「細女姐」任冰兒出殯 戲行後輩哀傷道別 粵劇名伶 #任冰兒 上月底睡夢中離世,享壽91歲。家人25號為「細女姐」舉行喪禮,26號大殮後出殯。繼設靈當日大批梨園後輩到場致哀之後,呢日一班後輩亦都再先後到場,向有「二幫王」稱號嘅細女姐作最後道別。 公祭儀式一早舉行,靈柩出殯後隨即奉移火化。細女姐多年嚟一直為戲行後輩指導,而 #謝雪心 亦話一直受到對方教誨,台上台下都到唔少栽培。心姐最後一次同細女姐見面係對方嘅大壽,雖然如今天人永隔,不過仍然希望細女姐可以同師父 #任劍輝 再聚呀。 #任冰兒 #二幫王 #細女姐 #出殯