週末就係親子玩樂歡樂時光,無論你係想進行戶外親子活動、搵親子餐廳、 去親子農莊、定係親子營地、室內放電遊樂場,小編都為大家搜羅了一系列 2024 親子好去處!
文章將會為大家介紹下列親子活動:
1. 玩樂型親子活動
1.1 Kiztopia香港 - 新加坡最大親子室內遊樂場
(按此預訂即享優惠)
「Kiztopia」首創於新加坡,係一個專門為小朋友設計嘅大型親子室內遊樂場。遊樂場於今年9月正式進駐香港,為首間海外旗艦店!
「Kiztopia」分別位於啟德AIRSIDE(Bouncetopia品牌海外旗艦店)及沙田新城市廣場,今次就為你介紹位於沙田新城市廣場嘅「Kiztopia」。
(圖片來源:Klook)
Kiztopia全場佔地足足有12,000平方尺,以8個原創角色為主題,設有多達15個遊樂體驗區,
包括刺激嘅大型攀爬區、兩層樓高滑梯、色彩繽紛嘅巨型波波池、創意角色扮演及具有挑戰性嘅障礙訓練場等,
遊樂設施非常多樣化,啱晒帶小朋友嚟放電!
(圖片來源:Klook)
場內提供結合 “玩樂、學習、美食和親子遊樂”嘅一站式全新體驗,每個遊樂區都設有特定嘅學習目標,以培養小朋友圖像、身體、邏輯、人際關係、音樂、自我同文字嘅成長智能,真正實現寓學習於娛樂!
(圖片來源:Klook)
Kiztopia香港:
地址:新界沙田新城市廣場一期LB08-09(Google Map)
營業時間:星期一至日 10:00-20:00(最遲入場時間:19:00)
價錢:$158起 / 1大1小
如何前往:東鐵線沙田站A3出口,步行約5分鐘
1.2 Triangle Plus - 親子歷險攀爬樂園
(按此預訂即享優惠)
Triangle Plus 位於荃灣,全場佔地共 30,000呎!
樂園由六大極具挑戰性及多元化嘅設施所組成,讓小朋友盡情放電,挑戰自我,感受最原始嘅快樂!
(圖片來源:Klook)
樂園由攀岩業內首屈一指嘅室內攀岩運動品牌「Walltopia」提供各種設備,並且已取得歐盟標準認證。
場內更設專業教練駐守並提供指導,家長們可以毋需擔心安全問題。
(圖片來源:Klook)
場地仲設有3間派對房間及「Triangle Cafe」餐飲區,小朋友玩完之後可以坐低休息食下嘢。
(圖片來源:Klook)
Triangle Plus
地址:荃灣楊屋道88號PLAZA 88 7樓全層及8樓2號舖(地圖)
開放時間:星期一至四 11:00 - 20:00 / 星期五至日及公眾假期 10:00 - 21:00
價錢:$318起 / 1大1小
1.3 Super Sports Park 全港最大室內運動遊樂場
(按此預訂即享優惠)
Super Sports Park 座落於鄰近奧海城嘅一號銀海地下,佔地5萬呎,係全港最大嘅室內運動遊樂場!
場內提供超過 20 項有趣、健康及激發體能嘅遊戲運動,唔單止適合小朋友玩,都啱年青人,甚至大人都一樣咁啱玩!
(圖片來源:Klook)
當中包括樓高3層嘅車軚滑梯、空中飛索、忍者障礙陣、滾軸溜冰場、攀石牆、彈床樂園等遊樂設施,
你可以一次玩盡多款刺激又好玩嘅遊戲同運動,絕對能夠玩足全日!
(圖片來源:Klook)
玩攰想休息嘅時候,遊樂場內嘅餐廳仲會提供多款小食熱盤及飲料,俾你充電補充能量!
(圖片來源:Klook)
Super Sports Park:
地址:大角咀海輝道18號銀海坊 G03 & G05(Google Map)
營業時間:星期一至日 10:00-21:00
價錢:$200起 / 1位
1.4 Snow & Surf - 室內暖水衝浪+室內單板雙板滑雪
(按此預訂即享優惠)
想喺香港滑雪衝浪並非不可能!位於葵涌嘅「Snow & Surf」係全球目前唯一一所融合滑雪、滑水嘅室內運動場所!
場地佔地逾萬呎,設有全港唯一嘅滑雪賽道及恆溫暖水衝浪設備,讓你同小朋友無懼天氣,齊齊享受滑雪衝浪嘅刺激樂趣。
(圖片來源:Klook)
滑雪
(圖片來源:Klook)
全港唯一嘅滑雪賽道,賽道斜度設計適合初學者學習,第一次玩嘅小朋友都毋需害怕!
滑雪場調整為室溫,讓你免卻攜帶厚衣嘅不便,輕鬆滑雪。
此外,Snow & Surf亦係全港獨家同時擁有兩部全球最先進的旱雪金針菇電動滑雪練習機嘅場地,幫助任何程度玩家練習及改善技術。
溫馨提示:滑雪時記得穿著及膝的長襪和長袖衫褲。
滑水衝浪
(圖片來源:Klook)
場地使用與海洋公園水上樂園相同嘅「衝浪先鋒」室內設施,設有全年恆溫空間及溫水設備,冬天玩水都唔怕凍!
同時提供設備齊全嘅沐浴更衣室及儲物櫃,十分方便。
溫馨提示:記得自備泳衣、帶備毛巾及更換衣物,建議使用電話防水袋。
Snow & Surf:
地址:葵涌葵秀路 8-10 號瑞森工業大廈2樓(Google Map)
營業時間:星期一至日 10:00-21:00
價錢:$388起 / 2位
1.5 Sooper Yoo - 港島西大型室內兒童遊樂場
(按此預訂即享優惠)
位於西環嘅「Sooper Yoo」室內兒童遊樂場佔地10,000呎,從香港大學站只需步行3分鐘即可到達。
場內設有8項遊樂設施,例如新奇刺激嘅大型攀爬障礙迷宮,結合科技互動嘅運動比賽,讓小朋友於玩樂嘅同時鍛鍊體能同腦筋。
(圖片來源:Klook)
小型賽道上有4部迷你賽車,參加者需要駕駛賽道上嘅賽車,同其他選手比拼!
(圖片來源:Klook)
呢款巨型繩網陣係必玩活動!繩網陣內設有多重障礙,處處充滿挑戰,小朋友要以超高速度同平衡力去突破迷宮,絕對係放電探險首選!
(圖片來源:Klook)
場內更設有 Now Virtual Studio,讓小朋友一躍成為星級小主播,展示佢嘅口才同演講技巧!
(圖片來源:Klook)
Sooper Yoo:
地址:香港堅尼地城卑路乍街8號西寶城一樓(Google Map)
營業時間:星期一至日 10:00-18:45
價錢:$195起 / 1張小童門票及1張成人陪同門票
如何前往:港鐵香港大學站C2出口
1.6 2Gather - 石門近萬尺兒童室內遊樂場
(按此預訂即享優惠)
位於石門嘅2Gather係一間近萬尺的playhouse,港鐵石門站C出口步行1分鐘即達,位置非常方便!
場內設多個玩樂專區,適合1-10歲嘅小朋友玩。
入場就可以一次過任玩10個專區,包括旋轉木馬、繩網攀爬區、跳彈床、動力沙池區、露營體驗區、煮飯仔體驗區、化妝體驗區、駕駛區、海綿池攀石投影區、Babygym以及大型釣魚區等,
玩樂設施非常多,玩幾個鐘都唔悶!
另外,場內更設有飲食區,售賣人氣台式茶飲店「犀牛犀牛」嘅捲餅吐司等,玩到肚餓即刻就可以醫肚!
2Gather:
地址:沙田石門安群街3號京瑞廣場一期162舗(Google Map)
營業時間:星期一至五 11:00-20:00;星期六至日 10:30-20:30
價錢:$130起 / 1大1小
1.7 The Big Things Playground - 荃灣室內叢林親子樂園
(按此預訂即享優惠)
The Big Things Playground位於荃灣南豐紗廠內,係一個以大自然為主題嘅室內叢林親子樂園。
樂園由芬蘭遊樂場設計師設計,採用芬蘭松木製作而成。
(圖片來源:Klook)
樂園全場佔地4000呎,一共有18個遊戲區域,讓小朋友盡情探索盡情玩!
進入場內,小朋友會聽到大自然小鳥嘅叫聲,彷彿走進森林一樣,別具特色。
(圖片來源:Klook)
The Big Things Playground :
地址:2樓205-207, 45號南豐紗廠, 荃灣白田霸街(Google Map)
營業時間:星期一至日 10:30-18:30
價錢:$158起 / 1大1小
1.8 Chill Kids Club - 大崳山大型超級親子天地
(按此預訂即享優惠)
位於大崳山嘅Chill Kids Club係一間由The Wincy Brands傾力打造嘅室內兒童遊樂場,全場佔地32,000呎,仲特設大型落地玻璃,可以近距離欣賞飛機升空!
(圖片來源:Klook)
場地分為「放電專區」及「幼兒專區」2大遊戲區,共設18個主題遊樂設施,適合0至12歲嘅嬰幼兒及兒童玩。
當中包括室內巨型沙池、拱形滑梯球池、彈床區、賽車場、充氣滾輪、巨型層層疊等,種類非常豐富!
(圖片來源:Klook)
(圖片來源:Klook)
Chill Kids Club:
地址:赤鱲角航天城東路6號(Google Map)
營業時間:星期六日 10:00 / 13:00 / 16:00
價錢:$48起 / 1位
1.9 BakeBe - 甜品烘焙工作坊
(按此預訂即享優惠)
BakeBe係一間全個首創App教學嘅烘焙工作坊。
設有各種特色蛋糕工作坊任選,包括美人魚的寶藏 、心心蛋糕、雲中的寶寶等特色甜品,材料及工具全包,6歲就可以參加架啦!
製成後可以即場試食自己嘅成品,場內仲會無限提供各式飲品。
(圖片來源:Klook)
一份甜品最多 2 人製作,第二位客人只需付選擇甜品原價錢 30%嘅同行費,家長可以同小朋友嚟一齊試玩!
(圖片來源:Klook)
BakeBe:
地址: 尖沙咀彌敦道118號美麗華廣場2期L1樓170號舖(Google Map)
營業時間:星期一至五 11:00-22:00;星期六日 11:00-13:00 & 18:00-22:00
價錢:$430起 / 1人
1.10 Ryze Hong Kong|港島最大型室內彈床樂園
(按此預訂即享優惠)
Ryze Hong Kong係港島最大型嘅室內彈床樂園,位於鰂魚涌,佔地超過1萬8千平方尺,內部擁有超過40個彈床!
你可以同小朋友盡情享受彈床、海綿池、障礙訓練場、氣墊、安全氣囊、攀石牆、秋千等設施。
(圖片來源:Klook)
Ryze樂園分為兩層,3樓係接待處,主要設有彈床同競技區域。
其中最大嘅區域係彈床,由多塊2米 x 2米嘅彈床組成,讓大家可以自由地彈跳。
家長們可以坐喺照片左側觀察同照顧小朋友。
(圖片來源:Klook)
Ryze彈床樂園內設有2個彈跳海綿池,小朋友可以盡情享受跳遠嘅樂趣,並挑戰自己,鼓起勇氣從彈床上跳進海綿池,仲可以展現花式跳水嘅技巧~
(圖片來源:Klook)
Ryze Hong Kong
地址:鰂魚涌渣華道321號柯達大廈1期3樓(Google Map)
營業時間:星期一至五 10:00-20:00;星期六日 09:00-21:00
價錢:$115起 / 1位參加者+1位陪同人士,免費送防滑襪一對
1.11 香港歡樂天地室内游樂園 - 九展分店
(按此預訂可享優惠)
香港歡樂天地室內游樂園嘅九展分店位於九龍灣國際展貿中心地庫,佔地近30,000平方尺。
園內擁有百餘種經典遊戲設備,包括打板牙、乒乓球、歡樂馬仔等,讓親子盡情享受遊戲嘅樂趣。
(圖片來源:Klook)
此外,樂園引入咗AR動感樂園、5D影院同人造雪奇幻雪屋等全新遊戲設施,為親子提供更多選擇同驚喜。
(圖片來源:Klook)
你地仲可以參與「親子動感飛船」、「歡樂太空艙」等VR體驗遊戲,呢啲遊戲提供唔同嘅虛擬場景,增添刺激同新奇嘅體驗。
香港歡樂天地室內游樂園絕對係親子共度歡樂時光、創造美好回憶嘅絕佳場所!
(圖片來源:Klook)
香港歡樂天地室内游樂園(九展分店)
地址:九龍灣展貿徑1號 九龍灣國際展貿中心B1層118-132號舖(Google Map)
營業時間:星期六日及公眾假期 12:00-20:30
價錢:$299起 / 1位
1.12 Kids Kids Car「兒童動靜皆宜天地」
(按此預訂即享優惠)
Kids Kids Car係一個全新嘅室內兒童遊樂場,位於尖沙咀中港城。
呢個遊樂場提供一個安全使用兒童電動車、模擬職業體驗遊戲同活動四肢嘅天地。
設有3個園區,可以比小朋友盡情築夢、實現自己嘅夢想,成為領航者。
賽車區包括「道路小英雄」,讓小朋友乘坐迷你巡邏車展開追逐戰,成為追捕壞蛋嘅小英雄;「迷你私家車」則特別設置咗名廠授權嘅電動車,讓孩子們實現小小超跑嘅夢想。
(圖片來源:Klook)
動態區包括充氣彈床、AR動感遊戲、大型LEGO砌砌樂、滑梯親子樂等設施,讓孩子們盡情享受遊玩嘅樂趣。
(圖片來源:香港01)
靜態區則包括「超市小主人」,讓小朋友推著小小購物車,係虛擬嘅超市中選購各種食材,並喺小廚房展現自己嘅廚藝;
「小郵差」則讓小朋友寫低心意卡,寄出祝福比佢哋珍愛嘅人;
「小小消防員」則讓小朋友化身英勇嘅消防員,提高佢哋嘅防火意識。
(圖片來源:香港01)
Kids Kids Car
地址:尖沙咀廣東道 33 號中港城UG/F 30 號舖(Google Map)
營業時間:星期一至五 12:00-19:00;星期六日及公眾假期 11:00-20:00
價錢:$99起 / 套票
1.13 Happy Theory Playhouse 室內遊樂場
(按此預訂即享優惠)
Happy Theory Playhouse 係一個位於荃灣海之戀嘅室內兒童遊樂場,距離地鐵站約5分鐘路程,商場內仲設有停車場。
遊樂場佔地3000平方呎,適合6個月至8歲嘅兒童。
(圖片來源:Klook)
遊樂場內提供無線上網服務,設有7個唔同嘅遊樂區域,包括半高空透明爬行通道、滑梯、木沙池、攀石牆等設施,所有設施都被軟墊包圍,確保小朋友喺自由活動時嘅安全。
(圖片來源:Klook)
此外,遊樂場提供Party包場服務,並會喺Party開始前使用來自英國嘅消毒藥水對全場進行清潔,確保場地嘅乾淨衛生。
(圖片來源:Klook)
Happy Theory Playhouse
地址:荃灣海之戀商場 3樓 3014至3015號舖(Google Map)
營業時間:星期一至日 10:30-20:00
價錢:$76起 / 1位
1.14 香港荃灣帝盛酒店 - Kids Zone
(按此預訂可享優惠)
荃灣帝盛酒店有一個專為兒童而設嘅遊樂天地 - Kids Zone。
Kids Zone內設有5個獨特主題嘅互動遊樂區,包括「超級英雄」、「波波池天地」、「救火英雄」、「公主華麗派對」及「小小城區」。
係「救火英雄」,小朋友可以扮演救火英雄,體驗消防員救火嘅刺激場景。
(圖片來源:Klook)
係「波波池天地」,小朋友可以盡情玩樂同探索。
(圖片來源:Klook)
係「公主華麗派對」,小朋友可以著上華麗嘅公主服裝,參加Party。
(圖片來源:Klook)
香港荃灣帝盛酒店 - Kids Zone
地址:荃灣帝盛酒店 葵涌健全街28號 , 3/F(Google Map)
營業時間:星期一至五 10:00-12:00 / 13:00-15:00 / 16:00-18:00(假期及特別日子除外)
2. 戶外親子活動
2.1 元朗農樂營戶外樂園任玩體驗 + 戶外燒烤
(按此預訂即享優惠)
元朗農樂營戶外樂園提供大人小孩任意體驗,並提供戶外燒烤服務,絕對係一個CP值超高嘅選擇。
(圖片來源:Klook)
所有客人都可以使用室內同室外嘅遊樂設施。對於小朋友黎講,佢哋最鍾意嘅遊樂設施一定係:
2千呎嘅室內兒童遊樂室(內有波波池同各種玩具)、動感平衡車、單車、手搖船、嬉水池(季節性開放)、室外彈床、滑梯等。
(圖片來源:Klook)
(圖片來源:Klook)
此外,呢到有多個打卡拍攝嘅景點,你可以喺戶外觀賞星空同日落嘅美景,讓你彷彿置身於熱門旅遊地點。
如果係家庭聚會或同好友聚會,你仲可以自選燒烤食材進行BBQ。
(圖片來源:Klook)
(圖片來源:Klook)
(圖片來源:Klook)
元朗農樂營戶外樂園任玩體驗 + 戶外燒烤
地址:元朗牛潭尾路攸潭尾村,攸潭美村公所附近(Google Map)
租用時段:星期四至日 11:00-16:00 & 17:00-22:00
小賣部營業時段:09:30-19:00
價錢:$3000起
2.2 香港Jumptopia - 黃金海岸酒店廣場
(按此預訂即享優惠)
舊年大受歡迎嘅「Jumptopia渡假樂園」將再次回歸!位於香港黃金海岸酒店廣場。
JumptopiaTM今年帶來「小小環球美食家 (香港站)」嘅主題,設有5座環繞美食設計嘅巨型充氣城堡,佔地超過12000呎。
(圖片來源:Klook)
呢個係一個專為小朋友設計嘅冬日親子室外彈跳樂園,讓全家人一齊度過難忘嘅佳節。
門票即買即用,無需分時段,隨時可以享受樂園嘅遊玩!
(圖片來源:Klook)
(圖片來源:Klook)
(圖片來源:Klook)
香港Jumptopia - 黃金海岸酒店廣場
地址:香港屯門青山公路 黃金海岸酒店廣場(Google Map)
開放日期及時間:星期一至日 11:00-19:00(直至2024年2月18日)
價錢:$138起 / 1大1小
2.3 長州西園農莊
(按此預訂即享優惠)
如果你計劃同小朋友一齊去露營,西園農莊絕對是個絕佳選擇。
占地約11英畝嘅農莊位於香港長洲西南角,營地被分為4個主題營區,包括印第安營、南非營、觀星圓拱屋和蒙古包,總共有40多個營舍,提供多樣化的住宿選擇。
(圖片來源:Klook)
西園農莊仲提供多種各不相同嘅娛樂設施,非常適合同小朋友一同體驗。
想要嘗試射箭嘅刺激?你地可以去玩森林弓防箭,你仲可以挑戰沿著繩子垂降,體驗速度和高度的刺激。
此外,你地可以玩泡泡足球,參與者需著上氣泡球,體驗碰撞同搞笑場面。
(圖片來源:Klook)
另外,你仲可以參加餵食山羊等動物嘅活動,同可愛嘅小動物互動。
農莊喺夜晚會舉辦營火活動,營造出溫馨而熱鬧嘅氛圍,讓你地享受夜晚美好嘅時光。
(圖片來源:Klook)
西園農莊
地址:長洲西灣 DD CC Lot 12, 西園(地圖)
營業時間:星期一至日 09:30 - 18:00
入營時間:15:00 - 18:00
退營時間:09:30 - 11:30
價錢:每晚 HK$1800起(價錢因應唔同日子以及營舍有所調整,詳細價錢請參考網頁)(價錢未包括活動)
2.4 迪欣湖 - 親子活動聖地
迪士尼係唔少親子聚會會去嘅地方,而係迪士尼附近嘅迪欣湖活動中心都係一個親子好去處!
充滿童話色彩嘅迪欣湖係一個人工湖,設有雙人及四人單車出租,非常適合一家人一齊租黎漫遊迪欣湖。途中都可停落黎欣賞湖中嘅荷花、風景。
(圖片來源:Klook)
如果嫌單車太悶,迪欣湖都有提供腳踏船(水上單車)及划艇等水上活動㗎!
4個位嘅水上單車可以比一家人係湖上漫遊,十分愜意!相信小朋友都會鍾意。
(圖片來源:Klook)
如果想進行啲靜態親子活動,都冇問題!
迪欣湖係出名嘅野餐聖地,大人可以帶塊野餐布、同埋野餐美食,便可以同小朋友係草地上野餐啦!
呢度絕對係一個多元嘅親子好去處!
(圖片來源:Klook)
迪欣湖活動中心
地址: 香港新界大嶼山竹篙灣 迪欣湖活動中心 (Google Map)
開放時間:每天早上9時至晚上7時;腳踏船及腳踏遊覽車:出租服務:每天早上10:00至下午5:00提供
價錢:
- 雙人艇 $70 / 半小時,$120 / 小時
- 4人艇:$85 / 半小時;$150 / 小時
- 雙人單車$100 / 小時
- 4人單車$120 / 小時
交通:1.乘港鐵廸士尼線到香港迪士尼樂園度假區交通交匯處,再轉乘R8遁環線
2. 乘巴士到逹青嶼收費廣場,再轉乘R8遁環線
2.5 元朗石崗 農場鮮奶有限公司
平時牛奶就飲得多,但小朋友究竟知唔知牛奶係邊度來呢?週末嘅時候,都可以試下帶著小朋友去下郊區,呢個位於元朗嘅鮮奶公司都係一個唔錯嘅親子好去處。
除此之外,小朋友仲可以親親大自然,餵羊仔食野,一扎草都係3蚊有交易! 用3蚊可以買到小朋友一個寶貴經歷都不錯~
餵完羊之後,仲可以去牧場嘅露天茶座,牛奶由內地嘅「農場鮮奶」牧場入貨,並供應自家製嘅薑汁撞奶、芒果燉奶、燉奶、熱鮮奶和鮮奶咖啡等,小朋友一定鍾意~
元朗石崗 農場鮮奶有限公司
地址:錦田荃錦公路雷公田 78 號 (Google Map)
開放時間:星期六、日及公眾假期 09:00-17:30
查詢電話:2832 9218
前往方法:於元朗泰衡街乘72號專線小巴到總站,車程約30分鐘;或可於錦上路鐵路站C出口,轉乘同一小巴,下車後沿農場鮮奶指示牌步行約10-15分鐘
2.6 清水灣大坳門放風箏
假期嘅時候,唔少家庭都會選擇去郊區進行親子活動。
除了上述嘅親子活動,帶小朋友到郊外放風箏亦是個唔錯嘅選擇!
大坳門位於清水灣東部,附近有山有海,而且清水灣郊野公園內有大片草地,專門比人放風箏,係出名嘅風箏勝地。
大坳門有巴士、小巴直達,下車後向清水灣郊野公園方向行,大約 15 分鐘便可到達放風箏地址。
清水灣郊野公園內設有小食亭,亦有出售風箏,大家可以兩手fing fing來到再選購風箏~
大坳門交通資訊
巴士:鑽石山91號
小巴:寶琳16、觀塘碼頭103、將軍澳103M
停車場:清水灣郊野公園旁邊有停車場,但位置唔多
3. 益智親子活動
3.1 香港浩海立方探游館
(按此預訂可享優惠)
位於荃灣嘅「香港浩海立方探游館」係全港首間結合真實海洋生物及投影效果嘅海洋探索體驗館。
館內設多個主題專區,包括光影海洋觀景窗、夢幻水母萬花筒、VR海洋探秘之旅、 水母實驗室、海洋兒童樂園及特色餐飲區等,顛覆你對傳統水族館嘅印象!
當中光影海洋觀景窗更結合了真實海洋生物及投影效果,帶來多感官體驗。
(圖片來源:Klook)
探遊館由國際頂尖海洋館建築師及專業養殖等團隊共同創作,除咗有結合玩樂及海洋保育學習嘅「海洋兒童樂園」,令人矚目嘅仲有「水母研究所」。
研究所展示水母各個成長階段,小朋友不但能夠認識唔同種類嘅水母及其特徵,仲有機會近距離觀賞水母同餵食!
除此之外,館內更設有運用虛擬現實 VR 及 混合實景 MR 嘅多媒體互動遊戲,讓家長與小朋友一齊探索海洋嘅奧秘,了解生物及環保知識。
(圖片來源:Klook)
香港浩海立方探游館
地址:荃灣楊屋道88號 Plaza 88 - 8樓(地圖)
營業時間:星期一至日 10:30 / 12:00 / 14:00 / 16:00
價錢:每位$138起 / 2小時
前往方法:荃灣西站D出口步行8分鐘
3.2 香港兒童探索博物館
小朋友有一個共同點,就係對好多東西都充滿好奇,所以親子活動去呢間香港兒童探索博物館就fit曬!
佔地6000平方尺嘅兒童探索博物館有4大區域比小朋友學習,包括「故事舞台」、「愛耗大自然」、「漫遊小香港」及「小工匠工作室」!
更設有幼兒專區,可讓幼童係安全環境下探索!
「愛耗大自然」展區:比小朋友探索大自然嘅奧妙,了解地球資源嘅來源,以及保護環境嘅方法。
「小工匠工作室」展區:小朋友們齊齊化成小工匠,一齊建造、 測試、 創造物品!
場地提供獨特嘅工具同材料比小朋友去作唔同嘅嘗試,家長可以在旁邊協助,係唔錯嘅親子互動~
「故事舞台」展區: 小朋友可以透過舞台製作,編劇同角色扮演將自己嘅故事表達出來!
最後嘅「漫遊小香港」係專為三歲以下兒童設計嘅,小朋友可以在展區內嘅城市交通區域盡情探索,充分運用佢地嘅感官。
香港兒童探索博物館
地址:北角馬寶道28號華滙中心一樓 (Google Map)
更多詳情:香港兒童探索博物館
3.3 香港科學館
如果想同小朋友學習科學知識,位於尖沙咀嘅香港科學館就係一個學習科學知識嘅親子好去處,呢度經常舉辦有趣新穎嘅專題展覽。
而香港科學館3樓特別設有兒童天地,讓年紀較少嘅小朋友也可接觸科學知識,讓家長可同小朋友一同親子探索科學!
「動物在哪裏」:小朋友企喺特定嘅位置就可見到五種動物,有貓、兔子、鴨子、象同小雞,呢D動物由幾何圖形組成,展品可讓兒童學習觀察,認識空間、透視及幾何圖形。
「滾球過山車」:與其他小朋友合作拼接出一條過山車軌道,再把圓球放到軌道上唔同嘅高度溜下來,兒童會發現圓球嘅速度和行進距離會有所變化。
展品鼓勵兒童一起合作動手進行實驗,探索展品中隱藏嘅科學原理。
除了上述所介紹嘅兒童區,科學館仲有好多唔同專為兒童設計嘅展區,快D趁週末一齊帶小朋友去進行親子活動啦!
香港科學館
地址:尖東科學館道2號 (Google Map)
更多詳情:香港科學館
3.4 香港文化博物館「兒童探知館」
如果想趁假期帶小朋友增加文化知識,就可以去文化博物館啦!
香港文化博物館設有「兒童探知館」,大部份展品特別為4至10歲的兒童設計。
係呢度,小朋友會發現大自然嘅奇妙,揭開考古的奧秘和體驗香港昔日嘅情懷。
展館分為8個學習遊戲區,讓小朋友漫步米埔沼澤,深入地底,潛入水中,又和鳥兒、昆蟲及海洋生物做朋友;
小朋友亦可以透過精心設計嘅遊戲,認識本地考古學家嘅工作,一睹香港神秘嘅出土文物;
還有,小朋友也可以在此探索新界傳統鄉村嘅生活,並可與家人一起分享昔日兒童嘅玩意。
另外,展館附設有「香江童玩」展覽,展出本港設計、製造或銷售嘅玩具,為大家細說香港玩具嘅發展。家長更可在展品中發現一些風靡一時而現時又難得一見嘅古董玩具,重溫兒時舊夢。相信呢個親子好去處,必會令大家盡興而返!
香港文化博物館「兒童探知館」
地址:沙田文林路1號 (Google Map)
更多詳情:香港文化博物館
3.5 太空館
小朋友科幻片就睇得多,但又有冇真正了解到大家所身處嘅星球呢?週末嘅時候,太空館都係一個親子好去處,家長可以帶小朋友一齊探索宇宙~
香港太空館設有兩個展覽廳,分別係「宇宙展覽廳」同「太空探索展覽廳」。其實除了一系列嘅展覽,太空館都有好多遊戲比小朋友玩,令大家唔會覺得悶!
「重力衝浪」考驗小朋友如何借助星體嘅重力穿越宇宙。
「相對論自行車」讓觀眾以接近「光速」風馳電掣,體會扭曲嘅空間。
展館更會播放「宇宙大爆炸」,展示宇宙由大爆炸至現在嘅演化。家長可以陪同小朋友一齊觀看~
又可以增加小朋友知識,又可以比小朋友一個歡樂嘅週末,參觀博覽館仲唔係一個理想嘅親子活動!?
太空館
地址:尖沙咀梳士巴利道10號(Google Map)
更多詳情:香港太空館
4. 親子派對活動
想搵個舒舒服服兼多嘢玩嘅場地,同小朋友開派對慶祝或者享受親子樂?ReUbird網上平台提供超過 300 間 Party Room,以下小編就從中揀選咗8間適合親子兒童嘅Party Room推介俾大家!
4.1 Nomad Lounge Venti - Party Room
呢間 Party Room 以文青及家庭為設計主題 ,從鑽石山地鐵站A出口步行 5 分鐘即可到達!
場地24小時營業,乾淨舒適,適合10-50人聚會,提供獨立包場服務~
場內提供豐富嘅兒童玩樂設施,包括獨角獸吹氣城堡、兒童波波池、 兒童滑梯、 兒童軟墊等,小朋友可以盡情放電!
同時,亦有提供電動麻雀、唱K、Switch等,無論係大人定小朋友都可以玩得開心~
值得一提嘅係,場地仲有附設室外露台可以BBQ !
而家經 ReUbird 查詢滿成人20人就有1位免費,小童10位1位免費,而且紙包飲品任飲,人均低至$26/小時獨立包場!
優惠及預訂連結:Nomad Lounge Venti
場地面積:2300
容納人數:10 至 50 人
地址 : 九龍鑽石山新蒲崗大友街31號
前往方法:鑽石山地鐵站 A 出口,步行5分鐘
4.2 Partyroom Andyroom 三眼仔波波池
呢間Toystory主題Party Room位於荔枝角,一入去就見到有一個特大三眼仔波波池!
除咗可以被大量三眼仔包圍,四周亦擺滿咗Toystory角色嘅公仔,就好似進入咗Toystory嘅世界咁,充滿童趣~
場內有多款玩樂設施,除咗最大嘅波波池 ,亦有桌球、氣墊球、太鼓等,仲可以唱K同打麻雀。
另外,亦有大量boardgames提供,家長可以同小朋友一齊玩!
如果小朋友年紀比較細,旁邊仲設小童膠地墊,有木馬、籃球架等玩具玩~
經ReUbird查詢可紙包飲品任飲!
優惠及預訂連結:Partyroom Andyroom 三眼仔波波池
場地面積:900
容納人數:10 至 35 人
地址 : 荔枝角永康街嘉名工業大廈
前往方法:港鐵荔枝角站C出口,步行三分鐘
4.3 PokemonParty 小精靈派對
相信唔少小朋友都鍾意寵物小精靈,而呢間位於葵興嘅 Party Room就以寵物小精靈為主題,讓一眾小粉絲齊齊參加小精靈派對!
踏入場地,大型比卡超波波池映入眼簾,鮮黃色設計配上繽紛波波同小精靈公仔,牆上仲有大大隻比卡超望住你,營造出可愛又歡樂嘅氛圍~
除咗波波池,場地嘅各個角落到可以見到小精靈們嘅可愛身影,例如胖嘟嘟嘅卡比獸、呆萌嘅傻鴨等,小朋友可以同最愛嘅角色一齊玩!
玩樂設施方面亦好多樣化,除咗基本嘅K歌系統、Switch、PS4、電動麻雀機、大量Board Games等,亦有氣墊球、籃球機、NETFLIX等。另外,仲有俾小朋友玩充氣城堡同玩具,大人小朋友都可以玩得開心~
經ReUbird查詢可紙包飲品任飲!
優惠及預訂連結:PokemonParty 小精靈派對
場地面積:1300
容納人數:8 至 30 人
地址 : 葵興華星街華達工業中心
前往方法:葵興站A出口,步行約8分鐘
4.4 Resalaser Party Room
Resalaser 鐳射槍戰於 2015年從台灣登陸香港,於觀塘設有共10000呎嘅派對及夜光鐳射槍戰場,啱晒鍾意玩槍戰嘅小朋友!
場地集派對空間同鐳射槍戰場於一身,分別有兩間3000尺及2000呎嘅型格派對場地,以及5000呎夜光鐳射槍戰場,派對空間可容納120人, 鐳射槍戰則可以同時容納24名玩家。
鐳射槍戰場內設有各種障礙物,玩家需要善用障礙物躲避,同時與敵方戰鬥。夜光燈飾營造出緊張刺激嘅感覺,氣氛一流!
派對空間方面,一共有兒童派對房間及海景派對房間。兒童房設有Switch、小型足球機、疊疊樂 、卡牌遊戲/圖板遊戲等,而海景房則有卡拉OK 、桌球枱、高爾夫球遊戲 、電動麻雀及飛鏢等。兩間房都配備雪櫃,可擺放蛋糕及飲品。
如果想舉辦多人派對,則可以預約派對大廳,最多可以容納到100人,玩樂設備亦非常豐富,包括卡拉OK、PS4、乒乓球枱、籃球機 、麻雀、Board games、狼人殺燈等,仲有Osim 按摩椅,玩到攰可以按下摩,好正啊!
經ReUbird查詢滿50人可享9折!
優惠及預訂連結:Resalaser Party Room
場地面積:10000
容納人數:6 至 120 人
地址 : 觀塘巧明街119-121年運大廈F2C
前往方法:觀塘站A出口,步行約3分鐘
4.5 LittleLand
LittleLand以森林童話風裝潢 ,佔地1300呎,設有多項兒童遊樂設施,當中最為矚目嘅就係配備透明旋轉滑梯嘅超大波波池!除咗刺激好玩嘅旋轉滑梯,波波池仲附有鞦韆同彈跳床,小朋友可以喺入面盡情放電!
除此以外,場地仲有提供磨菇帳篷 、可愛草泥馬、煮飯仔、車車,以及大玩具,打造出一個大型室內兒童遊樂場,最適合同小朋友舉辦生日派對!
、
除咗兒童遊樂設施外,亦提供各款大人娛樂設施 ,包括電動麻雀機、Poker 啤牌、卡啦OK設備、桌遊等,喺小朋友玩緊嘅同時,大人都可以有自己嘅樂趣,唔使怕悶~
經ReUbird查詢星期一至五無酒精飲品任飲;滿30人全單9折!
優惠及預訂連結:LittleLand
場地面積:1300呎
容納人數:15 至 45 人
地址 : 長沙灣青山道479號麗昌工業大廈
前往方法:
1)青山道入口:荔枝角站B1出口步行約5分鐘到達
2)光昌街入口:壽司郎及MCL戲院旁,每晚7pm後關閉
4.6 The Yard
The Yard位於銅鑼灣 TimeSquare後面,位置便利,提供極豐富兒童玩樂設施,可以話係一間專為兒童而設嘅 Party Room!
Party Room全場佔地約2000呎,最多可以容納到約60人,好適合去開大型派對。
全場共有五個兒童專題房間,當中最為亮眼嘅就係超大型波波池電影院,小朋友可以一邊玩波波池一邊睇卡通電影~
另外一個大型設施就係小朋友最愛嘅跳彈床城堡滑梯,俾小朋友盡情跳彈,放放電~
同時,場地亦設有煮飯仔、玩具車仔、彈彈馬、兒童遊玩室等,小朋友絕對可以喺度玩足一日!
查詢及預訂連結:The Yard
場地面積:2000呎
容納人數:10 至 60 人
地址 : 銅鑼灣禮頓道9-11號合誠大廈地下
前往方法:銅鑼灣地鐵站A出口,步行3分鐘
4.7 Plantation
Plantation 位於佐敦商廈,全場約1400尺,以包場形式租用,你可以獨享場內所有設施同BBQ平台,私隱度100分!
場地直接連接平台,打開門外面就係室外平台,非常方便。平台提供2張1.8米特色BBQ桌,特別適合多人BBQ。而且配備雨篷,日曬雨淋都唔使怕!
室內設有多款玩樂設施,65″ Sony 4K Smart Tv配備多款PS5 VR & Party Game,設有JBL音響及4支無線咪可以唱K,仲有美式桌球、氣墊球、兵乒球、電動麻雀機、超過50款board games任你玩!
另外,場地亦有提供多種兒童玩具,包括小朋有最愛嘅波波池同廚房玩具,仲有彈彈兔、遙遙板、電子琴等,玩足一日都唔會悶!
經ReUbird查詢滿20人可享減$30/位;滿30人可享減$40/位
優惠及預訂連結:Plantation
場地面積:1400呎
容納人數:10 至 50 人
地址 : 佐敦吳松街95號利廣商業大廈
前往方法:佐敦站A出口步行約4分鐘
4.8 Twinkleland
呢間party room位於新蒲崗大有街,以白色及粉色調裝潢,帶出濃厚嘅夢幻童趣感~
Party room設有色彩繽紛嘅特大兒童波波池,波波池入面仲有滑梯玩!同時,場地仲設有多款兒童玩樂設施,包括兒童爬行墊、兒童玩具車仔、 Lego Table、各式兒童玩具等,亦有BB餐桌檯方便寶寶食嘢~
同時,場地亦設有露台可供BBQ,家長可以同小朋友一齊享受燒烤嘅樂趣!
除咗兒童設備,場地亦有switch、多款桌遊、poker、電動麻雀等玩樂設備,大人都可以玩得盡興。
經ReUbird查詢滿20人可享減$30/位;滿30人可享減$40/位
優惠及預訂連結:Twinkleland
場地面積:1500呎
容納人數:8 至 50 人
地址 : 新蒲崗大有街36號華興工業大廈
前往方法:
1) 巴士
乘搭至譽・港灣,步行約2分鐘
乘搭至爵祿街,步行3分鐘
乘搭至大有街,步行3分鐘
2)MTR
乘搭至鑽石山地鐵站A2 出口,步行約5分鐘
唔知大家睇完以上嘅親子活動,又有冇諗定下個週末嘅心水親子好去處,帶著小朋友一齊去玩樂呢!如果想睇更多親子好去處,Klook 為你準備左 親子好去處攻略,有齊最新室內室外親子活動,有興趣嘅朋友可以入去睇下!
放完假番番學,相信家長都驚小朋友會懶散做,特別係疫情下一大班學生Zoom上堂老師都顧唔到咁多…建議家長可以搵私人補習!Tutor Circle尋補補習配對平台最快1小時內成功配對,為急切需要指導的學生提供上門補習配對服務。ReUbird讀者使用Tutor Circle (尋補) 補習配對服務,輸入優惠碼TC40,即可獲得補習學費回贈優惠!
更多與親子活動相關的文章:
【小朋友生日會】7間慶祝生日派對 Party 場地推介(持續更新)
【親子好去處】Epicland全新歷奇王國一日遊 玩轉香港最大的室內遊樂場
【點揀到會?】小朋友生日到會、派對到會、會議到會選購指南及推介