48
12
11
營業時間
今日營業
10:00 - 22:30
星期一至日
10:00 - 22:30
以上資料只供參考, 請與餐廳確認詳情
食家推介
公司團年多數去酒樓，而今次這間曾經飲過茶食點心，圍菜就未試過，平均價唔算貴，點了個六人餐：1. 海港薈燒鵝(半隻)：鵝皮夠脆，肉又滑嫩，這種情況很快就冇，因為它只是用個小蠟燭烘，根本不足夠保持剛上枱時的溫度，到後期食肉質已經咬唔開凍冰冰。2. 上湯焗澳洲龍蝦伊麵(斤半)：龍蝦分量多&多肉，伊麵底夠多，夾極都仲有，食唔曬。3. 蟹粉扒豆苗：蟹粉加勾芡鋪豆苗，豆苗幾好食，其他冇特別。4. 岩鹽燒 6 頭鮑魚：明顯不是燒是油炸鮑魚，上枱已凍冰冰，加上口感煙韌又乾，好難食。5. 杏汁花膠濃雞湯：原盅上枱夠熱，杏汁夠濃，花膠好冧好好食。6. 私房欖鼓蒸龍躉斑：其實任何斑類薑蔥+豉油已經好好食，轉用欖鼓多此一舉，又鹹又唔好食，仲浪費左條魚，都唔岩搭。7. 蠟味糯米飯：有蠟腸蠟肉蛋絲花生，夠熱已經好好食，好快就清曬。8. 健康紅棗糕(蒸)：即蒸夠熱。圍菜連加一茶芥，圍菜有專用姐姐負責上菜睇進度，感覺良好。但食物質素有進步空間，整體都滿意。
繼續閱讀
今早訂位時接電話的前檯伙記很冇禮貌，未講完就收線，垃圾級服務，所以我們一班同事取消了今日原本在此的午飯，改到另一個飯堂。另外亦因你班惡伙計鬧客兇狠經歷，以後亦不會再在此晚餐聚會。情願北上都不會再幫襯
繼續閱讀
親戚回港，搵間有廳房嘅酒家聚餐，Book灣仔海港中心三樓 "海港薈" 廳房，我哋有15人，廳房夠大環境舒適，訂咗龍蝦鮑魚宴，另加一隻長腳蟹。長腳蟹鮮甜好味 套餐份量足夠，晩飯後還可以到灣仔海旁影燈飾 (燈飾至晚上11時)，家人和親戚都滿意今次的聚餐安排。溫馨提示：酒家營業時間大約至晚上十時，建議早些開始聚餐，咁就夠時間慢慢食。
繼續閱讀
03 Oct 2023 一行七人，共消費28xx， 壽星免付，埋單共六人，人均HKD480。坐大堂，沒有看不見而被忽略的！叫六支啤酒，只來兩支，有人心不在。叫了半隻燒鵝(人未齊所以order叫起)只跟一碟酸梅醬，最後人未到就端上了檯，不是死鹹肉質不是柴了的那種，加上皮脆好食。叫了一隻六斤半的長脚蟹，上檯時沒上鉸剪，莫說洗手兜，就連清潔的毛巾紙巾都無，吃完蟹之後要鬧喇才上鉸剪，長腳蟹是清蒸的，技術上最是靠上什師傅時間控得好，鮮甜原味好食，188／斤。最失望的是大閘蟹粉扒豆苗，被介紹的相片坑了， 似施捨得來丁點蟹粉，沒蟹粉味，絕不值HKD168，似足被偷工減料的出品。風沙芝麻骨製作還可，仍有進步空間，不柴之外只見芝麻但沒丁點芝麻味，風沙就更加不知什麼來頭，比起官塘榮哥私房菜中類似的出品就有天淵之別，沒比較沒傷害，這碟風沙芝麻骨就有丁點混水摸魚的感覺，但整體來說是好食的。小炒皇就多乜謝喇，毫無鑊氣不突止更無酒香，味道還可以只欠這款送酒菜的精髓，值得一讚腰果炸得很好，這才是厨師應有的本錢。最後不得不提一個伴酒小菜鴨舌，讚其入口的質感非常不錯。進餐期間有位侍應走近拿起我檯的咭，沒問沒交流就劃了兩筆，說我們叫了兩碗飯，嘩......我頂吖，咩年代？仲尼這招？無糖水無水菓，有丁點不歡悦地吃飽離埸。這店已經幫襯咗很多年，現在有感越做越差。
繼續閱讀
第一次光顧，服務態度簡直不知所為，完全冇人招呼，想冲茶下單完全冇人理，是我近5 年去過服務質素最差的酒樓，這樣的服務及管理影響香港的形象，應該全部炒晒換過班人上場，作為股東簡直痛心。作為餐飲業，食物雖然重要，但服務質素差也等於趕客走。
繼續閱讀
您可能會有興趣的...