【明報專訊】政府同商界合力谷針，鼓勵市民打疫苗，地產商除咗送禮，都會安排員工打針。新鴻基地產參與外展接種服務，噚日外展隊去到灣仔總部幫200名職員接種復必泰疫苗，職員享有「疫苗假期」，打針當日及翌日可留家休息。公務員事務局長聶德權（中）就去到新地總部，同新地主席兼董事總經理郭炳聯（右二）為員工打氣。聶德權話，今次係首間地產發展商參與外展接種服務，話地產商及物業管理公司嘅員工要成日同市民接觸，打咗針對僱主、僱員以至顧客嚟講係「三贏」。
