58歲!東奧最老選手打乒乓波|即時新聞|體波|on.cc東網

58歲!東奧最老選手打乒乓波

2021年07月20日 22:04
東網電視
更多新聞短片
今屆東京奧運最老運動員,就係58歲盧森堡女子乒乓球選手倪夏蓮,呢位阿嫲級選手年輕時係中國代表,90年代嫁到歐洲後,自2000年悉尼奧運開始代表盧森堡參加奧運,今屆亦係佢第5次出席奧運。
倪夏蓮80年代曾代表中國隊贏得女雙世界冠軍,91年移居盧森堡,在彼邦圓奧運夢,佢先後出席2000、2008、2012及2016奧運,上屆更係閉幕禮盧森堡持旗手,今屆東京,佢以歐洲錦標賽銅牌取得入場券,繼續刷新最老參賽選手紀錄。
同佢同年代嘅選手已經退晒休,做教練或轉行,難得佢仍可在奧運賽場上陣,同班年輕選手鍊過,唔到你唔服,至於佢丈夫亦係佢教練,兩夫妻喺疫情下繼續參賽,實在難得。