重提同葉璇互寸！方力申為採訪奧運放棄6位數工作

藝人方力申（小方）出席「2020東京奧運會」記者會，對於2004年雅典奧運曾代表無綫到當地採訪，期間與葉璇對話時「互寸」惹來誤會，他於台上也重提事件：「17年前同葉璇成為經典，今年我期待再有另一個經典，不過係正面嘅。」

他坦言希望有機會赴東京奧運場地任主持：「之前以運動員身份做主持比較抗拒，覺得訪問番運動員會好面懵，但係到今時今日就冇咗呢個包袱，咩都做啦！」更指為了爭取到東京，不惜推掉6位數的搵銀機會：「本來6月要返內地隔離，之後拍網絡大電影。（如果奧運取消咪兩樣都冇晒？ ）咁都冇辦法，人生就係咁樣，冇觀眾嘅奧運都好想參與，不過我有信心可以如期舉行嘅。」