Margarida de Austria, duquesa de Savoia

Margarida de Austria, duquesa de Savoia
Nacemento	10 de xaneiro de 1480
Lugar de nacemento	Bruxelas e Bruxelas
Falecemento	1 de decembro de 1530
Lugar de falecemento	Mechelen
Soterrada	royal monastery of Brou
Nacionalidade	España
Ocupación	dignitary, mecenas, coleccionista, pintora e compositora
Pai	Maximiliano I de Habsburgo
Nai	María de Borgoña
Cónxuxe	Felisberto II de Saboia e João, príncipe das Astúrias
Irmáns	Cornelius of Austria, Jorge da Áustria e Filipe I de Castela
Na rede
[ editar datos en Wikidata ]

Margarida de Austria, nada en Bruxelas, Bélxica o 10 de xaneiro de 1480 e finada en Malinas, Bélxica o 1 de decembro de 1530, foi arquiduquesa de Austria, princesa consorte de Asturias e de Xirona e duquesa consorte de Savoia.

Traxectoria

Filla do arquiduque Maximiliano de Austria (daquela Maximiliano I do Sacro Imperio Romano Germánico) e de María de Borgoña, duquesa de Borgoña.

Casou con Xoán de Aragón e Castela, o fillo dos Reis Católicos, herdeiro ó trono de Castela e Aragón co título de Príncipe de Asturias. Irmá máis nova do arquiduque Filipe o Fermoso, casado con Xoana I de Castela, tamén filla dos Reis Católicos, e desta maneira tía paterna dos fillos destes: Carlos I de España e V do Sacro Imperio Romano Germánico, Fernando I de Habsburgo, que tamén chegaría a ser emperador dos xermanos; Leonor de Austria, raíña de Portugal e logo de Francia; Sabela de Austria, raíña de Dinamarca; María de Austria, raíña de Hungría; e Catarina de Austria, raíña de Portugal.