María de Médici

María de Médici
Raíña Consorte de Francia e Navarra
17 de decembro de 1600 a 14 de maio de 1610
Coroación	13 de maio de 1610
Predecesor	Margarida de Valois
Sucesor	Ana de Austria
Nacemento	26 de abril de 1575 Florencia
Falecemento	3 de xullo de 1642 Colonia
Consorte	Henrique IV de Francia (1600-1610)
Casa real	Medici
Proxenitores	Francisco I de Médici Xoana de Austria
Na rede

María de Médici (en italiano: Maria de' Medici), nada en Florencia o 26 de abril de 1575 e finada en Colonia (Alemaña) o 3 de xullo de 1642, foi unha nobre italiana, segunda esposa do rei Henrique IV e raíña consorte de Francia de 1600 a 1610, así como rexente durante a minoría do seu fillo Lois XIII, entre 1610 e 1614, permanecendo no poder ata 1617.

Traxectoria

Era filla de Francisco I de Médici, Gran Duque de Toscana coa súa primeira esposa, a arquiduquesa Xoana de Austria. María tivo unha infancia despreocupada ata 1578, cando morreu a súa nai. Á morte da súa muller, o Gran Duque casou coa súa amante, Bianca Cappello. A partir de entón, María de Médici púxose triste e solitaria no Palacio Pitti.

Tiña por compañía só os seus irmáns, Leonor, Ana e Filipe. Porén, Filipe morreu en 1583 e Ana en 1584. Leonor deixou a Toscana para converterse en duquesa de Mantua, casando con Vicente I Gonzaga, duque de Mantua en 1584. Como o único fillo que quedaba do primeiro matrimonio do Gran Duque, María sentiuse moi soa. O seu consolo foi a presenza do seu curmán Virgílio Orsini, e da súa amiga Leonora Galigai, que era a súa irmá de leite.

En outubro de 1587, María pasou baixo a tutela do seu tío, Fernando I, Gran Duque de Toscana, sucesor de Francisco I que morreu o 19 de outubro de 1587. Fernando I renunciou a ser cardeal e casou con Cristina de Lorena. relación conflitiva con María.

Á espera dun posible matrimonio, María converteuse nunha rapaza dedicada ao estudo, á aprendizaxe da historia, das matemáticas, da arte do debuxo, da escultura e da música. Ela herdou do seu pai o amor pola ciencia; era unha apaixonada das xoias e das pedras preciosas, polo que tamén aprendeu a distinguir o real do falso.

Familia

Ascendencia

Antepasados de María de Médici

8. Xoán de Médici                       4. Cosme I de Médici                             9. Maria Salviati                       2. Francisco I de Médici                                   10. Pedro de Toledo                       5. Leonor de Toledo                             11. María Osorio y Pimentel                       1. María de Médici                                         12. Filipe I de Castela                       6. Fernando I, Sacro Emperador Romano-Xermánico                             13. Xoana I de Castela                       3. Xoana de Austria                                   14. Ladislau II de Bohemia e Hungría                       7. Ana de Bohemia e Hungría                             15. Ana de Foix-Candale

Descendente

Nome	Nacemento	Falecemento
Lois XIII de Francia	27 de setembro de 1601	14 de maio de 1643
Isabel de Francia	22 de novembro de 1602	6 de outubro de 1644
Cristina de Francia	10 de febreiro de 1606	27 de decembro de 1663
Nicolao Henrique de Francia	16 de abril de 1607	17 de novembro de 1611
Gastón de Orleáns	25 de abril de 1608	2 de febreiro de 1660
Henrietta María de Francia	25 de novembro de 1609	10 de setembro de 1669

Véxase tamén

Outros artigos

• Medici