憑《森美旅行團》爆紅的「小鮮肉」丁子朗,成為網民近日熱話,不但被讚身材好,更有指他上鏡時率直不造作,成功入屋。香港先生出身、今年僅21歲的丁子朗其實仲有好多個形象,睇完你必定愛上他!
登入 瀏覽本網站,可獲取積分換領專屬優惠
1. 運動型男:大騷胸肌
丁子朗在旅遊節目《森美旅行團》中與森美玉帛相見,眾人都將視線放在他們的敏感部位做比較,但其實丁子朗嘅胸肌都好結實有睇頭,森美都被他搶鏡,名符其實是名小鮮肉!
有咁結實嘅胸肌,當然有運動!除咗做gym外,丁子朗都經常出海游水同玩獨木舟,喜歡運動型男的女生必定會加倍留意。
2. 斯文look:西裝示人型格十足
騷肌難佢唔到,丁子朗穿起西裝也型格十足,雖然面上稚氣不減,但都有男人味,難怪當年能僅以19歲之齡當選2016年香港先生亞軍及最上鏡先生。
3. 陪女生吃甜品
要搵一個陪你食甜品的男人,非丁子朗莫屬。唔好睇佢經常做運動,以為唔好甜食,IG經常post食雪糕相片,而且大歎凍冰冰甜品時樣子好可愛,女生見到都會心心眼。
4. 原來是暖男!
別小看丁子朗只有21歲,Facebook上經常寫下正面金句鼓勵大家,暖男無誤啊!即刻同大家數數佢講過嘅人生金句。
金句1. 天氣雖然麻麻,但心情一定要好。
金句2. 每一次望住個海,心情都會好平靜。
金句3. 要學識感受,感受身邊。
金句4. 遠景不見,但仍向着前。
金句5. 你可以討厭或喜歡我,這就是原來的我。(You could either hate me or love me, but that's just the way I am)
金句6. 專注一點,自主一點,不要看別人臉色或由他人幫你做決定。(Stay focused and stay determined. Don't look to anyone else to be your determination - have self-determination. )
金句7. 你永遠不知道下一秒會發生什麼事,享受當下,活得無悔。(You'll never know what is going to happen in the next second, enjoy the moment, and live without regrets.)
金句8. 無畏地追讓你靈魂變得熱血的事。(的Be fearless in the pursuit of what set your soul on fire.)
丁子朗形象多多,不論運動型、斯文look、文字派暖男定係美食控,總有一種特質吸引到女生!