【乾衣機邊隻好？】乾衣機常見 4 種類+消委會教你 3 個乾衣機選購小貼士
香港天氣潮濕要乾衣非常困難，乾衣機是不錯的選擇。它效能超越有乾衣功能的洗衣機和浴室寶，近期還推出迷你乾衣機，小型乾衣機等。電動和媒氣乾衣機，當中原理也有分 3 個種類，排氣式、冷凝式、熱泵式。究意乾衣機邊隻好？有沒有乾衣機推薦？消委提出了3個選購要點，讓裝修學院告訴你！
排氣式乾衣機
排氣式乾衣機係結構最簡單，最傳統嘅機款，透過抽入空氣並於滾筒內加熱＞吸收衣物濕氣後，排氣管將多餘熱氣同濕氣（部份型號專設排風位作散熱用，毋須額外安裝散熱喉管）排出室外，並留下乾燥的空氣繼續乾衣。排氣式好處係價格較經濟，選擇多，缺點係需要預留空間以安置排氣管（如不把蒸氣導出室外，室內會變熱及潮濕）。
冷凝式乾衣機
冷凝式乾衣機同樣會抽入室內的空氣並於滾筒內加熱，分別係多咗個有凍水流動嘅冷凝器，因此蒸氣不需要排出機外，而係經由冷凝器凝結變成水分，然後流到儲水箱中（部份型號則經排水喉排出），使用後可清埋儲水箱。好處係安裝較簡單，唔駛整排氣喉。壞處係乾衣過程會稍為提升室內溫度、耗水較多，價格比排氣式乾衣機貴一點。
熱泵式乾衣機
熱泵式乾衣機可以話係冷凝式嘅升級版，所以亦叫做熱泵冷凝式乾衣機。佢嘅熱泵系統可以回收乾衣過程中所產生嘅熱能，從而達到更高嘅烘乾同除濕效能。熱泵式嘅乾衣效果好、耗電量低，亦唔會令到周圍嘅空間變得太熱。缺點係價錢比較貴。
煤氣乾衣機 Ｘ 電動乾衣機
市面上多數都係電動乾衣機，安裝同使用都比較方便。乾衣效能：兩者並無分別，不過煤氣乾衣機需接駁煤氣喉同排氣喉，以將蒸氣排出室外，而且使用時需要開窗保持室內空氣流通。
購買乾衣機前必須考慮嘅3個要點
消費者選購乾衣機前需要注意啲乜？以下有消委者嘅建議：
選購考慮 1 ：乾衣機體積
香港居住空間有限，所以可考慮選擇一啲有洗衣同乾衣功能嘅二合一機款，或者揀掛牆或架疊款式，減少佔用空間。
選購考慮 2 ：乾衣機容量
同洗衣機一樣，乾衣機都其容量限制，建議選擇同洗衣機有同等容量嘅乾衣機，或者按家庭人數計算。一般而言，1人可選擇3kg、2-4人可選擇6-8kg、5人或以上可選擇9kg或以上容量。
選購考慮 3 ：耗電量
如果買耗電量較高嘅電動排氣式乾衣機，不妨考慮用滾筒較大嘅款式，耗電較少之餘亦能減少衣物起皺。
另一方面，配備濕度／溫度感應器嘅機款，都可以節省電力消耗。亦可留意／參考由機電工程署發出嘅電動乾衣機自願性能源效益標籤。
想了解更多有關電器的資訊，請瀏覽裝修網誌：
