麵屋福

營業中

休息中

有時lunch time就係想食下comfort food，慰藉下心靈。麵屋福嘅沾麵絕對可以一解想食平平地又好食嘅沾麵之苦!佢嘅lunch time係嗌一個拉沾麵包一罐汽水，加上佢沾麵唔貴，真係諗起都開心!!我嗌咗魚介豚骨沾麵（$78），一上枱就有好香嘅魚介味撲鼻而來，沾麵嘅湯內有芝麻、蔥、荀、叉燒、魚介粉等等。可能因為我唔算好鐘意芝麻，如果可以揀少啲話就好啦！不過整體而言係好濃郁，上枱嘅時候又熱辣辣！之前食過黑蒜油湯底，雖然都好食，但係就比魚介偏油，相比之下我自己會鐘意魚介多啲～同埋麵屋福抵食嘅位係$78係包埋紫菜同糖心蛋！佢嘅糖心蛋絕對冇hea你，係我食完會回味嘅糖心蛋！好多拉麵店都唔包紫菜同蛋，要自己另外再加錢，但係呢到唔使！！仲要有汽水！所以真係好抵食！不過佢嘅麵係暖，唔係話會唔好食，但係如果可以有得比客人揀凍/熱麵，就會令成件事更加完美！！

星期五晚係荃灣搵食，見到間門面裝修幾日式嘅餐廳就入左去試。唔洗等位但入面都幾多人，四人一枱，二人多數要搭枱。枱底可以掛袋但好怕頂到對面，整體環境都唔係咁舒服。唯獨店員真係好有禮貌。期間限定辛味噌沾麵，辛辣味係有嘅，湯底好濃但試唔出層次。原本好肚餓所以加左一個麵底$25，結果勁大碗麵，除非你係大胃王，否則建議加半底麵就夠。塊叉燒係大片不過勁薄，而且得兩片，完全唔夠餸麵。係一個好差嘅體驗。魚介豚骨沾麵，一樣好濃味，麵身掛湯嘅程度係ok，湯同麵嘅配合都ok，但就係因為太少餸令人印象嘛嘛。

麵屋福🍜🏮……….又食拉麵了！今次去食荃灣嘅沾麵店。呢間嘅沾麵嘅味道只有3款，分別係魚介豚骨沾麵，黑蒜油豚骨沾麵和蕃茄紅油沾麵，亦都有少量飲品供應。店舖環境唔大，有日本小店嘅感覺，只有五張四人枱，多人時會安排同行兩位客人左右並排坐，隔住膠板對面就係另一對同行客人，木系簡約裝修，木枱木櫈，外面設有等候座位。以呢個價錢黎講，又無加一服務費，CP值算係咁🤣……….🍜魚介豚骨沾麵 $78•固定湯底濃度，固定麵條嘅硬度，麵條幼身，口感煙韌彈牙，但未去到好掛湯汁，沾麵湯底味道濃，湯應比較稀身。上碟時所以材料會浸哂係湯入面，分別有溏心蛋，叉燒和木荀，而紫菜就係同拉麵同上，可額外加錢加麵底，亦都可以加錢加額外食材。整體而言，正常發揮，湯底更濃稠會更加分😎……….💰人均 $78/per person (2人)

沾麵，就是一種為了讓人盡可能享受到濃郁到不可思議的鮮味，使麵條與溫度保持最適當狀態的麵食料理。店內供應三種味道的沾麵：魚介豚骨沾麵、黑蒜油豚骨沾麵、蕃茄紅油沾麵。 沾麵的湯頭很濃厚，味道也較為強烈，濃度、鹹度和含油量都比一般拉麵湯頭更高。湯頭內有兩塊叉燒肉，極嫩滑，入口即溶。醬漬糖心蛋咬開會流心的。麵條帶有小麥的香氣，Q彈有咬勁，沾上濃稠的沾麵醬汁，更易掛麵，吃起來風味更加鮮明。 最後還可以請店員加湯喔！

魚介豚骨沾麵沾麵汁配料：有半熟蛋一隻、筍絲、叉燒、蔥。進食前記得將魚介粉撈勻，湯汁飲落味道好濃，魚介味比豚骨味突出，淨飲湯會有少少苦同咸，配合麵一齊食就岩岩好。呢度既沾麵係熱食，同一般凍食食法唔同，可能因為熱食關係，碗邊紫菜有d冧，食落口感差少少。整體麵量300g比一般店舖多，麵條偏粗身彈牙，比較有口感，食完麵可叫職員加料飲埋湯。小店到晚市時段都坐無虛席，walk in想食就要排一陣隊喇～味道：3/5環境：2.5/5客服：3/5

無意間經過門口見到裝修好日本，行去睇先發現係食沾麵🥢店面雖小座位較貼但間隔算舒服我叫左個魚介湯沾麵，朋友叫左黑蒜油沾麵，本身碗麵已跟叉燒、唐心蛋、紫菜，同朋友食左一半就加湯，加湯後飲湯會岩岩好，未加湯就偏濃，叉燒好淋有3片，唐心蛋好正，下次要加多粒，麵既質感都好彈😍

1 服務差 ， 明明可以攞張凳畀客人放背囊， 叫我勾個背囊喺枱下， 但係佢張枱咁矮，勾到個背囊同擺落地可冇分別。 於是捧住個背囊食嘢， 又唔畀張櫈人擺背囊。 覺得客人個背囊擺喺地下係冇問題， 他們的衛生意識都很低2 食物份量少 ， 我食他的魚街豚肉麵，滿面嘅份量比一般公仔麵多少少， 正常一個男人 係唔會食得飽， 豚肉只有薄薄的兩塊， 兩塊加埋不到一隻手掌大， 豚肉切到火鍋肥牛的厚度， 可想然知有幾薄。 賣78蚊一碗 食兩碗要156蚊， 我出街食兩個小炒餸 有湯有嘢飲 140蚊有找。 咁嘅份量 cp值其低。3 味精湯底， 食完口都乾埋， 湯底確喉， 似重口味版的日式公仔麵。不會再來！*謹入*

🔸蕃茄紅油沾麵 $90平時食沾麵多數都食魚介湯底，今次就試一試比較少見又係餐廳招牌嘅蕃茄紅油湯底😆濃郁嘅蕃茄湯底入面有唔少蕃茄蓉，都幾足料～味道係微微酸同辣，食落都幾開胃嘅～湯唔係杰身嗰種但都掛到上麵，而且味道幾有層次，除咗蕃茄嘅酸同紅油嘅辣之外，仲帶啲類似蔥蒜味嘅調味，不過對我嚟講略為重味，而且喺個口入面久久不散🤣之但係食完沾麵之後加埋木魚湯，個味係昇華咗勁多！最後都差唔多飲晒啲湯haha配料方面，有兩塊叉燒，溏心蛋同少量味筍，全部放咗喺湯入面～叉燒偏瘦，冇燒過所以唔算好香口，味道不過不失溏心蛋唔錯，有流心嘅蛋黄，醃得剛剛好🫶🏻筍都幾入味，唔錯～至於沾麵係比較硬身有咬口嘅，係我鍾意嘅口感🔸 黑蒜油豚骨沾麵 $88 (追加肩胛肉叉燒 +$12)呢個黑蒜油豚骨湯反而冇蕃茄湯咁重味，濃濃嘅黑蒜油香氣撲鼻，啲湯掛上麵上每啖都好香！🔸 信州蘋果梳打 $25係比較甜嘅蘋果汁加埋梳打，天氣熱嘅時候飲幾爽！不過我就唔太鍾意咁甜，都係飲返檸檬水算🤣餐廳舖面細細，裝修都幾似日本嘅拉麵小店！店員都幾親切～不過一入嚟就會聞到陣筍嘅味道，如果本身抗拒呢陣味嘅朋友就可能冇咁享受用餐喇～🙈

係一間充滿荀味嘅餐廳，但我地認為唔算太臭，不過要預咗係有陣獨特嘅氣味充斥係餐廳，而位置亦相對擠逼。餐廳食物係選擇上亦相對較少，基本沾麵3款加上一款其間限定。💁🏻‍♀️魚介豚骨沾麵: 5.5/10分  ($73)招牌魚介豚骨湯底，魚介同豚骨味道唔濃，反而咸味居多，所以味道普通，屬食完會冇乜印象嘅沾麵。麵條軟硬度適中，而且份量頗多，女仔絕對夠食。💁🏻‍♂️黑蒜油豚骨沾麵:  5/10分  ($83)拉麵較粗同硬，掛汁能力唔錯，但黑蒜油味太濃郁，蔽蓋咗本身湯底嘅豚骨味。而呢間沾麵舖習慣將配料全部放入熱湯內，所以食溏心蛋時會略微過熟，但都仲有溏心效果。至於叉燒同荀就普通質素，冇咩特別。✨整體評價✨係一間好普通嘅沾麵，正正常常冇乜特別，係回頭率唔高嘅味道，而且坐位較狹窄。如果下次係附近會推薦試咗其他野先😛🍽食物質素:5/10🛋環境:4/10👩🏻‍💼服務:5/10💰性價比:5/10👀回頭率: 3/10

呢間真係我暫時食過最好食嘅沾麵。唔係連鎖，唔係開喺商場，喺秘隔離，雖然冇隔離舖咁人氣，但一開舖都有人龍。我地叫左魚介同黑蒜油再追加青蔥，碗青蔥都唔少，$10正常價錢，兩個人share OK嘅。講返碗麵先，個湯濃係基本，做得唔錯，如果唔鍾意太濃嘅可以加啲湯落去。麵質方面，係我鍾意嘅口感，非常煙韌，好少地方可以做得到，呢間沾麵真係值得試。有驚喜係枝水蜜桃梳打，後來我地行Aeon時見到有得買，特價十幾蚊一枝🙄我地都掃左幾枝返屋企。

呢間荃灣小店成日係ig見到有人推介😽今日自己去試吓，平日晚上8點左右入去食，唔洗等位😆店舖入面位置唔多，應該最好容納到20位食客，有日本小店感覺😝😝店員好有禮貌同左我哋介紹唔同湯底！好貼心🥰我哋揀咗一個⭐️魚介豚骨沾麵好濃郁嘅味噌同柚子味。個湯加左啲魚介粉、木魚碎同芝麻蔥，好香。上面仲有叉燒同蛋😝⭐️黑蒜油豚骨沾麵好香黑蒜泥同油香，都係味道勁濃！🥰每碗都有叉燒同蛋😆每隻麵都好大份🤣食唔曬~~

不時都想去「麵屋福」品嚐他們的沾麵，昨天排隊的人不多終於吃到了。排隊中大家都在菜單上選擇麵食，有魚介豚骨沾麵、黑蒜油豚骨沾麵和蕃茄紅油沾麵。不約而同我哋都選咗「黑蒜油豚骨沾麵」食品送上時有一陣很香的蒜油香味，湯頭上還有大量的青蔥和芝麻，先將碗中的調味料包括魚粉，蔥等拌勻，我先嚐一口湯感到香濃。把一小撮麵條夾起放入濃湯中然後進食，麵條比較粗身但非常爽身，質感非常好有嚼口而且掛湯，好出色的麵條。 湯頭中還有叉燒數片，比較薄身，肉質是軟滑味道也不錯。枱上是有檸檬醋和炸蒜等，可以適量加一以提高味道。吃完麵條又可以請店員添加一些木魚湯與湯頭共飲，我也品嚐過但唔敢飲得太多。

🚩麵屋福依間沾麵店真係我第四次黎食，耐唔耐就要黎食，真係一鋪癮黎～第一次黎食係因為格離秘太多人，唔想等就黎左依間食，真係好彩我有試到，食左返唔到轉頭😆〰️〰️〰️〰️〰️〰️〰️〰️〰️〰️〰️〰️〰️〰️〰️🌈魚介豚骨沾麵 $78黎到一定要食返碗原味先，沾麵湯底濃郁得黎又唔會油膩，一啖接一啖都冇問題～麵質好筋道，又掛湯～湯有大量嘅蔥花，平時唔食蔥嘅我竟然覺有蔥先會加分！沾麵本身已經有一隻溏心蛋，叉燒同少少荀～溏心蛋煮得岩岩好，不過就略嫌叉燒份量唔多，食唔過癮😆🌈黑蒜油豚骨沾麵 $88鍾意食黑蒜嘅記得要揀依款，黑色嘅湯底都feel到濃郁🤤食到最尾有啲漏可以加下枱上麵嘅檸檬醋同炸蒜轉下口味🧡🌈味荀 $10鐘意食荀嘅記得加多份，又爽又嫩又夠味！而且加一份份量超級多，兩個人share都可以#Kyla荃灣 #Kyla日本菜〰️〰️〰️〰️〰️〰️〰️〰️〰️〰️〰️〰️🥢地址：荃灣享成街18號地舖🌟推薦指數：9/10

呢間沾麵小店係好多人推介荃灣必食🤩舖頭座位比較少，開舖無一陣出面已經需要等位啦🍜沾面嘅湯底款式只有3款，除左沾麵嘅份量好多，湯底入面仲有半熟蛋以及大大塊嘅叉燒，呢個價錢黎講難怪大家都話CP值高，食到好飽呢👍🏻🔸魚介豚骨沾麵（HK$73）沾麵粗身得黎，口感係偏硬個種，食落比較有咬口呢😎湯底幾濃郁，仲有芝麻增添香味，少許嘅柚子味帶點清新感🍜豚肉係薄身設計，不過勝在大大塊~🔸番茄紅油沾麵（HK$88）呢款嘅湯入口有好濃郁嘅番茄味，見到湯底有番茄溶，好真材實料呀🍅不過溏心蛋就有啲太熟，蛋黃無流心感🥚🫢🔸完熟桃梳打（HK$22）因為唔想飲汽水，所以就叫左呢款梳打試試，唔會太甜，白桃味都幾突出，即刻好似去左日本咁呀🍑

終於黎到久仰大名沾麵店，同朋友於中午去到，幸運地唔需要排好耐，人齊就可以入座是日點了魚介豚骨沾麵，湯底味道充滿鰹魚香，又帶有少少柚子香，與沾麵一起吃，鹹度相宜，湯底內有隻溏心蛋，完美流心，讓人滿足；叉燒質感很軟嫩；沾麵的麵質軟硬適中，彈牙，很掛湯。整體套餐份量足夠一人吃至飽飽。餐廳內還有兩款沾麵，友人吃了蕃茄紅油沾麵，感到有驚喜，下次有機會都會想一試這款沾麵對餐廳總括而言，店員有禮，餐廳位置雖小，但亦有貼心的地方，會讓客人可於枱下掛一些物件。另外，餐廳每位座位都有其他調味料、客人可按自己喜好而再添加；亦提供了牙籤、搓手液及紙巾，很貼心🥰