【聲明】港生活網站並無進行電話推廣活動

黛安
黛安

一田日本食品節 零食美酒水果樣樣齊

發佈時間: 2021/03/18

一田日本食品節 零食美酒水果樣樣齊

疫情下好多地方封關,姊妹們思日病發作點算?一田超市即日起至今個月29日舉行「春の茶屋」日本食品節,有多款限定櫻花零食美酒、茶屋和食料理、熊本直送物產,仲有日售8萬嘅盒京都男前豆腐等新品,黛安已約好姊妹去掃貨喇!

大家今年無緣外遊賞櫻,惟有揀啲櫻花系嘅零食「止渴」,中島大祥堂櫻花草莓味威化卷酸甜交織,津山屋櫻花菓子啫喱糖口感Q彈,伊華棉花糖粒粒櫻花花瓣形狀,打卡必備。

和風食材亦有好多花款,一田今次引入日本百年老字號,以長野縣天竜川地下水及上等靜岡產抹茶製成嘅櫻滿月抹茶烏冬;仲有日賣8萬盒嘅京都男前豆腐,配上信州自然王國士多啤梨沙律醬,食落好滋味㗎。

另外,仲有唔少來自熊本嘅靚水果,好似日本產量第一嘅熊本番茄、熊本安迪斯青肉蜜瓜,以及外形有趣且味道濃郁嘅熊本凸頭柑等。黛安推薦大家試下熊本甜熟熊紅士多啤梨,香甜又美味。

一田日本食品節 零食美酒水果樣樣齊

安迪斯青肉蜜瓜

一田日本食品節 零食美酒水果樣樣齊

信州自然王國士多啤梨沙律醬

撰文: 黛安 消息特靈八卦公關
欄名: 八卦名利場