Psicosis’: FADA cu episodio nobo riba salud mental

Salud mental ta un topico cu na Aruba nos ta birando mas consciente di dje. Te cu dia di awe e topico aki ainda ta considera como dificil, ya cu e ta pone un persona den un posicion vulnerabel. Hende ta scoge pa evita e topico aki pa motibo di miedo, berguensa y stigma.

No ta solamente adulto por desaroya un malesa psicologico. Esaki por pasa cu un mucha, un hoben ya cu e no ta discrimina ni rasa, ni colo y menos edad.

Den e episodio aki lo bo cera conoci cu un hoben adulto yama Luis. Luis ta un persona cu door di circunstancianan di bida a sinti pa haci uzo di substancia pa yud’e deal cu su rutina di bida.

Esey a pone cu el a haya su mes cu episodio di psicosis y tambe a yega na pre-schichofrenia. Aki lo elabora riba su storia cu lo cera bo conoci mas cerca cu e malesa psicologico yama ‘psicosis’. 

Diahuebs awo, FADA lo presenta e tema aki riba 24ora.com pa 9:00 pm. No keda sin sintonisa.