政Whats噏：假錄音再現　何栢良澄清及報警求助

本港第五波疫情大爆發，唔少市民都會使用通訊軟件互傳最新消息。之不過，近日Whatsapp再流傳一段錄音，聲稱錄音出自港大感染及傳染病中心總監何栢良，話病毒害怕弱鹼性。何栢良今日(12日)就喺Facebook發出聲明，話錄音並非出自佢本人，呼籲市民停止轉發，並已報警處理。

話說網上流傳一段約2分10秒嘅錄音，話「情況認真注意，不想等到下一次會議30秒先至講，然後提到此病毒會害怕弱鹼性」，仲寫住「From何栢良醫生」。

其實呢種情況已經唔係第一次出現。香港爆發第三波疫情嘅時候，已經有人偽造錄音假冒何，當時何選擇報警求助，仲教市民點樣分辨真假錄音。再上一次嘅類似情況，就係2020年4月嘅時候，何亦作出澄清。雖然何一直作出澄清，但都係有人冒認佢嘅身份，睇怕呢啲情況都陸續有嚟喇。