板長壽司

營業中

休息中

會員有優惠,長食有著數海膽,鰻魚,蟹柳,三文魚,蛋,油甘魚等款式都係相當大件,份量十足魚肉刺身質素來貨係靚既,食落帶油香,不會太乾柴海膽明顯色水都靚,入口順滑,連鎖店來講,佢比起好多過江龍日本店都出色,價錢上亦比他們便宜食過幾次過江龍,也失望而回,寧可食回本地品牌價錢上合理,質素亦都高有套餐叫,有折扣,甜蝦都唔錯令人有滿意既食後感服務亦令人滿意,上菜效率高,下單大約10分鐘就開始上菜所以排隊時間不需要太長,每台客大約食30-40分鐘就搞掂埋單走得

有一輪對板長真係失去信心。不過上年見大埔有板長又去試吓, 一食真係有驚喜,改善咗唔少。尋晚去到七點幾，見到都唔係好肚餓但係又想食下壽司, 就落傻吓傻吓，去咗大埔間板長食壽司。一去到見到好多人，等位都等左成半個鐘，不過唔緊要啦！話晒呢間食肆都穩陣。我同個仔叫左兩個和牛飯。會員每位$108，跟手我叫左個豆腐$32好好食，係咁以再叫咗幾件壽司。埋單三百零蚊。價錢都OK！反而外賣俾老公同佢個Friend！就叫左五百幾！呢間野值得推介

壽司永遠都唔會食厭，隔一排又會心思思想去食。而板長一向都係我嘅最愛，板長食物質素好好又唔使大排長龍。星期六去食仲有假日午餐，今次叫左牛肉蕎麥麵套餐，除左有蕎麥麵之外，仲有沙律，燉蛋，六件壽司，都係八十幾蚊，超級扺食。另外，仲散叫左啲壽司，充滿魚油味嘅三文魚腩壽司係必點， 三文魚仲要係有厚度，讚！一口凡立貝壽司，三文魚壽司同甜蝦壽司都非常新鮮！燒過嘅火炙魚背壽司非常香！除左普通嘅玉子壽司之外，仲有火炙芝士玉子壽司，不過可能燒到塊紫菜，有啲燶味。不過整體都好滿意。

板長算係香港壽司餐廳既老舖 前幾年有感佢既質素越來越下降所以都一排時間冇去luuu今日經過大埔時發現有間板長 就入去試下 點知有驚喜呢間分店吾係好多位 所以都要排一陣裝修完 幾光猛Waiter向我招介vip 食滿10蚊有一分 下次就當一蚊咁用 即下次大約等於9折度D sushi大粒左同魚生新鮮左 真係吾錯 價錢亦實惠Waiter服務亦有禮 上菜亦快好似仲好過元氣了I highly recommend芒果蝦子沙律 好新鮮 黑松露油甘魚又係必叫對板長刮目相看

板長在香港屹立不倒多年，應該有佢哋嘅實力。我都有好多年冇幫襯了，今日經過，打算回味一番。本人對烏冬情有獨鍾，所以好快脆就可以下單了。多年冇食板長，原來已經全部電子化。每張餐枱會派電子筆記簿一本，自己點餐，掃描QR Code就可以了。「牛肉稻庭烏冬定食」餐牌見到冷豆腐配有秋葵，滿心歡喜的下單了。可惜食物送來，只有寂寞的冷豆腐。心情突然變得有一點點空虛。不過牛肉、烏冬、壽司等都跟預期一樣好味。整體感覺變回良好。

今晚同朋友黎到大埔板長晚餐..間唔中都會黎食...但今晚好驚喜...魚生、炸物等等都好好質素芥末八爪魚，紫菜還是脆的叫左幾款魚生...賣相吸引..食落好新鮮.. 特別鍾意食板長既劍魚腩同板長蝦..好好食... 今次啲魚生係食過咁多次最新鮮的仲叫左軟殼蟹...份量比較少...唔係好抵玉子...新鮮整👍🏻👍🏻好熱辣辣..like👍🏻👍🏻👍🏻今次晚飯，板長啲食物，服務都令人好滿意..希望可以keep住

已經第三四次黎到大埔板長食晚飯...個人覺得大埔板長既質素比起其他分店好...但係依然有待改善！ 呢碟質素較好...keep到好新鮮! 火炙三文魚好油！淡淡油海膽過得去..但以$36 一件黎講...唔抵唔值海饅 好失望 醬汁唔入味...唔好味...好腥 炸軟殼蟹...呢個好味！ 唔會太粉..下面有沙津配芝麻醬..唔錯唔錯梅酒..呢間分店 份量較多..味道亦都較濃！ 抵讚！ 其他個啲..一係好多冰 一係呢得一半份量...30幾蚊40蚊杯...唔好太慳好wor😑😑

突如其來的打風日，返到大埔咩都收曬，唔想食大家樂麥當勞之類，剛好見到板長仲開緊門，即刻秒速衝入去。坐底左先識得驚，今日打風會唔會送唔到食材黎，食材會唔會唔新鮮，好彩最後質素一如如期，無伏。叫左海膽、甜蝦、帶子、三文魚，火炙三文魚、烏冬同燉蛋。係八號波的情況下都無失水準，唔錯！可惜今日飯略厭硬左一點點，呢間我都成日食，平時食都無咁嘅情況，可能今日失手？平日用匯豐仲有92折，埋單人均先至$150。晚餐黎講都抵食！

前幾年食板長，覺得佢比其他連鎖店都要好，自從家樂果間無再去後，琴晚第一次再食板長。😔認真大打折扣。我最❤️油甘魚，但竟然無味，三文魚腩亦只係味道一般。牛肉卷如果唔點醬汁就全完淡口。☹️而且，魚子軍艦竟然比元氣差，又細粒。可能係期望過高，所以失望更大。亦可能係通脹問題導致食物未能如前。3個人埋單500幾，人均$190，唔能夠要求太過分。只能講，今非昔比。

一田大減價, 又係女士們shopping 的好時機， 於是再次去扳長噗壽司， 刺身， 等等 ！ 刺身拼盤好吸引， 外觀漂亮！ 刺身有三文魚、珍寶帶子， 甜蝦、劍魚腩 、等等. 三文魚係我必食之選 ， 厚切， 大大件， 特別肥美, 口感十足 ！其實壽司中規中矩，味道不錯 ！價格 : 大眾價格， 而食物不錯，所以經常來 ！環境 : 地方算大， 座位寬闊， 人流唔多， 可以慢慢坐！服務態度 : 服務員態度很好， 面帶笑容 ！位置 ： 位置相當方便， 每次去開一田， 都經常來光顧 ！

板長搬左鋪之後都好耐都冇食啦！今次就叫番幾樣野食下開心下先！質素依然係唔錯！魚生好新鮮啊！雖然係薄切！不過味道都唔錯！魚味好濃啊！口感都扎實d!我最想食既黑松露油甘魚！好正啊！油甘魚勁厚身！魚肉又夠哂肥！仲要加埋黑松露既香味！依個係芝士芒果軟殻蟹卷！個芝士燒得再香d會更好！個芒果都幾甜啊！軟殻蟹好脆！最後都要食番個烏冬暖下身！個烏冬係幼身烏冬！好彈牙！個湯底好岩我食啊！味道好香濃！仲有肥牛好多！好夠味

今年提早收自己爐，忙着周圍去辦年貨，順便搵朋友食餐飯吹下水，呢間板長半新不舊，坐得幾舒服，又即管試吓用iPad點菜，先食返個開胃沙律菜先，普普通通啲菜唔夠爽脆。壽司就逐件散叫，我個人喜歡食海鰻同埋蒲燒鰻魚。味道一般感覺就係唔夠新鮮，單點價錢又不是便宜。鰻魚感覺唔夠肥美，最唔鍾意就係軍艦啲紫菜淋晒。元貝都係叫珍寶先好食，但價錢就太貴啦！醋飯唔夠酸。牛肉半生 medium 還可以，赤蝦 ok 甜。拖羅完全冇入口即溶嘅感覺肝 no good整體上消費過高，附近有幾間小店都俾佢好食同抵食

其實甚少會為連鎖日式壽司店寫食評，但由於大埔的新分店不論是食物、服務和環境都實在太值得推介，就情不自禁的動起筆來。以往的舊板長位於大埔超級城現為牛陣的位置，當時的店舖面積較大，還記得經常在星期日與爸媽家庭樂都會主張去吃個板長。新店初來報到，座位佈置等都是一如既往。一直以來都喜歡用平板電腦自助下單。這次主要推介的食物還是我自定為板長必吃的食品，當中有長期特價的大拖羅、鹿兒島的生牛肋肉、赤海蝦和海膽軍艦。大拖羅在我看來是必食之選，特價只要二十多元就能享用，比一般大拖羅便宜一半有多，而質素卻是比預期中好，是絕無虛言肥美的大拖羅。餐牌上也有中拖羅的影蹤，但與大拖羅相差幾元。絕對把限額都分配給大拖羅。而板長的生牛肉壽司已推出好長的時間，一年有多吧，都是來自鹿兒島的肉。當中還有西冷牛肉的部分選擇，但個人認為性價比最高的絕對是牛肋肉的位置，質素基本上每次都維持到，甚至會有意外驚喜。而無蝦不歡的我當然也有蝦迷必食的推介，赤海蝦壽司，個人認為又是性價比極高之選。印象中是二十多元一隻吧，蝦鮮再加上新鮮炸起的蝦頭，整個配搭是絕對超過這價錢，而每次點單都未曾失望過。到了海膽軍艦，這款壽司真的很受歡迎，並不是每

之前幫襯過大埔中心嘅板長，今次去到圍晒板，問CS先知道搬左去八號花園樓下。新舖自然人多，今次排左成半個鐘，以前唔駛點排，就算排都有商場冷氣，而家就要喺街外熱辣辣咁等。去板長除左食壽司外，我最鐘意佢地嘅咖哩牛肉湯烏冬同埋蝦湯。咖哩牛肉湯烏冬嘅咖哩香濃香滑；蝦湯夠晒蝦味又有煙靭嘅年糕。兩樣都係每次必點。點知今次去到，兩樣都已經冇喺餐牌度出現，非常失望，最由天堂掉落谷底係明明舖頭出面個display有蝦湯。不過去板長主要都係食壽司嘅，佢地啲壽司不嬲新鮮好味。柚子油甘魚軍艦，柚子嘅酸甜味同油甘魚好襯好開胃。火炙芝士三文魚壽司就同時食到新鮮同燒香三文魚味，仲有燒香嘅芝士。油甘魚壽司亦有好多調味嘅選擇，我就鐘意海鹽同柚子。不過除左壽司外其他選擇真係唔算多，而且要炎炎夏日等位真係吃不消。