Jackie Robinson

Jackie Robinson
	;
Nome orixinal	(en) Jackie Robinson‏
Biografía
Nacemento	(en) Jack Roosevelt Robinson ; 31 de xaneiro de 1919 ; Cairo, Estados Unidos de América (pt)
Morte	24 de outubro de 1972 (53 anos); Stamford, Estados Unidos de América
Causa da morte	Morte natural (Infarto agudo de miocardio )
Lugar de sepultura	cemiterio Cypress Hills
Datos persoais
País de nacionalidade	Estados Unidos de América
Grupo étnico	Afroamericano
Educación	John Muir High School (en) ; Pasadena City College (en) ; Universidade de California, Os Ánxeles
Altura	180 cm
Peso	92,5 kg
Lateralidade	destro
Actividade
Ocupación	beisbolista , oficial , atleta , adestrador de baloncesto , Vicepresidente
Período de actividade	1945 -
Movemento	Non-violencia
Lingua	Lingua inglesa
Carreira militar
Rango militar	tenente de segunda (1943–)
Conflito	Segunda guerra mundial
Nacionalidade deportiva	Estados Unidos de América
Deporte	béisbol ; atletismo ; Fútbol americano
Disciplina deportiva	Salto de lonxitude
Liga	Major League Baseball
Posición de xogo	Segunda-base (pt)
Número deportivo	42
Traxectoria
Familia
Cónxuxe	Rachel Robinson (1946–1972)
Fillos	Sharon Robinson (pt) , Jackie Robinson Junior (en)
Irmáns	Mack Robinson (pt)
	Premios (2007) Salón da Fama de California; (1956) Medalha Spingarn (pt) ; (1949) Major League Baseball Most Valuable Player Award (en) ; (1947) Major League Baseball Rookie of the Year Award (en) ; Quebec Sports Hall of Fame (en) ; Medalla de Ouro do Congreso dos Estados Unidos de América; Medalla Presidencial da Liberdade; Canadian Baseball Hall of Fame (en) ;
Páxina web	jackierobinson.com

Jack Roosevelt Robinson, nado en Cairo, Xeorxia (Estados Unidos) o 31 de xaneiro de 1919 e finado en Stamford, Connecticut o 24 de outubro de 1972, foi un xogador de béisbol profesional. Foi o primeiro xogador afroamericano en xogar na era moderna das Ligas Maiores de Béisbol (MLB). Robinson rompeu a barreira da cor do béisbol cando os Brooklyn Dodgers o colocaron como xogador titular na primeira base o 15 de abril de 1947. Cando os Dodgers asinaron a Robinson, anuncairon a fin da segregación racial no béisbol profesional que relegaba desde 1880 aos xogadores de cor ás Ligas Negras. Robinson foi seleccionado para o Salón da Fama do Béisbol en 1962.^[1]

Robinson tivo unha destacábel carreira de dez anos na MLB. No seu primeiro ano, 1947, recibiu o primeiro trofeo da historia outorgado ao mellor novato da MLB. Posteriormente, foi escollido seis temporadas consecutivas para xogar o Partido das Estrelas (1949–1954) e gañou o trofeo ao Xogador máis Valioso (MVP) da Liga Nacional, sendo o primeiro xogador de cor en conseguilo.^[2] A nivel colectivo, participou cos Dodgers en seis Series Mundiais, contribiuíndo á vitoria na edición de 1955. En 1997, a MLB decidiu retirar o seu dorsal 42 para todos os equipos, sendo o primeiro atleta profesional en calquera deporte en recibir esa honra. Ademais, a MLB adoptou a tradición de celebrar cada ano o "Día de Jackie Robinson", no cal todos os xogadores de todos os equipos levan o dorsal 42.

O carácter de Robinson, o seu uso da non-violencia e o seu incuestionábel talento desafiaron as bases tradicionais da segregación que marcaba moitos outros aspectos da vida estadounidense. Influíu na cultura e contribuíu significativamente ao movemento polos dereitos civís.^[3]^[4] Robinson foi tamén o primeiro analista de televisión negro na MLB e o primeiro vicepresidente negro dunha gran corporación estadounidense, Chock full o'Nuts.

Na década de 1960, axudou a establecer o Freedom National Bank, unha institución financeira de propiedade afroamericana con sede en Harlem, Nova York. Despois da súa morte en 1972, en recoñecemento aos seus logros dentro e fóra do campo, Robinson recibiu postumamente a Medalla de Ouro do Congreso e a Medalla Presidencial da Liberdade.