16機構拒收現金被罰款 人行批「服務意識不強」 - 20210122 - 經濟 - 每日明報 - 明報新聞網

經濟

小琴密語

投資策略

16機構拒收現金被罰款 人行批「服務意識不強」

【明報專訊】早年內地開始盛行手機支付,仲因為用二維碼畀錢而感到自豪,之前甚至有「股佬」盛讚創立咗支付寶嘅螞蟻集團,話值得頒個諾貝爾獎畀佢。不過宜家獎就無啦,監管措施就有一堆,噚日人行一個處罰公告,亦透視咗監管對金融科技嘅取態。

人行噚日公布,向16家拒收現金的機構及相關責任人作出處罰,罰款500元至50萬元人民幣不等。被處罰嘅16家機構主要為公園景區、公共服務機構、停車場、保險公司等。人行批評佢哋「法律意識淡薄」、「服務意識不強」,為咗商業目的,張貼「拒收現金」標示牌,喺有人值守而且完全具備收取現金嘅條件下,唔准啲客用現金畀錢。

其實金融科技理應係向人提供多一個選擇,如果客人覺得畀現金方便啲,點解要夾硬為咗推行科技而拒收呢?希望吹噓電子支付嘅人亦能明白,科技嘅本質始終都係為咗服務人民。

[小琴密語]

上 / 下一篇新聞