「小鮮肉」其實就係你附近 香港娛樂圈唔係青黃不接
近幾年，無論在韓國還是內地都好流行「小鮮肉」這個名詞，顧名思義「小鮮肉」是指年紀輕，身型又好同外貌佳的年輕男性。韓國代表有呂珍九、南柱赫、金志洙等，而內地就有吳磊、胡一天及楊洋。睇返嘅香港演藝圈「小鮮肉」似乎真係買少見少，但其實有留意開TVB或者ViuTV的觀眾一定知道他們根本日日都出現在電視中！究竟香港有啲咩人係「小鮮肉」，即刻同大家嚟個「回帶」先！
第十位：余德丞 （29歲）
明年就「29+1」的余德丞(Dickson) 是前香港游泳代表隊成員，2013年，加入TVB，從TVB體育台外景主持做起，之後就主持2年的兒童節目《Think Big 天地》。再去到上年在台慶劇《誇世代》與戲中的父母關禮傑及江美儀雖然有大量對手戲。但觀眾反而是留意到他個副結實肌肉嘅身材，據知不少監製爭住呢個「搶手貨」，因為貪佢睇得又talk得，其後他亦被傳媒「起低」指是低調富二代！
第九位：朱鑑然（29歲）
同樣都是前香港游泳代表隊成員及「29+1」的朱鑑然（Kevin），擁有陽光外表的他早幾年曾參演《破風》，仲被不少網友指驟眼望落佢有幾分似台灣男神彭于晏。前年在電影《骨妹》中飾演台灣純情男陳忠，令不少吸引觀眾目光。其後他亦出演了網劇《無間道》飾演古惑仔洛威，近期仲同古天樂及劉青雲合拍《明日戰記》，可以話係前途一片光明！
第八位：林耀聲 （29歲）
「17歲那日不要臉參加了挑戰」的林耀聲就陪朋友一齊為電影由麥曦茵執導的《烈日當空》casting，唔知係咪因為靚仔的外貌意外成為了電影男主角。其後為陳奕迅的《張氏情歌》拍攝MV，成功引起網友留意，仲成為「同志界男神」！不過，令他成功彈起的一定是電影《點五步》，戲中飾演十分熱愛棒球的阿龍，劇情深入民心。BTW他亦早已封盤，與女友張沛樂（沙律）感情穩定，仲有意在2年後結婚！
第七位：郭子豪 （27歲）
去年憑《親親我好媽》中飾演「籃球王子」連國佳的郭子豪(Arnold)，靚仔大隻唔洗講，仲要畢業於全球十大名牌學府Imperial College London，btw有網友留意到原來Arnold屋企好有錢，紛紛大讚呢個Package夠晒好。但最威嘅一定係佢21歲嗰年回港做兼職model，卻被星探發掘成為美國品牌A&F的首位亞洲代言人。
第六位：莫竣名 （25歲）
去年憑日本麒麟啤酒廣告而爆紅，兼有「梁朝偉、金城武混合體」之稱的莫竣名（louis），今年25歲。畢業於中文大學數學系已不在話下，他更擁有小提琴8級資格。去年他參加ViuTV探靈節目《入住請敲門》時經常不顧形象狂爆粗，被網友大讚夠貼地。可惜他已名草有主，女友是中大的同學。
第五位：麥凱程（25歲）
前年參加《香港先生選舉》的麥凱程Alex，自細在法國長大嘅佢，講得一口流利的法文。雖然他擁有八舊腹肌及狂野紋身，很可惜在《香港先生選舉》十強止步，未獲任何獎項，但之後加入TVB後則獲得不少演出機會。最近他更與梁芷珮一齊主持《法國潮什麼》，相信之後有好多節目都會見到佢嘅蹤影！
第四位：伍富橋 （24歲）
2014年伍富橋參加TVB舉辦的《超級巨聲4》，雖然最終只拎到第十二名，2年後加盟星夢娛樂，2017年亦推出首支派台歌《我怎會如此》，正式做歌手。同時他亦是TVB娛樂新聞台主播，更做埋旅遊節目《3日2夜》主持。
第三位：周家洛 （23歲）
如果只聽到「周家洛」呢個名大家可能覺得陌生，但如果講佢係《開心速遞》嘅安仔。你一定即刻知佢係邊位， 2015年當年只有20歲嘅佢係澳洲留學後就回入讀TVB藝訓班。之前曾透露過當初入行是因為見到馬國明為2015演員招募班宣傳片，所以就試下，只係實習咗3個月就正式成為TVB藝人。
第二位：吳偉豪 (20歲)
17歲入讀藝員訓練班，今年才20歲的吳偉豪，真係名符其實嘅小鮮肉。短短3年他形象已經十分入屋，因為他前年在處境劇《八時入席》飾演King sir個孫禾仔。當年他因為熱愛演戲，所以決定唔讀大學讀完中六就加入TVB。從小讀國際學校嘅吳偉豪，講英文多過講中文，他為此亦下了不少苦功，仲話每次攞到劇本，都會對住塊鏡不停做，所以你話在演藝圈生存真係唔容易！
第一位：丁子朗 （21歲）
前年參加《香港先生選舉》獲得亞軍及最上鏡先生的丁子朗(Karl)，點解會揀佢做第一位呢？首先他獲選後已有唔少工作機會，好似係主持、拍劇等等。而佢有一顆少女心，就係好鍾意粉紅色，要知道呢隻色唔係個個都carry到，而Karl就試過係公開場合穿搭粉紅色衣服。有一副好body嘅佢原來當年讀大學時，受到大隻宿舍室友影響，被室友迫做Gym，慢慢變成習慣，相信去到呢度Karl應該要多謝佢室友先係。btw真心睇好丁子朗之後10年嘅星途一片光明！