【提升信貸懶人包】借錢梗要還?教你如何輕鬆提升信貸評級 | 星展香港

【提升信貸懶人包】借錢梗要還?教你如何輕鬆提升信貸評級

你係唔係一個有誠信、有借有還嘅人?要向其他人證明自己,可能你會搵朋友為你擔保。但係如果要向銀行、信用卡發卡公司或者財務公司證明自己,你需要嘅係一個好嘅信貸評級!

信貸評級總共分為A至J 10,當中A至C屬於良好,而I至J就屬於差。而影響一個人信貸評級嘅因素大概可以分為5點,包括還款紀錄、總結餘、信貸紀錄長短、信貸帳戶種類,同埋新開立嘅信貸帳戶。咁多種因素入面,還款紀錄嘅影響力最大,因為佢展示咗你嘅理財模式。

擁有一個良好嘅信貸評級有幾重要?佢可以減低你借貸時候要畀嘅實際年利率(APR),例如A消費者嘅APR可以少於5%,但係J可以高達45%或以上!

想輕鬆提升信貸評級?即刻留意下面3個小貼士啦:

還款記錄直接反映你對財務管理嘅態度,所以無論係貸款定卡數,都務必要準時還款。即使只係遲還一日都會影響信貸評級,個紀錄仲有機會保留係度5年!另外,就算你準時還卡數,但如果你淨係還最低還款額(Min-pay),仍然有機會影響你嘅信貸評級。唔想搞到卡冚卡,搞到啲利息愈滾愈大嘅同時又影響到信貸評級?即刻申請DBS「貸易清」私人貸款,一次過還清債務,輕鬆提升自己嘅信貸評級啦:https://go.dbs.com/hk-learn-dc-zh

每當你申請貸款/信用卡嘅時候,貸款機構都會查閱一次你嘅信貸報告。假如有太多機構喺短時間内一齊查閱,就會反映到你對借貸有好大嘅需求,即喺反映你嘅財務狀況不穩定,從而影響信貸評級。如果預料到自己短期內可能有多次借貸嘅需要,可以考慮申請DBS「Cashline循環貸款」!只需要成功申請一次,獲批核嘅貸款可以隨時提用又可以隨時還款,毌須逐次申請,即可循環再用。而每次還款後信貸額都會自動回升,幫你靈活應付短期周轉需要: https://go.dbs.com/hk-learn-cl-zh

「我平時唔會借錢,又從來唔用信用卡,冇拖過數嘅我信貸評級實好好啦!」但其實呢個諗法係錯㗎!你冇任何借貸紀錄,財務機構就唔能夠按照信貸報告評估你嘅信貸狀況。資訊唔夠,就會影響你嘅貸款申請, 又或者有機會畀唔到你較低嘅APR。

DBS有各種啱你財務需要嘅貸款服務,快啲嚟睇下自己適合邊一種,再跟足以上3個貼士,提升自己嘅信貸評級啦。

 

 

多謝您的寶貴意見。

本頁資訊有用嗎?

多謝您的寶貴意見。
請告訴我們本頁資訊如何幫助您的需要
很抱歉。
請給予我們意見以作改進及提升網站服務質素。
你輸入的意見包含不適用字元[`~#%^*_+={}[]|\:;"<>],請重新輸入。