藉住年最後一日，站站食回顧過去一年食過既所有野，都好想揀番間覺得最值得再推介多次既餐廳，而揀呢間既準則，除咗站站食覺得好食之外，亦會以環境、服務、價錢、同成個餐飲體驗 做一個量度準則，事不宜遲，繼續睇落去啦～

-

同類型搜尋: #hkfs好去處

-

<<<<以下排名不分先後>>>>

第 間: Akoya (居酒屋/日本菜）

人均: $200 - 400 (中價位)

推介原因：性價比高，每款菜式都有水準，價錢合理，係好適合三五知己飲下酒，吹下水既好地方！

必點推介：明太子煎蛋卷| 雞湯卡邦尼拌烏冬| 明太子炭火牛油燒飯團| 自家製雞蛋布丁

-

第 間: Cielos (意大利菜/薄餅)

人均: $200 - 400 (中價位)

推介原因：大部分人可能會覺得新鮮黑松露既菜式會比較貴，但係呢間既黑松露菜式好食之如，松露份量都好足，而價錢又比較合理同Affordable，所以真係幾值得推介～ 加上由意大利人家族式經營，店主幾熱情好客，雖然環境裝修唔算好華麗，但卻能感受到地道正宗意式風情！

必點推介：意式烤麵包配蘑菇, 黑松露 | 意式火腿, 水牛芝士, 松露醬披薩 | 芝士松露薯糰

-

第 間: 鮨美澄 (Omakese)

人均: 晚市 $1680/p.p (高價位)

推介原因：今年食過幾間 Omakese，我覺得最高質，Presentation又最用心同有誠意既就係鮨美澄，佢地料理採用美容水之稱既鹿兒島温泉水99製作，並用上北海道七星米和夢美人兩種米黎煮壽司，全餐亦有齊蠔、鮑魚、海膽、蟹，整體性價比高，值得回訪！

必點推介：仙鳳趾蠔| 磯煮鮑魚| 燒玉子| 飄雪中拖羅| 松葉蟹肉蟹膏

-

第 間: FRITES Belgium on Tap (比利時菜)

人均: $250 - 400 (中價位)

推介原因：Frites 既忠實粉絲！前前後後食過4次Frites，每次都係係一個充滿快樂、熱鬧有氣氛既環境度過，而且都唔會令人失望～佢地既食物份量足，味道出色，而且每日都有唔同既超值Speacial Dish提供，好適合情侶，一大班人黎食飯飲酒！

必點推介： Baby Back Ribs| Mussels| Steak & Frites| Chicken Cushion

-

Cafe 係兩年特別盛行，無講食物同打卡，都想介紹番間自己較有深刻印象，覺得值得回訪既餐廳比大家～

-

第 間: Duet Cuts & Cups (Cafe)

人均: $100 - 200 (低價位)

推介原因：環境暗黑簡潔，沒有太多花巧，但食物質素同性價比確實高質，係小數讓人難忘既cafe店！

必點推介: 壽喜燒牛肉意粉| 泰式豬頸肉意大利軟包| 威士忌忌廉千層窩夫

-

總結: 希望新一年，會嘗試帶到更多多元化既Post 比大家，唔會局限於食物方面，但分享好去處，生活化既一面比大家！另外亦好多謝大家對站站食既支持，如果你睇到呢度既話，不妨留言話我知，新一年想站站食介紹D咩呀～Thank You！

———————————————————