Carlos IV de Luxemburgo

Carlos IV de Luxemburgo

Nome orixinal	(cs) Karel IV.
Biografía
Nacemento	14 de maio de 1316 (Gregoriano) Praga
Morte	29 de novembro de 1378 (Gregoriano) (62 anos) Praga
Causa da morte	Morte natural  (Pneumonía )
Lugar de sepultura	Catedral de San Vito Praga
Emperador do Sacro Imperio Romano Xermánico
6 de xaneiro de 1355 – 29 de novembro de 1378
Conde de Luxemburgo
1346 (Gregoriano) – 1353 (Gregoriano) (Duchy of Luxembourg (en) ) ← João I da Boémia (pt) – Supresión do cargo →
11º Rei de Bohemia
1346 – 1378 ← João I da Boémia (pt) – Venceslau IV de Bohemia →
Príncipe elector
Datos persoais
País de nacionalidade	Sacro Imperio Romano Xermánico
Relixión	Igrexa católica
Actividade
Campo de traballo	State administration (en) , política, militar (pt) , dereito, sistema educativo, arquitectura e literatura
Ocupación	monarca , político , escritor , monarca
Lingua	Lingua latina, lingua alemá, lingua checa, lingua italiana, francés medio e lingua francesa
Outro
Título	Margrave Rei Emperador
Familia	Casa de Luxemburgo
Cónxuxe	Isabel da Pomerânia (1363–1378) Ana de Swidnica (1353–1362) Ana da Baviera (1349 (Gregoriano)–1353 (Gregoriano)) Branca de Valois (1323 (Gregoriano), 1329 (Gregoriano)–1348 (Gregoriano))
Fillos	Catherine of Bohemia (en)  () Branca de Valois (pt) John of Görlitz (en)  () Isabel da Pomerânia (pt) Margaret of Bohemia, Burgravine of Nuremberg (en)  () Isabel da Pomerânia (pt) Margarida da Boêmia, rainha da Hungria (pt)  () Branca de Valois (pt) Sexismundo de Luxemburgo  () Isabel da Pomerânia (pt) Venceslau IV de Bohemia  () Ana de Swidnica (pt) Ana da Boémia (pt)  () Isabel da Pomerânia (pt) Elisabeth of Bohemia (en)  () Ana de Swidnica (pt) Karel of Bohemia (en)  () Isabel da Pomerânia (pt)
Pais	João I da Boémia (pt)   e Isabel da Boémia (pt)
Irmáns	Bona de Luxemburgo (pt) , Ana da Boêmia, Duquesa da Áustria (pt) , Margaret of Bohemia, Duchess of Bavaria (en) , Nikolaus von Luxemburg (pt) , Venceslau I de Luxemburgo (pt) e John Henry (en)
Parentes	João, Duque de Berry (pt) (sobriño) Carlos V de Francia (sobriño) Jobst da Morávia (pt) (sobriño) Albert III, Duke of Austria (en) (xenro) Otão V da Baviera (pt) (xenro) Filipe VI de Francia (cuñado) Carlos de Valois (sogro) Rodolfo IV da Áustria (pt) (xenro)
Lista pneumonía

Carlos IV (en alemán: Karl IV, en checo: Karel IV, en latín: Carolus IV) nado en Praga o 14 de maio de 1316 e finado na mesma cidade o 29 de novembro de 1378, foi un emperador do Sacro Imperio Romano Xermánico, da Casa de Luxemburgo, e rei de Alemaña, Bohemia, Borgoña e Italia.

Biografía

Primeiros anos de vida

Membro da Casa de Luxemburgo, fillo do conde Xoán I de Luxemburgo (rei de Bohemia a través do seu matrimonio) e de Sabela de Bohemia (filla do rei Venceslau II e irmá de Venceslau III).

Foi Rei de romanos (entre 1344 e 1378) e emperador do Sacro Imperio Romano Xermánico (entre 1355 e 1378). A través da súa herdanza paterna tamén se converteu en rei de Bohemia (entre 1346 e 1378) e conde de Luxemburgo (entre 1346 e 1353). Foi chamado Venceslau, mais despois da súa confirmación cambiouse o nome por Carlos.

Ascenso ao poder

Foi elixido rei de romanos coa oposición do emperador Lois IV ao ser declarado deposto polo papa Xoán XXII pola política que mantivo en relación con Italia e o propio papado. Dous anos despois (en 1346 sucedeu ao seu pai no trono de Bohemia e no condado de Luxemburgo), prestou o seu apoio ao papa Clemente VI. En 1348 fundou a Universidade de Praga. En 1355 foi coroado rei dos lombardos e, en Roma, como emperador.

A través da promulgación da Bula de Ouro en 1356, quedaron establecidos os requisitos e pasos necesarios para alcanzar a elección como emperador do Sacro Imperio. Sucedeulle como monarca de Bohemia e Luxemburgo o seu fillo Venceslau, que tamén foi designado rei de Alemaña ou dos romanos. Foi o gran promotor da cidade de Praga, pero tamén reafirmou o valor emblemático de Núremberg, dentro do Imperio, con cincuenta e dúas estancias na cidade.

Familia

Matrimonios e fillos

Carlos casou catro veces. A súa primeira esposa foi Branca de Valois (1316-1348), filla de Carlos de Valois. Desta unión naceron dúas fillas:

• Margarida de Luxemburgo (1335-1349), casada con Lois I de Hungría.
• Caterina de Bohemia (19 de agosto de 1342 - 26 de abril de 1395), quen contraeu matrimonio primeiro con Rodolfo IV e logo con Otto V.

O seu segundo matrimonio foi con Ana de Baviera (1329-1353), filla de Rodolfo II.

• Venceslau, que morreu de novo.

A súa terceira esposa foi Ana de Świdnica (1339-1362, filla de Henrique II e Catarina de Anjou), con quen tivo dous fillos:

• Venceslau de Luxemburgo (1361-1419), sucesor de Carlos como rei de Bohemia.
• Sabela de Bohemia (1358-1373), quen casou con Alberte III de Austria.

A súa cuarta esposa foi Sabela de Pomerania (1347-1393), filla do Boguslaw V, e Sabela de Polonia. Da súa unión naceron seis fillos:

• Ana de Bohemia (1366-1394), quen casou con Ricardo II de Inglaterra
• Sexismundo de Hungría (1368-1437), emperador xermánico, rei de Bohemia e Margrave de Brandeburgo.
• Xoán de Luxemburgo (1370-1396).
• Carlos de Luxemburgo (1372-1373).
• Margarida de Bohemia (13731410), quen casou con Xoán III, Margrave de Núremberg.
• Henrique de Luxemburgo (1377-1378).

Ascendencia

Ascendencia de Carlos IV en tres xeracións

Carlos IV de Luxemburgo	Pai: Xoán de Bohemia	Avó paterno: Henrique VII	Bisavó paterno: Henrique VI
			Bisavoa paterna: Beatriz D'Avesnes
		Avoa paterna: Margarida de Brabante	Bisavó paterno: Xoán I, duque de Brabante
			Bisavoa paterna: Margarida III de Flandres
	Nai: Sabela de Bohemia	Avó materno: Venceslau II de Bohemia	Bisavó materno: Otakar II de Bohemia
			Bisavoa materna: Cunigunda de Eslavonia
		Avoa materna: Xudite de Habsburgo	Bisavó materno: Rodolfo I de Habsburgo
			Bisavoa materna: Xertrude de Hohenburg

Véxase tamén

Outros artigos

• Nové Město.
• Ponte de Carlos.
• A era de Carlos IV en Praga.