【2022中秋】送禮之選中秋禮盒推介 3D立體元素

中秋仲有個零星期就到啦，想向長輩或朋友傳遞心意但仲未揀啱禮物？幫緊你幫緊你～今期介紹7大中秋禮盒畀大家，有好食月餅之餘包裝仲好精緻，送禮夠晒得體！

「喚月鯨辰」中秋典藏禮盒青鳥旅行

台灣知名蛋捲品牌今年都有推出中秋禮盒，禮盒以喚醒月亮，世界就會很不一樣為主題。中秋典藏禮盒包含8種口味，包括經典口味及同春水堂聯乘推出嘅珍珠奶茶蛋捲。包裝更加入互動元素，禮盒包含月光骰子、預言轉盤同喚月之書，可以喺月圓之下搵到你嘅專屬預言～

New Moon Hamper 精裝節慶禮籃 Dalloyau

法國皇室糕點品牌，今個中秋推出全新PARIS MOON月餅禮盒及精選禮籃。New Moon Hamper精裝節慶禮籃送禮最啱，包括月餅禮盒、榛子朱古力禮盒、DALLOYAU香檳、法式杏仁千層酥及罐裝茶葉，好豐富。食完月餅想配茶定配酒都冇問題。

橘橙色絲絹禮盒 Cova

呢間意大利米蘭著名品牌推出嘅禮盒都好吸睛！如一系列橘橙色嘅絲絹禮盒；每盒都有經典味道月餅及來自米蘭入口嘅金磚榛子朱古力。米蘭之秋月餅禮盒以燙金勾畫出月夜下嘅米蘭大教堂Duomo di Milano及品牌米蘭總店，好有氣派。款款月餅禮盒都揉合東方味道及歐洲文藝色彩，令大家彷如置身米蘭一樣。

花好月圓中秋節禮盒 Bombshell x 國金軒

人氣創意藝術糕餅店同國金軒聯乘推出限量版花好月圓中秋節禮盒，集合咗3D立體元素同匠心技藝，以可愛玉兔同優雅蓮花為設計概念，外層為牛奶朱古力，內有以星星月亮造型製作而成嘅小點。寶盒更內藏國金軒人氣8件裝迷奶皇月餅，記得要3日前預訂呀。

中秋至尊套裝禮盒 Duddell's

想送得豪華啲，呢款中秋至尊套裝禮盒就啱晒！入面包括皇牌流心奶黃月餅禮盒、五頭南非鮑魚配都爹利秘製鮑魚汁、香脆合桃酥、都爹利秘製X.O.醬、`R` de Ruinart Reims N.V. 香檳及福茗堂2017年小白茶禮盒，夠晒得體，送畀長輩就至啱。

茗茶月餅禮盒 Fortnum & Mason

唔鍾意食太甜嘅，可以試下呢個茗茶月餅禮盒。以精緻圖案演繹嫦娥奔月嘅神話傳説，奢華感十足。禮盒內包含6個Fortnum’s自家混合茶製作嘅奶黃月餅，包括伯爵紅茶、抹茶以及全新登場嘅皇家紅茶月餅，款款茶味都好香濃，相對上冇咁膩。

一樣係好啱送畀長輩嘅中秋禮物籃～禮盒包裝以湖水綠為主題，包括經典月餅禮盒、北海道元貝、日本香菇、 6頭鮑魚、「玉」XO醬、旺來酥、香辣銀魚仔花生、脆炸蝦條、精選香檳及經典熟成普洱茶餅，收到嘅人實好窩心。而且佢哋仲會將月餅部分收益捐贈予本地慈善機構「母親的抉擇」，同有需要嘅人一齊分享節日溫暖。

文: Yanica