中年好聲音︳率先爆十強賽賽制及首輪歌單 有人揀錯歌被評判狠批? | am730
Ad Block Ad Block
娛樂
2023-03-24 18:59:00

中年好聲音︳率先爆十強賽賽制及首輪歌單 有人揀錯歌被評判狠批?

分享:
中年好聲音

《中年好聲音》成為TVB近期話題之作,賽事亦進入白熱化階段,今個星期日開始嘅十強賽事,更會有新賽制。

 

中年好聲音︳率先爆十強賽賽制及首輪歌單 有人揀錯歌被評判狠批?

即將播放嘅4集《中年好聲音》,將會每集淘汰一位參加者,換言之4月23日決賽當晚會由6位選手角逐冠軍。而連續4個回合會以計分賽進行,每回合將按照參加者排名得分,第一位可得10分,第二名有9分,如此類推。而每回合都會選出MVP,可得額外2分。每集累積分數最低嘅就要出局。如果有多過1人最低累積排名分數相同,就會將嗰集演出分數較低嘅淘汰。

中年好聲音︳率先爆十強賽賽制及首輪歌單 有人揀錯歌被評判狠批?

十強首回合比賽已經喺日前錄影,根據現場報料,出場次序係根據參賽者年齡排列,最大年紀嘅Bill哥哥吳大強率先出場。而佢地嘅選曲歌單如下︰

  • 吳大強《L.O.V.E.》
  • 丁文俊《網中人》
  • 李佳《上海灘》
  • 顏志恒《摘星》
  • 龍婷《焚心以火》
  • 涂家堯《當年情》
  • 林鉫徫《問我》
  • 羅啟豪《奮鬥》
  • 支嚳儀《愛定你一個》
  • 周吉佩《畫出彩虹》

今集評審除咗有常設班底嘅肥媽、周國豐、張佳添同伍仲衡之外,仲有曾經為陳奕迅、容祖兒、AGA等擔任監製嘅舒文。之前節目宣傳將人稱「舒老闆」嘅舒文包裝成毒舌評判,而佢的確好直接俾評語,直指吳大強演出「好悶」,仲喺周吉佩演唱後叫佢升Key再唱一次。而相當有實力嘅林鉫徫就畀肥媽鬧佢揀錯歌,到底邊個會首先出局?

Ad Block

中年好聲音︳率先爆十強賽賽制及首輪歌單 有人揀錯歌被評判狠批?

中年好聲音︳率先爆十強賽賽制及首輪歌單 有人揀錯歌被評判狠批?

原文刊登於 Yahoo 娛樂圈

Ad Block
請接受以下私隱政策及免責聲明,以示你同意am730內之私隱政策及免責聲明。了解更多
接受