【抽唔抽好？】京東物流(2618)招股confirmed！今日(17日)起至星期五(5月21日)招股，一手100股，入場費4,379.7元。

呢排科網股氣氛仲未回暖，京東物流阿媽京東集團(9618)，今日仍然要逆市下跌2%，喺八個幾月低位徘徊；另一個仔京東健康(6618)稍為好少少，喺個半月低位反彈2%。咁京東物流究竟抽唔抽好？

黃偉豪Ravi話，可以抽，但要量力而為！最好睇多幾日，如果招股反應好熱烈，到時至入飛抽孖展都未遲。

Ravi話京東物流基本因素唔差，遲啲又有入指數憧憬，而且又無乜政策風險，所以都睇好長線前景，但係相信短線難炒作，因為而家市況唔就，大家對新股熱情又減退。如果首掛當日市況繼續弱，股價偏軟都唔出奇。

唐牛上星期五喺我咃節目都話，京東物流咁大隻，掛牌後未必有本事升好多，炒作味道唔大，反而可以睇吓佢會唔會帶動大市旺返啲，或者炒吓其他物流股嘅影子概念仲好喎。

#京東物流 #IPO #唐牛 #黃偉豪 #aastocks

No photo description available.