小城鎮

營業中

休息中

整日都想搵北角All Day Breakfast，有日行街，發現斜路下有間西餐廳，正正有All Day Breakfast食。奄列都唔錯，唔會太咸。班尼迪蛋整得唔錯，水煮蛋形狀好好，再淋上酸酸甜甜既醬，好好味。佢個2條腸都係脆皮腸，唔係普通既雞肉腸。而薯餅上枱都係熱辣辣，好脆，亦冇好濃既油味奶茶係台式個種，本身我都幾鐘意台式飲品，所以覺得唔錯，我地叫左小甜，上枱都真係小甜芒果爆珠梳打，都有芒果味，而且爆珠好正，一咬落口，爆出黎個下，好濃香既芒果味，我地都差唔多清哂整杯爆珠💥

叫咗兩個午餐，黑松露牛扒 $70珍寶騖鴦扒餐 $79，塊雞扒比大家樂早餐細塊啲牛扒比大家樂揩，又薄，又燶得雞翼好食，多汁湯ok沙律一般，太細份，新森林個沙律好食好多

睇個標題都知中哂伏啦，已經唔想打咁多字， 但無200字又比唔到負評， 今次真係辛苦寶寶了。餐廳位於北角明園西街，我係外賣自取的， 睇餐牌d價錢唔貴， 有飯，意粉同手工pizza。今日叫左鮮蝦卡邦拿意粉， 蕃茄手工肉丸意粉，黑松露烤西冷扒飯。鮮蝦卡邦拿意粉，正正常常， 忌簾味濃， 鮮蝦爽滑彈牙。蕃茄手工肉丸意粉，手工肉丸味道不錯，蕃茄味豐富。以上2個意粉都尚可， 但精彩的野通常放到最後的， 黑松露烤西冷扒飯，一打開個蓋都知出硬事。 塊牛扒d顏色，一望就知熟到爆， 一切開，望到肉身，同我估計的一樣，咬落去， 好似咬緊橡筋咁， 咬極都咬唔爛，唔通想訓練我d牙力？ 重有個飯係無汁的， 十成熟牛扒配乾爭爭白飯，叫人點食呢？最最最離譜係個甜品， 一but起， 點解咁水既？ 細細試一啖，酸的， 肯定係壞左。 我估計呢個飯係午餐留到晚餐再比人食。 唔係牛扒點解咁熟，個甜品重係壞左呢。 Sorry, 永不回頭。

見呢間餐廳喺屋企附近 都開左好耐下 裝修又好似幾好咁又未試過又近近地諗住試吓第一次食係OpenRice book左位 4位 6:30pm 得3枱客 無坐滿由入門口一刻個女待應已經黑口黑面好似全世界得罪佢咁講野唔對住人講，完全聽唔到佢講咩落order 唔應人 唔知佢係唔係take左order 態度好差 屋企人都覺得食到好受氣咁 唔係要你笑笑口 但基本禮貌都要有的吧 唉唔會再幫襯了 我哋叫咗個Pizza鮮蝦意粉同埋海鮮焗飯上菜速度慢個鮮蝦意粉完全冇味道個pizza size唔大 個海鮮焗飯有條頭髮

我的頑皮小狗🐶6月份1歲生日，兩位小侄女一早就已經話要來參加小寶貝🐶的生日會🎂！其實係佢哋悶悶哋，想趁機過嚟開🙄party🥳🤡🎊之麻，明嘅明嘅🤫⋯⋯我呢個姑姑，又點會托手踭呢😜！今次揀咗位於北角明園西街的「小城鎮」，行過見到門口有menu ，翻開見到有好多唔同款式嘅嘢食，價錢又親民，簡直係開派對🥳之選！🍴煙肉火腿卡邦尼意粉$76: 碟意粉十分creamy好味😋🍴意大利香草雞肉意粉$73: 基本上呢間cafe嘅意粉都唔錯，不過呢碟雞肉意就一般般，因為啲雞肉唔多滑嫩！🍴巴黎牛柳粒意粉$75: 黑椒味意粉好好食，但係牛柳粒就較為粗硬。🍴蕃茄手工肉丸意粉$73: 蕃茄意就好食嘞，肉丸亦夠入味，只係質感比較鬆散，唔夠彈性！🍴焗意式香草芝士海鮮飯$79: 有蝦、魷魚圈等，雖然海鮮唔算多，不過個飯夠香濃重口😋。🍴西班牙海鮮飯$108: 有蝦、魷魚圈、青口等海鮮，個飯煮得太腍，仲要係好似茄汁撈飯嘅口感！🍴黑松露烤西冷扒飯$76: 啲西冷扒煮得過火嘞-太韌，唔多覺有黑松露味，結果無人食！🍴香煎比目魚扒$128: 魚扒啖啖肉，口感適中😋。🍴香烤德式豬手配酸菜及薯蓉$188: 個豬手太咸，咸到似係食緊金華火

假期一早起身由九龍揸車入大埔辦啲事，再出港島，都係早上10點多，先來到北角嗱嗱聲搵啲野食下先，求其選了呢間因為門口有位泊車，入到來見到巨型早餐，真係太好啦！！我的雞扒早餐，雞扒都幾厚，腸下面有蘑菇，好滿足！味道不過不失啦，我幾鐘意條腸，雞扒醃得都幾好味，多士有牛油同jam供應。食完非常飽足我的至愛要了份egg Benedict~同樣大份，見佢食唔晒😂😂好多荷蘭汁，都好好味咖啡是蒸漏咖啡，但唔關我事😂應該都不錯👍🏽

在旅遊網站見到這間4人套餐幾抵，於是買來試吓，六點鐘去到，無咩人，本身主菜打算叫一羊一魚一豬一飯，但叫完之後被告知無哂魚，於是改要個雞肉意粉，啲食物基本上係即叫即整，熱辣辣，但個洋蔥湯我就覺得唔夠熱，微溫，食物份量也幾大份，而且味道也不錯，飲品也大大杯，裝個Baileys tiramisu 雪山個杯也好大個，個餐另外包個任食甜品，只限食完個餐之後食的，雖然係任食，但雪櫃內的份量得好少，得一盒四件糯米糍，兩件朱古力蛋糕同一件奶凍，可能只係放啲sample 出面俾客睇，廚房內仲有，又或者可能估到啲客應該已經好飽，唔係幾食得落，所以放好少出嚟😃整體而言，在旅遊網買coupon食係抵的.

今次揀咗依間餐廳買外賣食。卡邦尼鮮蝦燴飯。焗住咗一輪有少少硬不過正常。飯不是軟熟焾身像意大利飯咁。唔算太creamy。係比較有𡁻頭的。但每粒飯都有汁嘅。味道適中。有煙肉。但又唔會好咸。三隻蝦仔。食到有殼似新鮮。但又無乜蝦味。質素正正常常吧。餐包咗杯熱奶茶。以為無特別。點知exactly係台式珍珠奶茶嗰啲奶茶。不過都啱口味。如果想飲港式奶茶嘅朋友就未必啱你喇。總結。收這個價錢嚟講。午餐水準只屬一般般。份量亦都唔算話好大。所以都算幾貴。

想在假期吃All Day Breakfast, 約中午12點進來。餐廳已有8-9檯客人，但只有一位侍應負責接待、傳菜、執拾、收錢，實在應接不暇。等了好一會才可以點菜，點了火腿奄列餐及熱檸茶。等了20分鐘才上菜。奄列竟然是室溫，內裡火腿及芝士都是室溫，芝士亦已變硬。多士亦是室溫，牛油塗上去完全不會溶。粟米、兩條香腸只是微溫。唯一熱的是兩塊薯餅。至於熱檸茶一直未到，而見到侍應忙到無表情，亦不好意思催。再過5分鐘後，幸好她終於發現未有飲品，送過來了，還好茶是熱的。這個價錢，換來凍的食物，毫無服務可言(侍應也實在可憐)。就算再改名(餐廳前身叫La Kaffa)也無用。不會再光顧。

慳返啲calorie 好過試左一個pasta 一個pizza兩樣都唔好食，甚至係食完都唔係好知食緊啲咩，因為調味好奇怪🤔pizza 好淋，意粉texture ok 但唔merge 個汁朱古力完全係死甜無朱古力味無服務可言唔知晚市會唔會好啲但我就無咩興趣試🙈

這裡有個紅頭髮的女侍應鬧人的。居然大聲喝客人叫客人說話細聲些同帶口罩降低聲音全因客人嘈住佢睡覺。你去啦，我就以後唔去啦！在咁的環境有咁嘅侍應，真係不幸。本來打算算數，但係不順氣

最近去咗個位置於小福建（北角）嘅「小城鎮」食飯。即日喺open rice訂咗枱，好方便。餐廳位置唔太顯眼，不過都算易搵到。環境裝修有心思，有種懷舊嘅感覺，牆上掛著唔同國家嘅特色裝飾物，係咁講出哩都覺得好似去咗個小旅行一樣，哈哈。畢竟大家都差唔多成年無離開過香港去旅行，剛好餐廳個名又有幻想空間。今晚嘅食客唔算多，大概一半滿座，坐得舒服，唔會有種壓逼感，更重要嘅好乎合社交距離嘅準則。菜式選擇都算多，有得散叫或有多人餐。我哋之前巳經喺「K 碌」入面買咗二人餐去兌換，哩個餐牌係同餐廳本身嘅二人餐有少少唔同，店員溫馨提示我哋下次要電話提早預約咗先可以食到哩個餐，因為有啲食物要預先準備，感恩我哋今晚叫嘅食物最後都有。今晚只有一個服務員，睇得出佢好奔波，成晚不停走泥走去，真係辛苦晒，thank you !首先，所有嘅熱食上到枱仲非常熱辣辣，應該全部都係即刻整，我哋要攤咗一陣先食到。前菜我哋嗌左雞翼同埋肉丸。雞翼有4隻，尺寸可一啖一隻，趁熱食好香脆。肉丸配合個茄汁好香香草味同入味，好開胃。（我哋之後留返d汁沾薯條食。)主菜方面我叫咗香草芝士焗海鮮飯，雖然係白飯底，不過我覺得都OK，個香草汁好濃味。至於

好少可會嚟到北角食嘢咁啱見到呢間西餐廳好似好high-class咁就入咗嚟試。一坐低已經覺得同平時啲餐廳一樣好有格調咁，為咗唔好嗌錯嘢，就同朋友分別嗌咗兩個唔同嘅all-day breakfast，諗住穩穩陣陣，好彩味道都算係咁，可惜味道偏淡，仲有佢杯綠茶，好似一啲糖都冇落咁，超級淡，食慣濃味嘅我表示有啲唔鍾意😂。但overall都不過不失啦！

距離地鐵站唔係好遠，有間幾有feel嘅西餐廳，價錢相宜又好食。晚餐叫個主菜，加38蚊，可以跟埋餐湯、餐飲同甜品，真係幾抵！ ➡️ 燒香草法國春雞配魷魚圈 ($138) ⭐️⭐️⭐️⭐️ 咁嘅價錢食到成隻雞，真心冇得輸！賣相幾靚幾吸引，啖啖肉。春雞中間切開上碟，做到外脆內軟，肉質保持到嫩滑，冇唔熟嘅情況出現。隻雞大到其實可以兩個人share食！如果魷魚圈多d就好啦！ .............................. Little Town 地址📍: 北角明園西街2-6號明苑中心地舖 總評分: 7.5/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️⭐️⭐️💫 抵食💰: ⭐️⭐️⭐️⭐️

呢間餐廳喺我公司唔係好遠，未食過就同靚女foodie去撐吓枱腳😆。見到有個二人餐就二話不說叫來吃，不然我逐樣睇的話揀得來靚女foodie都餓扁咗啦🙈。Dinner Set B for Two ($398 另加一)🏯前菜 (2選2)：餐湯 + 沙律🏯小食 (3選1)：炸雞翼🏯主菜 (6選2)：西班牙穀飼橡果黑毛豬 + 10oz 安格斯🏯西冷扒 配薯條 (燒汁)🏯甜品 (2選2)：朱古力蛋糕🏯飲品：凍特濃朱古力 (+$12) + 凍檸水西冷扒叫了五成熟🥩，恰到好處，不會韌不會腥，啖啖牛香，不用燒汁都夠味，薯條又粗又大又脆🍟。黑毛豬好多肉又冇咩肥肉🐷，肉質夠滑，很惹味。炸雞翼夠香脆🐣，份量又多。這兒吃的份量都很足，二人餐我們都食唔哂。環境少少昏暗有情調，有懷舊風味嘅擺設同紅磚，人唔多有空間感，可以打下卡。不過點餐時，想食羊腿冇羊腿，想飲水果茶冇水果茶，甜品寫奶凍但冇奶凍，所以就有點可惜，或者係我們比較遲嚟啦😅。