現金出糧 無入息證明 申請信用卡攻略

最近身邊有朋友問：「如果用現金出糧而無入息證明嘅話，可以點樣申請信用卡？」其實即使無入息證明都好，都仲有唔少方法可以申請到信用卡，今次就整合現時香港毋須入息證明，亦都可以申請嘅信用卡。

毋須提交入息證明信用卡

美國運通／AEON信用卡

美國運通信用卡以及AEON信用卡由於毋須提供入息證明，所以非常適合現金出糧嘅朋友申請。以下就介紹幾張推薦嘅信用卡畀大家。

美國運通BlueCash卡

當中毋需繳交首年年費而之後又容易豁免年費嘅，相信一定係美國運通BlueCash卡，只需簽賬HK$25,000即可豁免下一年度年費，而且港幣同外幣簽帳都可以有1.2%現金回贈添。

美國運通Explorer Card

除咗美國運通BlueCash卡之外，如果想儲里數又想搭飛機個時可以入貴賓室，亦都可以考慮申請美國運通Explorer Card，呢張信用卡首年豁免年費，里數兌換率亦都不俗，加上每年可以進入十次環亞機場貴賓室，所以都絕對推薦各位申請。

申請網址：stillmoney.com/s/Amex.Explorer

AEON萬事達信用卡

雖然AE信用卡出名服務好，而且回贈率又唔錯，然而喺香港唔少商戶都只收VISA／Master，AE普及性就相對較低。因此不妨考慮一下AEON萬事達信用卡，年費永久豁免同時，AEON感謝日仲可以享有95折優惠添。

AEON Card JAL

除咗上面嘅AEON萬事達信用卡之外，AEON仲有數張唔同嘅信用卡，想儲里數嘅話亦都不妨考慮AEON Card JAL，呢張信用卡係全港唯一可以儲到日航里數嘅信用卡，對於鍾意去日本旅遊嘅朋友都係其中一個唔錯嘅選擇。不過注意，呢張卡只有首年免年費，之後亦都需要每年簽夠HK$30,000先可以豁免HK$480年費架。

可使用資產作申請信用卡

雖然AE同AEON可以毋須提供入息證明就申請到信用卡，不過AE就唔係到到收，而AEON信用卡回贈率就麻麻。想要比較普及同熱門嘅信用卡嘅話，亦都可以向其銀行申請存款戶口，並使用資產申請信用卡。以下就提供三張可以用資產作申請嘅熱門信用卡。

渣打亞洲萬里通萬事達卡

渣打亞洲萬里通萬事達卡里數兌換率係各方面簽賬都非常出色，食肆、網上及外幣簽賬低至HK$4＝1里，而八達通更係所有卡中最好，每HK$6就可以賺到1里，想儲里數嘅話簽佢就啱！

至於年費方面，首年免年費，而2020年6月1日起只要於收取年費時，持有渣打「優先理財」／Premium理財」或出糧戶口，即可豁免該筆年費。

申請資產條件：於渣打戶口存放HK$150,000或以上。（此金額為銀行建議）

渣打Simply Cash

只要想要現金回贈的話，就可以申請渣打Simply Cash Visa卡，呢張卡無上限本地簽賬都1.5%回贈，而外幣簽賬仲有2%回贈添。

至於年費方面，首年免年費，而2020年6月1日起只要於收取年費時，持有渣打「優先理財」／Premium理財」或出糧戶口，即可豁免該筆年費。

申請資產條件：於渣打戶口存放HK$150,000或以上。（此金額為銀行建議）

滙豐Red卡

滙豐Red卡可以享有網上簽賬4%、本地超市2%、以及其他本地及海外簽賬1%回贈，回贈率相當高嘅同時，回贈嘅「獎賞錢」想換里數定當錢洗都得。未諗好想要邊種回贈嘅話，咁就不如申請佢，再之後慢慢諗要邊種都得！

申請資產條件：大約存放滙豐戶口存放HK$60,000或以上。（非官方答案，由申請者實測得出）

–