大渣哥茶記

營業中

休息中

去大昌行整車，中途周圍行下，途經見到呢間大渣哥，聽過屋企人講話味道唔錯，所以就入去試吓。座位雖然密咗少少，但係枱與枱之間都有膠板隔開。去茶餐廳食嘢當然想試吓鑊氣，於是我哋叫咗乾炒牛河同肉絲炒麵。飲品方面，就叫咗熱奶茶同熱檸茶。肉絲炒麵嘅面底炒得好脆，好多肉絲同芽菜，我好鍾意。乾炒牛河好有鑊氣，不過我有啲貪心，如果牛肉可以再多少少就更加好。奶茶好滑，令人飲得好舒服，不過茶味可以再濃啲。熱檸茶不過不失，正常茶餐廳水準。埋單大約$130，價錢中規中矩，不過味道確實唔錯，物有所值。

𝒞𝒽𝒾𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝑜𝓌𝓁𝑜𝑜𝓃 𝐵𝒶𝓎大渣哥成日都好多人排隊，但 𝘋 店員勁貼心，好曬同落雨既時候都會準備埋遮比食客。雖然係茶記，但我覺得佢既食物一 𝘋 都唔馬夫，同埋幾好食。🌟豬扒米粉配蕃茄雜菜濃湯 ($50)常餐上菜既速度超級快，佢既豬扒超大塊，雖然叫左少米粉但仍然係超級多。雜菜湯底其實係濃版既羅宋湯，但係要好快食晒。如果唔係 𝘋 米粉會吸晒 𝘋 湯。另外既丹麥包幾有層次同埋查左牛油幾好味。炒蛋非常滑，次次食大渣哥都食佢既常餐。🌟銀芽肉絲炒面可能係即整既關係等左耐少少，面底炸得夠脆，個汁有芽菜、肉絲、韭黃、菇等等，尤其係𝘋 菇真係好鬼香，食落唔乾又脆好正。所以都朋友都好鐘意呢個。📍大渣哥茶記𝗖𝗮𝗳𝗲 𝗱𝗲 𝗝𝗮𝗿𝗚𝗼𝗿九龍灣常悅道21號𝘛𝘩𝘦 𝘌𝘢𝘴𝘵𝘮𝘢𝘳𝘬地舖

次次路過都大排長龍，今日襯仲未到食飯時間冇人排隊就緊係衝入去試啦但早食嘅唔好處就係唔太肚餓所以簡單點左個叫黑牛黑麵嘅茶餐先上炒蛋火腿+丹麥麵包，麵包個texture同牛角包好似而家一上已經塗好牛油十分靚仔炒蛋好嫩滑而且有蛋味，又唔會成碟都係油，絕對係高分之作冰咖啡送黎已經會心微笑左一下因為佢係茶記咖啡之中最正嗰種：睇到咖啡同奶嘅分層，面頭再加少少咖啡粉上去，呢個造法保證香濃好飲嘅主角黑牛黑麵，其實就係沙嗲牛麵，但同出面啲沙嗲牛麵絕對唔同，呢隻係好濃好有顆粒感嘅沙嗲，真係用足料整嗰隻尤其是個牛肉嘅份量，十足十返左20年前嘅茶記咁，撈到成個湯啡晒仲有凸，味道當然唔洗講啦你話55蚊連凍飲嘅茶餐係咪貴？單純價錢計係嘅，但大渣哥比返55蚊嘅料你。你問我會唔會翻啅？一定會

平日夜晚黎到九龍灣大渣哥都係人山人海 認真熱鬧💛第一次食💛黑牛黑麵($52)姐係沙嗲🐮麵🍜跟餐仲有丹麥多士+炒蛋✨全日供應 岀奇地覺得不錯🌟好多牛肉之餘 沙嗲汁好有花生醬味‼️又唔會太鹹 撈埋啲湯食一流🥰個麵又唔會煮到好林 沙嗲🐮雖然係好普通但煮得好食都要有功夫👍🏻但個炒蛋就麻麻地🧐無蛋味又炒得耐過頭🧐野菌松露汁焗魚柳飯($66)食得岀有黑松露味👍🏻炒飯底啲飯夠乾身 夠曬飽✨✨✨會encore試其他菜式😎支持香港人既餐廳💛💛為食指數: 3.5/5性價比指數: 3.5/5推介指數:3.5/5

今晚係7月8號收咗工大概6:30左右我就嚟到大渣哥，試吓佢嘅晚餐入到去侍應我哋坐喺二人枱嘅位置，睇吓Menu我就想試吓佢嘅XO醬叉燒蔥花蛋飯，可以一杯嘢飲係免費嘅嘢飲嘅話咁我嗌左杯熱檸水，而我朋友嗌左個馬來炒貴叼，配熱西洋菜蜜都係免費嘅，咁呢第一樣嚟咗先就係我嘅叉燒飯啦一試真係好難忘，係我咁多年以來食過最好味嘅叉燒蛋飯仲有佢跟咗一支特配嘅豉油汁，膠咗的時候執咗撈埋啲XO醬同埋佢嘅但係滑到好似皮膚咁滑好似塊面咁滑，真係好好味我相信我會再嚟食多好多好多次，而我朋友個炒貴叼相對走辣咗少少，我俾咗一碗我朋友試過叉燒飯佢都話好好味好特別，今晚大滿足

最喜歡早餐去大渣哥只食呢個黑牛黑麵餐。上次嚟食已經係一年前，今次嚟食竟然唔使查身分證！？記得以前連早餐都要排隊，可能熱潮已經過咗，可以即刻入座。由於本人唔食公仔麵嘅所以將佢轉咗做米粉，配炒蛋丹麥多士熱奶茶，係香港人嘅經典早餐！大渣哥嘅沙嗲汁非常濃郁，牛肉醃得好入味，亦食得出好新鮮因為好淋，米粉都好爽好幼身，又大碗，加埋真係Per肥池！丹麥多士整塊充滿牛油香味，烘到脆卜卜，炒蛋又滑，應該加咗牛油炒，食完真係要落街跑返10個圈先得。奶茶有茶餐廳嘅正宗味道。雖然一個常餐來講$52有啲貴，但係物有所值，會繼續做黑牛黑麵嘅fans！

難得去到九龍灣，冇理由唔去支持大渣哥嘅，大渣哥餐廳好多年輕人，樓面相當多人手，招呼客人嘅速度拍得住澳牛呀，選咗一個幻彩詠西多$36，當然要食最原始嘅原味啦，另外再選左一個黑牛黑面$52，西多超級厚身，而且係即叫即製，呢啲真係茶餐廳先食到，大型連鎖快餐店嘅西多士又乾又扁又細件，入邊嘅花生醬仲要超級無敵少，呢度嘅份量足之餘仲成樽糖漿比你自己倒，咁先似樣㗎嘛，沙嗲牛肉麵牛肉好多個沙嗲汁好食，個面又唔會淋晒啱啱好，我鍾意佢嘅餐係配丹麥酥夠晒特別

位於九龍灣既大渣哥位於商場地鋪，附近都係工廠區比較多，而門口都係長期有人排隊既，而今次都排左接近20分鐘先可以入座～而係九龍灣既呢間分店位置相當多，店鋪亦大，而餐牌上既選擇同茶記既差唔多，都係以碟頭飯為主，但每款食物都會改左做唔同既名，感覺上都幾新鮮👍🏻而今次就叫左一份大渣哥炒飯試吓佢啦～大渣哥炒飯（$73）呢個價錢係比起一般既茶餐廳黎講係比較貴既，但份量都算正常水平，其實大渣哥炒飯就係類似揚州炒飯果類，有蝦仁，叉燒，火腿等等。而食落個味道都算唔錯，調味方面都幾好，而炒飯最忌啲飯痴埋一舊，但呢度就做到飯粒顆顆分明，炒得亦夠乾身👍🏻面頭既瑤柱碎亦可以為個飯調一調味，做得相當唔錯👍🏻總結嚟講呢度價錢雖然比較貴左小小，但食物既質素都算高質，係可以過嚟一試既店舖👍🏻👍🏻

小編本住支持既心態去食大渣哥茶記。當然並沒有令人失望，仲有驚喜！入去之前店員會先幫顧客量體溫同檢查身分證。圖一// 咖哩吉列豬扒飯 $66🍛上枱一刻，我真係嚇親阿！！！豬扒好大塊！！而且係新鮮炸出黎。同碟飯真係份量好多，好岩對食量比較大既人食咖哩方面，有咖哩味之餘，仲有少少辣，岩哂我愛辣之人。非常滿意！！😋圖二// 滑蛋鮮牛肉飯 $65相比起上面既吉列豬，這個鮮牛飯無咩特別。不過牛肉好嫩質，只係可能咖哩吉列豬扒飯太驚喜！圖三// 暴龍美祿🦖(特飲+$6) 凍奶茶(凍飲+$3)回頭率極高！！！！更可況大渣哥係黃店💛 下次再為大家介紹其他推介食物，想試下茶餐廳馳名茶餐，而大渣哥名為既——黑牛黑麵

之前夜晚禁堂食，九龍灣工業區無咩邊間有外賣，就去大渣哥去睇下。咁岩買得多就會有7折，就順便買埋屋企人餐飯，點左鮮茄焗豬扒飯（$69，7折後$48，跟熱檸水）、咖哩吉列魚柳飯（$71，7折後$50，跟熱檸水）、焗黑椒雞扒飯（$69，7折後$48，跟熱檸水）。太肚餓，其他人食得太快唔記得影焗黑椒雞扒飯，屋企人食鮮茄焗豬扒飯話正正常常。咖哩吉列魚柳飯外賣嘅汁同飯分開，份量比想像中多，魚柳偏薄但有兩大片，炸得非常香脆，米飯意外地煲得幾香，外賣凍左少少都唔會太難食。咖喱少辣，但撈左好耐只得一塊薯仔，有D可惜。

每次食渣哥都食佢嘅自由西餐，因為薯條係超級多，成個碟嘅底都鋪滿薯條，但就係普通冷藏嘅薯條，感都冇乜可以評論，但份量的確值得一讚，另外佢地嘅牛好有牛味，口感就不過不失，有次就真係好韌，頂唔緊還左塊，普遍水準唔錯

這家店味道真的ok，滑蛋叉燒，滑蛋xo醬味道很好，但是叉燒差一點，有點不夠Q彈，不好吃，但是整體味道唔錯的。美祿恐龍好飲，味道幾濃郁，咖哩豬排飯也都酥脆可口！！

週末又再外出懲罰黃店，今次食下午茶就唔使等位，填好資料同量完溫度即可入座。店員好快就幫我哋落好單，上食物速度都好快。黑牛黑麵 $52黑牛黑麵係全日供應嘅，可以揀公仔麵丶通粉或米線，隨餐會有埋丹麥多士，炒蛋/煎蛋及火腿。多士表面烘到脆脆地，而且好香牛油味。炒蛋就炒得比較熟，味道都偏淡。收嗲（沙嗲）鮮牛肉公仔麵嘅牛肉都唔少，而且肉質幾嫩滑，沙嗲汁好多，味道好濃郁，公仔麵軟硬度適中。整體來講，食物質素都屬中上，下次會想再試埋其他食物，再嚟支持呢間香港人的茶餐廳。

今日走左去香港人既飯堂 果然好地道🤪呢度冇打卡既裝潢 冇精美既擺盤但卻有一份人情味 係本土既味道🇭🇰去到夜晚9點幾 依然仲有好多人入黎😲大家都會覺得 寧願食快少少 都要支持一下渣哥🤣不過渣哥真係驚大家會餓親😳碟碟都大大碟 連碗飯都大過人 直頭可以分兩餐🤭食過先知佢唔係只得名氣 d小炒都真係幾好食👍🏼-🔸 蜜桃生炒骨 我地見到隔離枱食呢味生炒骨 覺得好似好正咁🤤於是我地都打算試下呢個作為茶記唔應該失手既小炒🤔淨係睇相 都見到有成十幾粒生炒骨 唔係配菜多過乜😲唔係粒粒肥膏得個樣 而係粒粒都有咬口👍🏼酸甜度適中 仲有大大舊既蜜桃配搭🍑正呀😍-🔸 椒鹽鮮魷 又係茶記既另一作品 好睇師傅有冇做好撲粉呢一part🤔呢度既椒鹽鮮魷撲粉就做得好 所以炸得好鬆脆🦑亦都唔會有食緊一堆粉團既感覺 呢點好重要😌而佢既椒鹽味都處理得好好 唔會過鹹同過辣🤤不過個鮮魷就稍為有少少韌 但又唔係舊舊都係咁可能係某d部為問題 但總括黎講都好好食🤣-🧸🌞C.ookingbear推介指數 👉🏼👉🏼8️⃣🌟

小編其實比較少去九龍灣但想食大渣哥好耐好耐😭所以放工即刻衝左入去食📍西多士（$ 30）本身諗住試幻彩詠西多點知原來好似下午茶先有好sad😭不過西多黎到依然好高質超級厚 外脆內軟 滿滿嘅蛋味😋面頭有半溶牛油，入面都夾住大量嘅花生醬加埋糖漿成件事真係太邪惡!‼️間唔中食一次都覺得好幸福📍柯Day壁佛士（$ 76）小編見到個名就已經好想笑🤣🤣呢個餐都好多配料小編就揀咗雞扒同炒蛋〜另外再跟法蘭克福腸，煙肉，丹麥多士，薯餅同沙律成個早餐出到嚟好豐盛顏色好繽紛😍真係見到都流曬口水🤤法蘭克福腸長到成隻碟咁〜丹麥多士好好食 夠熱最推係個著餅 炸到金黃色好脆😎如果大家咩都想試 不妨建議大家試下呢個餐～📍野菌松露汁焗魚柳飯（$ 66）呢個飯喺運送途中已經聞到勁重嘅松露味👍🏻份量超級多 而且有足夠既松露汁基本上每一啖飯都可以食到😈真係色香味俱全！ 魚柳亦都有3-4舊 質感偏軟意外地同松露汁都幾夾再加埋啲野菌真係good good啊🤩不過呢個醬汁食得多都會有啲膩建議兩個人share 🤪——————————————————————味道：8/10抵食：8/10環境：8/10