東京奧運|訪問張家朗奪金 無綫陳約臨示愛送飛吻被轟好失禮 最初唔認錯到跪低寫悔過書 | 最新娛聞 | 東方新地
0279cacd-2b63-4cb3-987b-a4ef1c0430c2

東京奧運|訪問張家朗奪金 無綫陳約臨示愛送飛吻被轟好失禮 最初唔認錯到跪低寫悔過書

最新娛聞

東京奧運男子花劍個人賽,香港代表張家朗奪得金牌,為港爭光,香港市民熱切期待睇張家朗奪金後訪問,直播訪問卻出現一把女聲不停講自己「我好鍾意你呀,點算?」又表示代表香港市民向張家朗送飛吻,令氣氛尷尬﹗訪問完結鏡頭轉回記者真身,呢把女聲原來是無綫派去採訪東京奧運的藝員陳約臨﹗被網民洗版鬧爆陳約臨唔專業,好失禮,陳約臨最初堅持自己冇問題,後不敵負評終跪低寫長文悔過書﹗
文:東方新地|圖:無綫奧運直播截圖、陳約臨IG

東京奧運張家朗為香港奪金,全城歡呼,無綫派出陳約臨採訪張家朗奪金的歷史性一刻,整個訪問陳約臨表現出極度仰慕張家朗,不停講出個人感受,採訪變成示愛同送飛吻,令觀眾愈睇愈火﹗

東京奧運 張家朗 陳約臨
張家朗在東京奧運為香港奪下首面金牌,相隔上一次香港奪金已是廿五年前的李麗珊,全港市民好興奮﹗(圖片來源:無綫奧運直播截圖)

東京奧運|陳約臨訪問張家朗:我好鍾意你

陳約臨訪問張家朗近乎失控興奮問:「你係香港人嘅驕傲,有咩想同香港人講,所有人都睇住Live,我我…我我真係好鍾意你,點算呀?」,陳約臨講個人感受多過發問:「 嘩!你呢一刻攞獎牌呀!好激動!我已經流淚,我直頭喺觀眾席流淚,要喊﹗」令張家朗一臉愕然﹗

東京奧運 張家朗 陳約臨
張家朗為港爭光,在訪問中大談奪金感受表現謙虛﹗(圖片來源:無綫奧運直播截圖)
東京奧運 張家朗 陳約臨
無綫派出陳約臨訪問張家朗奪金,卻失禮現場,被網民洗版鬧爆﹗(圖片來源:無綫奧運直播截圖)

陳約臨不停插嘴打斷張家朗訪問

對陳約臨的機關槍式發表個人感受,張家朗仍保持禮貌表示多謝:「我唔敢相信,一直打得唔係太好…諗住打好第一場先,全場都係冠軍,我唔係啲咩,所以放開去打…」呢個時候陳約臨插嘴:「你點樣做到㗎?由今朝八點打到依家,中間做過啲乜,食過啲乜,陣間你想做啲乜?」其他記者問問題期間,陳約臨再硬插嘴:「可唔可以喺直播度同屋企人講多謝?」張家朗被突如其來一問,邊抺汗邊婉拒:「吓﹗好尷尬喎﹗」

東京奧運 張家朗 陳約臨
張家朗被陳約臨的表現搞到好尷尬,不停抺汗﹗(圖片來源:無綫奧運直播截圖)

陳約臨話代表香港市民送飛吻 嚇呆張家朗

記者正在問賽事問題,陳約臨再出擊搶問:「我要改口叫你金家朗呀﹗」張家朗滴晒汗話:「唔好呀﹗」 陳約臨拉高八度話:「唔得呀,唔得呀,你真係香港人嘅驕傲,真係proud of you﹗頭先做直播香港市民叫我送個飛吻畀你,但因為有social distancing呀﹗所以哈哈哈﹗支持你﹗」張家朗不知所措不停抹汗﹗

東京奧運 張家朗 陳約臨
陳約臨見證張家朗奪金,興奮大叫又喊,陳約臨更指「喺場度嘈到被人鬧」,又邊自拍邊跑去做採訪,為自己紀錄呢個重要時刻﹗(圖片來源:陳約臨IG)

網民鬧爆陳約臨唔專業

陳約臨被網民洗版鬧爆,指她霸道搶問方式令整個訪問變得不專業,留言「我以為睇緊東張西望」、「冇人想聽你講感受,想聽張家朗講嘢﹗」、「成個東京奧運被佢搞彎晒」、「開電視李麗珊直播訪問張家朗,呢啲先叫專業」、「把聲好煩好討厭」。

東京奧運 張家朗 陳約臨
陳約臨被派去採訪東京奧運﹗(圖片來源:陳約臨IG)

陳約臨死撐自己冇問題

陳約臨被洗版鬧爆問題廢又不專業,她接受傳媒訪問時硬撐自己冇問題,更指唔覺得問題唔夠專業,陳約臨指自己由早上一直在現場睇賽事,張家朗由早打到晚,觀眾會想知佢做過乜,食咩去維持體力,強調自己只係問題比較細膩﹗被網民指欠缺體育主持常識,她指自己在17年主持體育節目主持,當時已好留意張家朗,並指自己採訪完仍然覺得自己的問題好重要﹗不過其後陳約臨把採訪東京奧運劍撃的post刪走﹗

東京奧運 張家朗 陳約臨
陳約臨、方力申、何振然、周奕偉、吳業坤被派往採訪東京奧運﹗出發前陳約臨指自己做足功課,已為每個項目準備過百條問題﹗(圖片來源:何振然IG)

無綫護陳約臨冇做錯

陳約臨刪post仍有海量負評,無綫卻出面力撐,負責奧運節目的無綫製作經理衛世輝回應傳媒時護陳約臨,指她沒有不專業,只是心情興奮,並指她為此事感到唔開心,但公司仍會派她採訪奧運活動﹗公司力撐都不敵網民力量﹗事件發生廿四小時,晚上約九時,陳約臨親撰長文悔過書,終於跪低認錯認不專業,求大家給予機會﹗

陳約臨足本悔過書:對自己欠專業,深感懊悔

陳約臨道歉聲明如下:

「對於昨晚在東京奧運香港選手張家朗先生贏得歷史性金牌一刻,我當下與香港市民的心情一樣,實在很激動和興奮,以致作出不恰當的發問,亦作出了失儀的舉動,影響了大家的觀賞感受,對於自己的不成熟和欠專業的表現,深感懊悔。

我在此謹向所有受影響人士及單位,觀眾朋友,張家朗先生及公司TVB致以最深切的道歉。

希望大家再給予我機會,原諒我今次的失誤。

感謝各方給我寶貴的意見,提點與教導,我會銘記於心,努力好好學習,不再令大家失望,做一位專業主持,回饋觀眾和公司。

請繼續支持香港隊及我們香港優秀的運動員,繼續為港爭光﹗」

陳約臨親撰悔過書求大家原諒自己的失儀及失職﹗(圖片來源:陳約臨IG)
陳約臨親撰悔過書求大家原諒自己的失儀及失職﹗(圖片來源:陳約臨IG)
陳約臨在花劍比賽前已向香港代表張家朗等劍手集郵。(圖片來源:陳約臨IG)
陳約臨在花劍比賽前已向香港代表張家朗等劍手集郵。(圖片來源:陳約臨IG)

陳約臨跪低認錯 網民唔收貨

陳約臨就「對7月26日訪問東京奧運香港選手張家朗時失儀舉動的道歉聲明」,張家朗亦有畀like,可惜網民唔收貨,仍然有海量的負評指不會原諒她,繼續鬧爆陳約臨破壞了張家朗奪金的重要時刻,直言不能原諒她,並敦請無綫快換人,群情洶湧,陳約臨其後刪走所有留言並把留言功能關閉冇眼睇﹗

網民:想紅都唔係咁做﹗

東京奧運|訪問張家朗奪金 無綫陳約臨示愛送飛吻被轟好失禮 最初唔認錯到跪低寫悔過書 東京奧運|訪問張家朗奪金 無綫陳約臨示愛送飛吻被轟好失禮 最初唔認錯到跪低寫悔過書

網民:等咗25年被你破壞晒,唔會原諒你

東京奧運|訪問張家朗奪金 無綫陳約臨示愛送飛吻被轟好失禮 最初唔認錯到跪低寫悔過書

網民:有失你大專院校講師身份

東京奧運|訪問張家朗奪金 無綫陳約臨示愛送飛吻被轟好失禮 最初唔認錯到跪低寫悔過書

選美出身陳約臨新聞系畢業任客席講師

25歲的陳約臨上海出世,在珠海學院新聞與傳播學系畢業,2016年經澳門選美連盟選為2016年度國際小姐選美活動的香港代表,並贏得「亞洲皇后」獎項。2017為無綫電視基本藝人合約藝員,曾主持《丁酉年沙田龍舟競渡》、《體育世界》,2018年曾主持《3日2夜》旅遊節目,不時性感出鏡。陳約臨現正在珠海學院修讀「環球傳播」碩士課程,同時為學院兼職講師,教授主持技巧﹗陳約臨一夜成名,被網民起底後指她「教壞細路」。

東京奧運 張家朗 陳約臨
陳約臨有高版陳瀅之稱號﹗(圖片來源:陳約臨IG)
東京奧運 張家朗 陳約臨
陳約臨愛騷長腿﹗(圖片來源:陳約臨IG)
東京奧運 張家朗 陳約臨
陳約臨對自己身材充滿信心﹗(圖片來源:陳約臨IG)
東京奧運 張家朗 陳約臨
陳約臨不時貼出三點式泳衣相﹗(圖片來源:陳約臨IG)
東京奧運 張家朗 陳約臨
對自己素顏好有信心﹗(圖片來源:陳約臨IG)
東京奧運 張家朗 陳約臨
(圖片來源:陳約臨IG)

讀者留言