到底我買邊種機好? 噴墨機 VS 碳粉機 成日都有客問:係咪買碳粉機好D架? 我會答:咁又未必,要視乎幾個因素,包括:印刷量、理想功能、速度、文件用途、打印顏色等等⋯⋯ 係未開始講解之前,容許我講下依兩種機既打印原理有咩唔同先。有初步理解,咁先可以幫助到大家揀適合自己既機。 噴墨機: 顧名思義,有個叫墨頭既零件上面有好多好細既孔,類似沖涼果D花灑頭咁樣,但唔同既地方就係花灑頭是固定安裝的,而墨頭係會左左右右咁移動,墨水就會由果D孔直接噴在紙張上,形成影像。 碳粉機: 碳粉就唔係好似噴墨機咁噴出來,而係使用激光好快咁將個影像射落一個叫感光鼓(DRUM)既物體上*。感光鼓會根據圖形吸起相同形狀的碳粉,當紙張經過時,會把圖形碳粉痴落紙上。之後張紙會送去加熱組件(FUSER),利用壓力和熱力,把影像固定在紙張上。所以碳粉機印出黎張紙會熱辣辣就係依個原因。 ===噴墨機優點=== 1. 售價便宜,多合一機(有FAX、自動雙面、SCAN、COPY)都係$1000蚊左右,價錢非常吸引 2. 輕巧,體積細 ===噴墨機兩大缺點=== 1. 依個問題好多人都知道,如果唔用一段時間個墨頭會塞,之後就印唔到,只好掉棄,如果KEEP住印就無問題 2. 墨水遇水會溶,即使有防水墨,但我認為效果不是十分十分好,不能完全媲美碳粉,要抺乾手才可拿文件 ===碳粉機優點=== 1. 穩定性高,打印速度快,適合印刷量中到大的用家 2. 長時間閒置也不會造成塞墨頭現象 3. 遇水時,文字不像墨水般化開 ===碳粉機缺點=== 1. 體積大,機身重 2. 貴,多功能彩色機,要$2000蚊以上 3. 碳粉係好微細既顆粒,換碳粉盒或打印時,或多或少會飄到出來。如家中有嬰兒的可能要注意。 大家了解左兩種打印機既原理同埋其優點缺點後,希望令大家比較容易揀到適合自己既PRINTER。 *感光鼓帶有電荷,當激光線照射來時,電荷消失,沒有照射的地方,仍保留電荷來吸起碳粉,形成形狀。所以激光照射在感光鼓上的不是圖形本身,而是圖形中的空白位置。 如果想了解更多,請LIKE我地既專頁,我地會為你發放更多資訊,謝謝! -以上內容為香港打印機維修站 Hong Kong Printer Repair Center所有,未經同意,不得轉載-