台慶綵排丨何廣沛被拍檔打爆缸 陳懿德預告戰衣中門大開 19號就係TVB台慶嘅大日子,呢日何廣沛、阮浩棕、孔德賢、鄭衍峰、鄺潔楹Judy、梁凱晴、朱凱婷同吳幸美等就齊集為當晚嘅大型演出綵排。 男子組練習咗一排嘅激光劍演出呢日終於一氣呵成預演,不過大家就太用力,唔只徐文浩爆呔,就連何廣沛都被拍檔誤傷,打到右手爆缸呀,不過因為太投入演出,所以何廣沛話唔知係畀邊個兄弟打傷,令佢要緝兇呀! 唔只何廣沛受傷,就連徐文浩都被爆練習時扭傷腳,要撐住拐仗出嚟做訪問,但因為不斷畀班兄弟調侃嘅關係,令到徐文浩成塊面都紅晒呀! 台慶當晚氣溫將會跌到十幾度,一眾女神們就話唔怕凍,其中陳懿德仲預告自己套衫會中門大開呀!不過Judy就話會反其道而行,當晚件衫會以保暖為主,一定可以貼到暖包喎! #台慶綵排 #激光劍 #何廣沛 #阮浩棕 #孔德賢 #鄭衍峰 #鄺潔楹 #梁凱晴 #朱凱婷 #吳幸美 #陳懿德 #戰衣 #性感 #中門大開