自澳門開關後，吸引咗一班旅客出發快閃遊澳門！不少人會選擇以巴士或坐船方式去澳門，包括金巴、港澳一號、噴射飛航、金光飛航、金光飛航等。除咗以上常見交通方式外，大家或可以選擇豪華商務七人轎車點對點接送服務，方便俾一班朋友或一家大細出入境，即睇內文有詳盡介紹！
香港往返澳門常見交通方式比較
根據不同情況，大家可以按照自己所處嘅位置以及經濟情況選擇合適的往返澳門嘅交通工具，以價格來講，搭乘金巴是性價比最高嘅一種交通方式。
*更新自2023年2月
| 金巴 | 港澳快線 | 港澳一號 | 永東直巴 | 噴射飛航 | 金光飛航 | |
| 出發地 | 香港口岸 | 太子 | 佐敦 | 油麻地 | 上環港澳碼頭 | 上環港澳碼頭 |
| 目的地 | 澳門口岸 | 指定酒店門口 | 巴黎人、威尼斯人、金沙 | 港珠澳大橋口岸、巴黎人、威尼斯人、澳門皇冠假日酒店 | 氹仔客運碼頭 | 氹仔客運碼頭 |
| 車程 | 約40分鐘 | 約100分鐘 | 約110分鐘 | 約110分鐘 | 約55分鐘 | 約50分鐘 |
| 價錢 | $65 (日間) $70 (夜間) |
$160 $180 (夜間及公眾假期) |
$160 $180 (夜間及公眾假期) |
$160 $180 (六/日公眾假期) |
平日$175 六/日/公眾假期$190 夜航$220 |
平日$175 六/日/公眾假期$190 夜航$220 |
| 優點 |
鄰近機場、價格便宜 |
直達酒店門口 | 直達酒店門口 | 直達酒店門口 | 市區出發 | 市區出發 |
| 缺點 |
市區出發較麻煩、需頻繁專車 |
車程較長 | 車程較長 | 車程較長 | 不適合暈船人士 | 不適合暈船人士 |
如何搭乘交通前往澳門
海路—金光飛航：
金光飛航宣佈1月8日起，恢復上環港澳碼頭來往氹仔客運碼頭航線。3月17日起再新增班次，每日來回航班共24班。航程約50分鐘，成人單程平日$175，六/日及公眾假期$190，夜航$220。
▼金光飛航
海路—噴射飛航 (上環出發)
除咗金光飛航之外，仲有另一間公司提供海路前往澳門嘅服務，就係噴射飛航。應該係最為人熟悉嘅來往港澳方法之一。噴射飛航宣佈由1月8日起，將會率先開通上環港澳碼頭往來氹仔客運碼頭航線，並由2月16日起增加班次至32個日夜航班。船程約55分鐘，平日票價$175，星期六、日及公眾假期$190，夜航$220。
▼噴射飛航
海路—噴射飛航 (香港機場出發)
除咗由上環港澳碼頭出發之外，如選擇海路仲有另一條路線，就係由香港機場出發。位於香港國際機場嘅海天客運宣佈，2022年12月30日起恢復往來澳門氹仔客運碼頭航線，逢星期五及星期日，每日提供兩班來回海天客運碼頭及氹仔客運碼頭嘅快船服務，服務由噴射飛航提供。船程約70分鐘，須於兩天起於網上訂票，成人票價單程$270。
▼海天客運碼頭
陸路—港珠澳大橋穿梭巴士 (金巴)
俗稱「金巴」嘅港珠澳大橋穿梭巴士係比較平，而且24小時營運嘅交通方法。金巴由香港口岸出發，所以必須先自行乘搭交通工具前往香港口岸，或者到機場轉乘巴士至口岸。去到香港口岸後則可乘搭金巴前往澳門，車程大概40分鐘。抵達澳門口岸後就可以自由發揮，換乘其他交通方式去自己想去嘅地方啦！金巴車費成人日間$65，夜間 (凌晨12點至早上6點) $70。不過要留意呢個價錢未包括自行去香港口岸嘅交通費用，以及到達澳門後由澳門口岸出返市區嘅車費。
▼港珠澳大橋穿梭巴士 (金巴)
陸路—港澳快線
如果攜帶嘅行李比較多，或者唔想轉車嘅話，咁就坐港澳快線巴士啦！港澳快線宣布2022年12月24日起恢復營運，喺太子上車後直達澳門多間熱門酒店，包括銀河、威尼斯人、美獅美高梅、美高梅、金沙、新葡京。現時仲有「澳娛綜合」專線，由太子往返上葡京、新葡京及回力海立方。單程車程大概100分鐘。平日單程票價$160，星期六、日及公眾假期$180。
▼港澳快線
陸路—港澳一號
港澳一號於1月16日起正式復航，為穿梭港澳兩地的客人服務！為了提供高質素的過境巴士服務，港澳1號投放了整隊全新53座歐盟環保6型歐洲豪華旅遊單層巴士，統一的車隊顏色及花紋，令旅客對港澳1號有清晰的感觀，同時巴士內每個座位均配上USB充電裝置為手提電子產品充電，車上更配備免費WIFI滿足旅客需求。港澳一號由佐敦站往返澳門金沙、澳門威尼斯人及澳門巴黎人。單程車程大概110分鐘。平日早班單程票價$160，平日夜班、星期六、日及公眾假期$180。
金沙會員只須於「港澳一號佐敦店」出示有效的會員卡，即可免費換領車票！此優惠僅限指定會籍尊享，詳情請留意金沙會推廣之條款與細則。
▼港澳一號
陸路—香港至澳門 港珠澳大橋轎車接送服務
港珠澳大橋啟用後，穿梭香港、珠海、澳門三地的交通時間將銳減。現時亦有港澳私人專車接送服務，提供快捷點對點包車、無需換車直達香港或澳門。每輛車最多可坐乘客6人，單程九龍至澳門$2,800 起，適合家庭或團體一班朋友出遊最佳選擇。豪華車隊提供港澳兩地點對點接送 (包括機場接機服務)，所有司機經專業培訓並有多年駕駛經驗，確保旅程安全穩妥。車上更設有WIFI，並提供蒸餾水及當地的旅遊資料供客人使用。車輛每程會進行清潔，每天定期接受檢查和保養，包括進行臭氧消毒及為車輛作防菌保護，務求令每位客人有一個安心的旅程！
行程特色：
- 豐田Alphard / Vellfire 單程/來回接送，每輛車最多可坐乘客6人
- 省去自行搭車、併車的麻煩
- 費用包含港珠澳路橋費、隧道費、停車費
- 所有乘客需提前準備好通行簽證
附加費用：
- 公眾假期需加收30%附加費 (元旦，年初一至年初三，清明節，五一勞動節，香港回歸日，中秋節翌日，國慶節，重陽節，澳門回歸日，聖誕節 (12月24-25日)
- 接送是點到點服務，若增加停站，會額外收取加點費用 (需在一小時內完成) 澳門$200/點、香港$300/點
- 等候費：如香港機場接機用車，按航班到達時間，60分鐘後計算; 其餘地點接送用車，等候費將在預定時間15分鐘後計算。等候費為$300/小時，當等候費產生後，等候不足一小時也按一小時收費。
港澳快線、港澳一號、噴射飛航、金光飛航買去程送回程
澳門旅遊局推出賞你遊澳門優惠，即日起至6月30日期間，預訂港澳快線、港澳一號、噴射飛航、金光飛航買去程送回程！推出優惠是希望吸引香港居民到澳門，並鼓勵他們增加停留時間及消費，希助行業復蘇。
澳門終於開關啦！喺開關首日小編已經迫不及待快閃去咗澳門一轉。由香港過澳門嘅方法有幾種，水路有噴射飛航、金光飛航等，陸路有金巴、港澳快線等。今次小編就選擇咗水路，為大家實測一下開關後嘅入境程序係點，以及需時幾耐！