5
8
3
港鐵朗屏站 D 出口, 步行約7分鐘
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
大熱天時，一心諗住食碗越南撈檬做晚餐，因為唔熟附近，就貪方便明知越棧一般都照入去。坐低叫撈檬，被阿姐告知冇撈檬，我頓時打算起身走人，但阿姐話：有金邊粉、河粉。Ok... 咁撈河啦。點知阿姐上演麥兜對話咁：得湯河喎。What？唔好講咁多喇，咁我撈金邊粉啦。碗嘢黎到我一食，我的天，係熱嘅！我一心就係怕熱所以想食越南撈檬清爽一下，結果黎左碗熱嘢，不特止，熱嘅撈金邊粉食落，就好似走左湯嘅湯粉咁！我頂唔順，同番阿姐講：我真係未食過熱嘅越式撈粉，咁樣你不如俾番個湯我啦。雖然阿姐肯攞番俾我，但都要串番我：咁啲麵煮熟俾你，緊係熱架啦，唔通俾生嘅你食咩？What？凍就代表生架喇？咁你本身啲撈檬係凍嘅咁上，即係果啲檬粉係生架？阿姐行開冇應我了。然後全程望望貢，但一知半解嘅經理行過，見我食法咁特別要夾番啲粉落湯度食，就同我講：你嗌撈麵係冇湯，係撈呢個食架嘛（指住果壺甜酸汁）。我話我知～不過我從來冇食過熱嘅越南撈粉啫！我問經理佢地平時嘅越南撈檬係凍定熱丫？佢唔想答架，但我唔罷休繼續追問佢，佢猶豫住咁答：好似唔會好熱嘅。喺我仲思考緊呢個係咩答案之際，佢再話：可能廚房今日整唔切...～咪係咯，事情就係你地廚房冇預備好材料，再不顧品質咁出餐俾客人。遇到客人反映，第一時間諗點串／點駁番佢。今次只怪自己貪方便，保證永遠唔會再幫襯你。
繼續閱讀
好耐冇幫襯過佢，黃雨行過又有位，係你喇！見佢有午餐，兩個人就各叫一款試下。《牛脷雙拼河 》$56我自己選咗拼香茅豬扒，改咗撈檬。牛脷切幼條容易入口，好軟好香。豬扒煎完唔硬，幾好，另外酸蘿蔔都好好味唔太酸。檬粉撈埋花生碎同乾蒜好香口。《牛腹肉豬扒河 》$54牛腹肉嫰口，豬扒亦都合格，湯唔會好咸，好香，中規中矩。兩個餐特飲+$12我地叫咗《椰汁三色冰》同《椰汁紅豆冰》兩杯冰同一般餐廳嘅分別係唔會太甜。三色冰入面有紅綠豆加珍多冰嘅綠色粉，甜啲會好飲啲。
繼續閱讀
晚上8:30左右去到，唔算好多人唔洗等，不斷都有人入下黎，又見佢要出外賣人手唔算多，呢個鐘數夠應付有餘蝦餅(轉湯金邊粉）牛湯，蝦餅一大塊切5件，炸得唔錯，好香口👍🏻😋金邊粉咬口岩岩好，份量都多，洋蔥真係超正。推薦👍🏻👍🏻👍🏻豬扒雞絲(湯河）轉雞湯，豬扒有幾件，味道唔差，咬感一般，雞絲份量都ok，河粉有d淋，雞湯感覺上清d+$8加津白，勁多👍🏻👍🏻👍🏻抵！椰汁冰都幾濃椰汁味，好飲👍🏻👍🏻👍🏻推薦！總結：越南餐廳唔太多，又唔算貴，口痕絕對可一試😋😋👍🏻缺點係只收現金或八達通
繼續閱讀
今日好熱，熱到有d中暑feel, 揹住沉重架餐都冇咩心機，所以冇刻意搵餐廳食，就諗住喺回程車站附近搵間野食算，瞥眼見到越棧，心諗應該唔差得去邊就試下.一入到去見到有好多位心諗會唔會中伏，不過難得有梳化卡位都算，因為真係好攰，最緊要有位放腳架同大背囊. 同朋友研究左一輪menu就決定order.朋友叫左鹹檸七+雜牛河，我叫左斑蘭青檸梳打+生熟牛河.冇咩心機所以冇影相，七喜和梳打都唔夠氣，而我嗰杯斑蘭味好奇怪，唔夾，好難飲，生熟牛河牛肉硬，河粉ok, 朋友的雜牛應該有d牛係ok, 但應該就唔會再嚟……
繼續閱讀
陪朋友想食越南菜，又醒唔起元朗仲有邊度有得食，只記得有呢間，之前佢喺元朗廣場都食過，味道都可以，搬咗嚟呢個位置就未幫襯過，所以就過來一試，不是太肚餓，所以叫多啲小食，1. 香茅串燒(雞串和豬串) : 味道較濃，肉較少，都可以2. 胡椒肉卷(半份-4件) : 唔太覺有胡椒味，皮薄較煙靭，內有辣椒，比較辣，一搬3. 扎肉蝦片 (半份-4件) : 這個加咗醬汁，咬落去有花生味，少少酸酸味，脆口，口感和味道不錯👍🏻4. 生牛肉金邊粉 : 味道中規中矩，食時要睇清楚，有冇異樣😖5. 珍多冰 : 一搬6. 玫瑰檸檬茶 : 感覺略甜，不過溶冰後，還可以😅服務態度，都可以，因為食金邊粉時，發覺有啲問題，即時向服務員查問，佢即時話重新煮過一碗俾我哋，我哋說不用，他便話這碗免費，更道歉，我們到柜檯付款時，其他職員都向我們道歉，甚至到了門外，見到個職員，佢都仍然對我們道歉。至於會否再幫襯，這個可能要過一陣子先啦。
繼續閱讀