曲 睇到觀眾眼濕濕

吳保錡月前衰直播中爆粗鬧網民，被網民及觀眾唾棄被自「自發宣佈雪藏」，不過《ERROR自肥企画》的幕後無制限OT編集団並無放棄保錡，貫穿於節目中的「保錡自肥三步曲」環節，特意安排不同技能挑戰，實況紀錄保錡學習新技能，成功得到觀眾的認同甚至原諒！

三項技能挑戰 重奪觀眾認同

三個「自肥項目」包括 「花式搖搖」、「片石水上飄」以及「結他特訓」，全部都係保錡未曾接觸過的項目，過程中保錡在鏡頭前落力學習，盡力尋求突破，最後都能完成任務，去到最後一個項目，佢仲眼濕濕向幕後團隊道謝，表示感謝呢個班底令佢重燃演出熱血。觀眾亦留言大表認同：

用一個節目，挽救一個artist 既演藝生涯
當你既旗下artist做錯事，講錯嘢，衰左
你係會教仔咁教，培訓佢指導佢，也從中責備佢教訓佢
而不是急急迫其開記者會獨自承受千夫所指，繼而雪藏，割蓆。
這點胸襟和氣量，那個自稱大台的機構，半點也沾不上。
為左呢個仔，呢盤棋，viu也捉得很大，也捉贏了。
PS:保崎食沙律仍然罪無可恕，但你唔食亦唔代表其他人食到
好好珍惜呢次機會，加油

ERROR保錡被爆與張沛樂（沙律）撻著後，保錡正印即爆料指突然被分手，其後保錡再被爆是出軌慣犯，負面新聞不斷的保錡，鋒頭火勢下開直播時爆粗鬧網民，令形象一落千丈，最後以暫別組合ERROR來平息風波，被雪期間，之前拍落的節目包括《口罩小姐》、《考有Feel》等如常播出，有網民一度發起霸睇，繼續狙擊保錡﹗

近日193(郭嘉駿) 連番寸爆無綫令人氣急升，IG追蹤人數更已超越姜濤，連帶ERROR的人氣都不斷攀升，甚至被雪的保錡似乎亦有重生機會，有網民在討論區以「對保錡改觀」為題出po引起熱議，不少網民表示願意放生保錡，因為唔想ERROR再四缺一。而下月播出全新節目《ERROR自肥企画》仍然有保錡演出，但節目組為免引起大家不安，在宣傳片中落手腳，將保錡以「反省中」字句遮樣。

網民提議懲罰方案

網民發起懲罰方案，表示只要保錡接受懲罰後便讓他解凍，網民分別提議「保錡跳一次笨豬跳就原諒佢」、「叫佢表演食屎」、「保錡認真一次出嚟耍冧，大家就抺咗前事啦﹗」，網民開綠燈放生保錡，以保住四子ERROR。

1.要求畏高保錡跳笨豬跳

2.提議三子鏡頭前打保錡

3.建議罰保錡食屎

網民求放生全因：「ERROR缺一不可」

保錡直播變佈景板

ERROR為宣傳新節目《ERROR自肥企画》周一晚開live，阿Dee、肥仔、193以「ERROR流忍者」造型出鏡， 而未解封的保錡雖然在場，不過全程被「反省中」牌遮眼，而且只能坐在較後方的一旁，如同佈景板。

ERROR三子邊食邊吹水，保錡一直呆坐，肥仔夾起枱上食物遞給保錡，期間一直沒有發言權，網民留言洗版：「釋放保錡」、「Free Poki」、「放番保錡出嚟啦」。

寸爆無綫收視

之前因為寸無綫而成為新聞人物的193，在直播中稍為收歛，由阿Dee補位，當講到直播高峰時有1萬人收睇，阿Dee暗寸：「以嗰幾百部電視機，以ViuTV Super計法，會有80幾點收視喎﹗」肥仔其後又踢爆193曾以「ERROR中的姜濤」自居，肥仔仲話：「依家佢人氣急升，大家可以叫佢做MIRROR中嘅193喇﹗」193即有所避忌：「我瀨過嘢，叫返我3仔啦﹗」

期間阿Dee被建議上長者節目《樂齡日記》呃騷錢，193即自薦：「應該我去，話我唔respect吖嘛，話耆英呢個字係差喎﹗」肥仔即叫193解釋耆英的意思，193就話：「唏﹗唔使解釋，有文化嘅人就明，冇文化嘅人解釋畀佢聽都係唔識㗎啦﹗」

ERROR預告新節目好癡線

193指以《ERROR遊》作準則，10分黐線中新節目有3、4分，Dee不同意：「至少有7喎，我成日望住上面有乜掉落嚟，好驚﹗」同時ERROR又預告會搞talk show，並指原定去年12月搞，但因疫情關係，故延至今年6月，並指時間緊迫，怕又要改期。

訪問《ERROR自肥企画》幕後功臣

近年ViuTV綜藝節目非常受歡迎，連無綫都被打冧，近日訪問了《花姐ERROR遊》、《ERROR自肥企劃》的幕後團隊「無制限OT編集団」，帶大家走訪導演Mike和團隊拍攝的一天，又訪問了他們，細訴拍攝背後的感受。導演Mike入職ViuTV五年，是十分年青的導演，其中最為人熟悉就是兩輯《花姐ERROR遊》，除了ERROR四子搞笑，又配合了經理人花姐，大家擦出了不少火花，有玩瘋狂遊戲同時亦有感動位。

黃金組合造出驚喜節目

ViuTV今次訪問了導演Mike、PA Sunny、Research Writer暉和導演Aflred，每個角色都不少缺少，此黃金組合造出個個驚喜節目，包括兩輯《花姐ERROR遊》、《ERROR自救TV》、《美女郊遊遊》、《大海男兒》和5月3日晚上11點首播出的《ERROR自肥企画》。

Writer暉：想帶新嘢畀觀眾

要節目好看，當然離不開創新，Writer暉表示每次都在求變，每次都有新鮮事，希望可以為觀眾帶了未見過的東西。的確，此團隊很瘋狂，竟然會用大量Budget去炸生啤，又夠膽要求ViuTV要至高無上的花姐齊齊玩水上活動，嚇到她花容失色，但觀眾又看得十分過癮，相當成功。

《花姐《ERROR自肥企画》幕後團隊。

導演Mike：到最後你要打破規矩

Mike最後提到，讀書時有老師教他們拍攝的東西，不可以這、不可以那，但最後是，你可以完全不理這些規矩，那時候，你可能會找到一些全新的東西。

花姐都要屈服玩水上遊戲被飛彈

講到打破規矩，Mike導在《花姐ERROR遊》中竟然安排地位至高無上的花姐玩水上遊戲，但並非一般水上遊戲，而是要她連續被飛彈。年紀不細的花姐在鏡頭前表示，為了讓兒子見證自己的勇敢，局住頂硬上。

極限挑戰 玩到ERROR叫救命兼入廠

除了玩花姐，節目組又安排ERROR玩勁多極限挑戰，包括要勁怕高的保錡去跳笨豬跳、勁食辣大賽，有成員更食到嘔。玩到有皮外傷算少事。而最誇張是有集玩到入醫院。

經典炸Sound Bear

《花姐ERROR遊》中，不少網友一定記得經典炸Sound Bear一幕。ViuTV是Sound Bear吉祥品，但節目組居然瘋狂到用很多製作費去炸它，認真夠誇張。

幕後功臣去片：

《ERROR自肥企画》有片睇：