大家好啊，我係車仔Carson，上次同大家講過百鬼夜行嘅故事同起源，唔知你哋知唔知道，其實百鬼夜行入面都有個首領，可能你地都聽過，因為好多電影、劇集同埋遊戲都有提過呢個人，佢就係酒吞童子喇。
酒吞童子係日本古代傳說入面嘅妖王，平安時期鬼族嘅首領，又稱「酒天（顛）童子」或者「朱吞童子」、大江山之鬼等等，後嚟民間仲封佢為三大妖王之一，三大妖王包括「酒吞童子、玉藻前同埋大天狗」。
酒吞童子嘅故事有好多版本，最廣為人知嘅就係愛情嘅版本。
傳說酒吞童子係日本蒲原郡沙子塚村嘅人，佢嗰個屋企至今都仲係度。酒吞童子係個天生嘅靚仔少年，本身叫外道丸，佢爸爸叫否瀨善次兵衛俊兼，相傳係佢爸爸去左戶隱山九頭龍神社現求子之後，懷胎十六個月所生。童子以前喺和納嘅楞嚴寺學習讀書寫字，之後喺國上寺做侍童。呢段時間佢一直係個行為好端正嘅少年，所以好多女仔都好鍾意佢，寫咗好多情書俾佢，不過佢只係享受到被崇拜嘅感覺，對所有追求佢嘅人都一一拒絕，曾經有好多愛佢嘅女仔最後因為被佢拒絕咗好多次而抑鬱到自殺，佢地嘅靈魂就一直跟住外道丸，令外道丸漸漸有啲負面情緒同埋怨念。有一日，佢忍唔住呢啲怨念嘅折磨，就將所有情書一齊燒毀，火越燒越大，整個大宅都係濃煙包圍，結果外道丸被煙焗死咗之後，望到自己個肉身被自殺女仔嘅怨靈圍住，仲不斷嘲笑住佢嘅屍體。外道丸好憤怒，大喊一聲之後，所有嘅怨念一下子湧入外道丸嘅屍體，最終佢就化身成為妖王酒吞童子，佢有靚仔童顏嘅外貌，身高6.66米，皮膚血紅，有尖牙利爪
佢成為妖王果段時間，帶領住一班妖魔鬼怪周圍攪事，因為鍾意飲酒，大家稱佢做酒吞童子。酒吞童子同佢嘅勢力活動範圍係丹波國大江山，所以佢亦有被稱為大江山之鬼。大江山喺京都府福知山市天田、加佐同埋與謝三郡嘅交界處，海拔約833米。相傳佢專門以婦女同細路嘅血肉為食，好擅長誘惑處女，仲會割咗女人嘅乳房黎食。有一日，武士源賴光趁住酒吞童子喺酒席上被「神便鬼毒酒」灌醉嘅時候，用斬鬼太刀「安綱」斬咗佢個頭，仲用星兜甲封印佢，所以斬首酒吞童子嘅太刀而家更加叫做「童子切安綱」。依把刀而家係日本國寶級文物，喺東京國立博物館度收藏住。
酒吞童子被斬咗嘅首級，而家係喺日本京都嘅老坂嶺首冢大明神社度供奉住，喺鳥居嘅深處有一座社殿，後面據講就埋咗酒吞童子斷首嘅首塚。相傳酒吞童子喺被源賴光砍首之前，發誓會幫瀕死嘅人治療「頸以上」嘅病症，所以後來嘅人就將佢嘅頭顱當作吉祥物去祭祀佢。
以上就係妖王酒吞童子嘅介紹，我會繼續製作多啲有趣嘅故事俾大家睇。如果你都鍾意我嘅頻道，希望你地可以俾個讚好我，支持一下我，仲希望你地可以分享同訂閱我嘅頻道，多謝！下次見！
------------------------------------------------------------------------------------
✓請Like、訂閱我的頻道，第一時間收看到最新的視頻！
✓不要忘記發表評論！
✓希望你們喜歡視頻：）
如果你也喜歡我的頻道，記得Like & subscribe
------------------------------------------------------------------------------------
◎Instagram: http://instagram.com/Car.son.yt#
◎Facebook: https://www.facebook.com/carson.yt
我會繼續為大家製作更多影片，你的山讚好及訂閱就是我的創作動力，如果你有更好的題材想我製作，歡迎你留言告訴我唷
------------------------------------------------------------------------------------
周永恆丨香港渣男歌手丨人渣事件簿丨廣東話懶人包
NONO 陳宣裕丨事業生涯開始與結束
華航空遇難者靈異錄音聲帶丨恐怖錄音
-~-~~-~~~-~~-~-
-~-~~-~~~-~~-~-
Like
Comment
Share