林文龍向無綫借麥明詩拍網劇：我哋旗下冇藝人

藝人林文龍以亞洲心動娛樂（AMM）副總裁身份，出席網劇《逐流時代》開鏡拜神，透露花了半年時間籌備，問到是否親自致電無綫高層樂易玲「暫借」麥明詩？他說：「係我打畀佢，因為麥明詩係佢哋嘅人，佢哋都好快放期。（係咪佢再畀埋其他新人拍套劇？）唔知，我淨係打畀佢借麥明詩，之後就交畀戚其義公司傾，咁無綫係會有啲提議，都要Fit番角色同套劇嘅，我哋都需要人用。」

他更指由於旗下沒有藝人，所以之後的綜藝節目及劇集，需要不同平台藝人幫忙，所以有了今次經驗，稍後也會開放向外借人，問到該劇會否賣給無綫播放？他說：「應該放喺公司個App度播，但未計劃幾時播，下一套劇應該要等出年先開。」