Invincible (serie de televisión)

Invincible
Formato	Acción Aventuras Animación adulta
Creado por	Robert Kirkman
Desenvolvido por	Skybound Entertainment Skybound North Amazon Studios Point Grey Pictures
Intérpretes	Steven Yeun Sandra Oh J. K. Simmons
País de orixe	Canadá Estados Unidos
Lingua(s)	Inglés
Temporadas	2
Episodios	17
Produción
Produtor(es) executivo(s)	Robert Kirkman Simon Racioppa David Alpert Catherine Winder Seth Rogen Evan Goldberg
Duración	42–55 minutos
Distribuidor	Amazon Studios
Emisión orixinal
Canle de orixe	Amazon Prime Video
Primeiro episodio	25 de marzo de 2021
Na rede
[ editar datos en Wikidata ]

Invincible é unha serie estadounidense-canadense de animación adulta baseada na banda deseñada homónima creada por Robert Kirkman, Cory Walker e Ryan Ottley para Image Comics. A serie estreouse en Amazon Prime Video e conta a historia dun rapaz de 17 anos chamado Mark Grayson e a súa transformación nun superheroe baixo a guía do seu pai, Omni-Man, o máis poderoso ser da Terra. Durante a súa transformación, Mark atópase loitando entre a súa vida persoal e os deberes de superheroe, onde se verá obrigado a demostrar que pode ser o heroe que é o seu pai. A serie está protagonizada polas voces de Steven Yeun, Sandra Oh e J. K. Simmons no papel da familia Grayson.

Logo da súa estrea, a serie recibiu a aclamación da crítica e da audiencia, que eloxiou a súa animación, secuencias de acción, historia, guión, actuación das voces, peso emocional e lealdade ao material orixinal. En abril de 2021, logo do remate da primeira tempada, Amazon renovou a serie por dous tempadas máis. A segunda tempada estrearase o 3 de novembro de 2023. O 21 de xullo de 2023, Amazon estreou un episodio especial a modo de precuela titulado Invincible: Atom Eve.