丁子朗打崩頭 爭住擔大旗
丁子朗少有拍劇，以主持工作為主，但2月他將有機會於青春劇中擔大旗，初嘗做主角滋味，夥拍曾合作主持節目的戴祖儀拍攝，他坦言開心之餘都很期待，希望最終能被取錄！
現年23歲的丁子朗選「香港先生」加入娛樂圈，向來受公司賞識的他，轉數快、形象健康，之前主要擔任綜藝節目及大騷主持，參演過的劇集只有《七公主》、《把關者們》，以及現正播出的《堅離地愛堅離地》等，為數不多。不過，據知無綫之後將開拍青春劇集，主要演員都是25歲以下，相當新鮮，甚有吸引力。劇中的男、女角亦「仙」氣十足，包括長腿女神戴祖儀（Joey）、游嘉欣、劉穎鏇、港姐郭柏妍、《#後生仔傾吓偈》中的「波波」黃凱儀、林正峰、伍富橋、謝采芝等，全部都是「新鮮人」。之前游嘉欣與林正峰憑劇集《香港愛情故事》備受關注，今次《香》劇監製林肯再找兩人「添食」，相信戲份一定比之前更有發揮。
期待擦出火花
對於有機會於新劇擔大旗，子朗說：「之前係有去過Casting，因為都有2、3場戲要做，所以面試時都好認真，自己都有專登做多啲功課，希望可以得到個角色！除咗我之外，聽講都有好多年輕演員去面試，所以正式結果都未知，自己都好期待，因為一班年輕人出嚟嘅火花應該會好開心。」
說到此劇有不少「女神」參演，包括Joey、游嘉欣及港姐等，他聞言說：「我都未知有咩人做，但係如果有Joey都好開心，因為之前大家都喺《娛樂大家》合作咗成年。（你都係做綜藝節目多？）係呀！我的確比較少拍劇，所以對我嚟講都係一個挑戰。」