Trivia #18: Ang posisyon ng ibat ibang relihiyon sa pagpapakasal sa hindi karelihiyon

Ang interfaith marriage ay ang pagpapakasal ng dalawang taong magkaiba ang relihiyon. Ito ang impormasyon kung ano ang posisyon ng ibat ibang relihiyon sa bagay na ito.

1. IGLESIA NI CRISTO Hindi pinapayagan ang pagpapakasal ng kaanib sa hindi niya kapareho ng relihiyon, at ikakatiwalag niya ito. https://incmedia.org/interfaith-relationships-do-they-work/

2. ROMAN CATHOLIC CHURCH Dati ay hindi pinapayagan magpakasal ang kaanib sa hindi niya kapareho ng relihiyon ngunit ngayon ay pwede na pero dini-discourage at may mga kundisyon. Ang mag-aasawang kaanib ay dapat na mangakong hindi aalis sa pagiging katoliko at gagawin niya ang lahat upang mabinyagan at mapalaking katoliko ang kanilang magiging anak. Samantalang ang hindi kaanib na mapapangasawa ay dapat sumang-ayon, malaman at hindi dapat siya maging hadlang sa pagsasakatuparan nito. Kailangan din nilang humingi ng permiso sa kanilang diocese depende sa uri ng kasal.

👉Mixed Marriage - Catholic at baptized non-Catholic (ex. Baptist, Methodist, etc)

👉Disparity of cult - Catholic at non baptized non-Christian (ex. Muslim, Jew, etc) https://catholicherald.co.uk/the-long-read-why-catholics-shouldnt-marry-non-catholics/ https://www.catholic.com/qa/how-does-the-church-view-interfaith-marriage https://saginaw.org/ecumenical-and-interfaith-marriages

3. JEHOVAS WITNESSES Dini-discourage ang pagpapakasal ng kaanib sa hindi niya kapareho ng relihiyon ngunit hindi niya ito ikakaalis sa simbahan kung sakali. Pwede pero hindi sila papayagang ikasal sa kanilang kingdom hall. https://www.jw.org/en/library/magazines/wp20120701/Why-Did-God-Require-That-His-Worshippers-Marry-Only-Fellow-Believers/ https://christianity.stackexchange.com/questions/4181/are-jehovahs-witnesses-allowed-to-marry-outside-the-faith

4. LDS/MORMON CHURCH Pwede magpakasal ang kaanib sa hindi niya kapareho ng relihiyon ngunit sila ay hindi papayagang ikasal sa kanilang Templo. Ang expectation ay aakayin ng kaanib ang kaniyang asawa na magconvert kalaunan upang sila ay ma-"seal" sa templo dahil naniniwala sila sa celestial marriage na kahit patay na sila ay kasal pa rin sila hanggang sa kabilang buhay. Sa katunayan, sila ang may pinakamababang porsyento ng interfaith marriage sa US ayon sa isang libro.

Bilang karagdagang kaalaman, dini-discourage sa mga kaanib ang interracial marriage o pag-aasawa ng di kalahi. Dati ay pinayagan nila ang polygamy (plural marriage ayon sa Mormons) ngunit ipinagbawal din ito kalaunan dahil nagkaroon ng batas ang US sa pagbabawal nito. https://ph.churchofjesuschrist.org/how-mormon-marriage https://www.fairlatterdaysaints.org/answers/Question:_Is_interracial_marriage_prohibited_or_condemned_within_the_Church%3F https://religionnews.com/2013/05/07/why-mormons-have-the-lowest-rates-of-interfaith-marriage/

5. SEVENTH DAY ADVENTIST Dini-discourage ang pagpapakasal ng kaanib sa hindi niya kapareho ng relihiyon ngunit hindi niya ito ikakaalis sa simbahan kung sakali. Pwede pero hindi sila papayagang ikasal sa kanilang simbahan. https://atoday.org/adventists-and-interfaith-weddings/

6. MCGI/ADD Pwede magpakasal ang kaanib sa hindi niya kapareho ng relihiyon ngunit sila ay hindi papayagang ikasal sa kanilang simbahan. https://www.reddit.com/r/ExAndClosetADD/s/4sKfEAJXaj

7. ISLAM Hindi pinapayagan ang kaanib na magpakasal sa hindi niya kapareho ng relihiyon ngunit may exception. Ang mga lalaking muslim lamang ang pinapayagang magpakasal sa non-muslims ngunit dapat kabilang sa "People of the book" tulad ng Christians at Jews. Dapat ding palakihin ang mga magiging anak sa Islamic faith. https://www.learnreligions.com/interfaith-marriage-in-islam-2004431

Pagdating sa ibang protestant churches, iba iba sila ng posisyon ngunit ang karamihan ay dini-discourage ito. https://en.m.wikipedia.org/wiki/Interfaith_marriage_in_Christianity

Note: Kung may mga relihiyong pumapayag man sa pagpapakasal sa hindi karelihiyon (interfaith marriage) halos lahat ay nagkakaisa sa pagdi-discourage nito. Kaya ang kadalasang nangyayari ay nagpapa-convert ang isa before o after marriage.

Bagamat may ilang mga mag-asawang napagtatagumpayan ang challenges ng pagkakaroon ng magkaibang relihiyon, mas marami ang hindi naging maganda ang epekto nito sa kanilang pamilya.

Ayon sa ilang pag-aaral, ang interfaith couples ay nakakaranas ng "poorer psychological well being" kesa sa couples na same religion. Mas hindi rin involve sa religious practices (like attending church and praying regularly) ang interfaith couples, at mas mababa rin ang porsyento na nagsasabing importante ang religion sa mga anak na pinalaki ng interfaith couples kesa sa couples na same religion. https://www.psychologytoday.com/us/blog/dating-toxic-or-tender/202210/interfaith-relationships-are-becoming-common-do-they-work