影片
港鐵太子站 C2 出口, 步行約2分鐘
繼續閱讀
電話號碼
23687366
開飯介紹
火鍋湯底設有多款選擇，如麻辣、養生口味，配以各種鮮味突出的牛肉、活海鮮等火鍋配料及刺身，選擇豐富，適合多人共享。
繼續閱讀
營業時間
今日營業
07:00 - 02:00
星期一至日
07:00 - 02:00
*點心供應時間：07:00-15:30
海鮮火鍋供應時間： 16:00-02:00
以上資料只供參考, 請與餐廳確認詳情
有關獎賞計劃
早幾晚同朋友相約太子砵蘭街鍾爺爺海鮮火鍋刺身專門店,疫情之後都比較少出街食飯.今次同朋友一行15人.係該店相聚.一入店已經感覺佢哋招呼殷勤.服務員換碟嘅次數亦都恰到好處(喺香港實在少見)地方亦都乾淨冷氣足夠地面乾爽.講到出品.該晚我哋就冇食火鍋.就食咗啲海鮮出品.加拿大象拔蚌刺身鮮甜無比.紅瓜子蒸到僅僅黐骨.魚身滑溜爽彈.魚腩油脂豐盈.上上之作,大瀨尿蝦爆膏.呈現啫哩狀嘅蝦膏甘香蝦身彈牙.皇帝蟹大廚用咗花雕蛋白蒸.蛋白吸收蟹嘅鮮甜.真係牛油麵包冇咁滑.朋友個個搶住嚟食.結尾估都估佢唔到連個炒飯都飯粒粒乾爽做到香噴噴.陳皮紅豆沙啲陳皮香味榮繞口腔陪我進入夢鄉
繼續閱讀
朋友剛試過鍾爺爺火鍋店！即推介比愛好火鍋嘅姐妹們🥰所以姐妹們相約一齊去滾吓啦🤣🤪沙嗲鴛鴦窩：,惹味餐前小食👍香辣魚皮黄金鮮鱿👍霜降手切頸脊肥牛（大）牛味很濃👍輕輕一灼、肉質嫩滑👍豬雜拼盤材料新鮮👍没有羶味！自家韮菜餃材料足👍大大粒鳳城水餃又係材料足👍正鍾華記生麵没有鹼水味👍日本黑豚肉招牌三寶丸👍鲜魚卜👍鍾愛魚卜控、必要試吓！
繼續閱讀
新火鍋店！朋友食過大讚所以試吓！一行4人可以試多d嘢，活魚剌身價錢低食，點咗條紅鮋4斤幾，頭骨腩椒鹽好味！接住火鍋上場，火鍋料水準以上，價錢合理。整體食物質素高，服務好！
繼續閱讀
見呢間火鍋店新開張個幾兩個月，即刻叫埋朋友去試下。一坐低就叫左兩碟小食送啤酒先。冰火魷魚其實係醬撈水魷黎，醬汁惹味吸引，水魷處理得好好唔會有陣簡水味，厚實有咬口。薑蔥魚皮就有啲失望，咸到近乎食唔落，與店員反映後話師傅腌料重手左。換左一碟比我地就食到停唔到口了。鮮爽魚皮配埋十分脆口既花生，必嗌！跟住黎到今日重頭戲 - 花金鼓刺身花金鼓，日本又名石垣鯛；平時細細條金鼓蒸黎食已經相當開胃，豐富油香配上金鼓獨特既鮮味；估唔到花金鼓拎黎做刺身，味道一樣咁濃郁美味，有魚油既鮮香而不膩。更誇張既係魚生上到枱，魚尾都仲係度郁緊，魚既新鮮程度同師傅刀工都係好高質。然後仲可以要求廚師拎個魚頭魚尾去蒸，店員推薦陳皮薑蔥蒸，好食到同朋友一人一碗白飯撈住黎食前菜已經好食到差點忘記呢度係一間火鍋店。特別想講係呢間火鍋店仔細到連午餐肉都會先半煎炸好再上，咁樣打邊爐就更香又唔會散開！牛肉拼盤高質，係新鮮牛黎，肉味香濃口感細膩。同場仲叫左四寶丸（蝦丸、墨魚丸、牛丸、梅菜鯪魚丸）同埋韭菜水餃，全部都係自家制，當中既心機值得一讚總結黎講：新開店面環境同乾淨程度一定無得頂，見佢仲有vip房可以包箱；價錢少貴但食材處理相當出色、細心，用料絕對係講究
繼續閱讀
同朋友飯聚，首選當然係打邊爐。呢次黎呢間新開嘅火鍋店，店面光猛乾淨，招呼很好。等緊朋友嘅時候，老闆過嚟推介薑蔥涼拌魚皮同埋惹味冰火魷魚，非常好食，結果朋友黎到都差唔多俾我食哂。之後，店長推介佢地嘅海鮮刺生，呢度係有專屬開放式設計，睇住師傅點樣切啲刺生。我哋叫左條深鯭同一條細象拔蚌。之前未食過，估唔到條深鯭咁肉爽味甜，象拔蚌就食得出係新鮮靚貨。食完刺生，叫個火焰花甲牛皇湯底，啲花甲好大隻，湯底鮮甜。再叫左啲牛肉、丸、餃子、水蓮菜等，都唔錯。食飽之際，老闆又過嚟推薦試個鍾華記生麵，原來老闆家族係製麵嘅，食落同一般嘅生麵唔同，無嗰浸鹼水味，結果最終又食哂個麵。老闆好好人，送埋個生果盤。呢間絕對有下次😋
繼續閱讀